Bethany CS Studim - Milika Dhamo

SHTATËZANIA NË KRIZË
“Më gjuanin me gurë në ëndërr...”, “Më vinte një gjarpër i madh i zi rrotull!”, “Më ndiqte një qen
që lehte pa pushim!”, “Rashë nga një lartësi!”, “Po mbytesha...!” janë leitmotivet e ëndrrave që sjellin në
këshillim shtatëzanat në krizë.
Një këshilluese
• Izolim social;
N. vetëm 17 vjeç troket në derë dhe si të mos donte të shqetësonte kënd, u ul në cep të kolltukut. Sytë
i mbante poshtë dhe gishtat i vriste me njeri tjetrin. Nuk foli për pak kohë e më pas, si të donte të çlirohej,
tha me një frymë: “Kam mbetur shtatzënë!”. Nga sytë i breshëruan lot. “Jam e vetme. Familja më ka
braktisur. Ata nuk e pranojnë lidhjen që kam me një djalë. Ai është jevg. Për ta është turp që unë të
martohem me një jevg!” Dhe koka iu këput mbi dorën e pafuqi.
“Ju lutem, më ndihmoni!” mundi të thotë para se të përhumbej përsëri në hallin e saj.
Punonjësja e rastit
• Vështirësi në mbajtjen e marrëdhënieve sociale;
Klientja nuk ishte paraqitur në takimet e grupit dhe ato individuale, edhe pse Fatosi (shoferi i SHSB)
i kish shkuar disa herë për ta marrë. I mungonte dëshira për të marrë pjesë. Në takimin e kërkuar me
këmbëngulje nga punonjësja sociale ajo thotë: “Nuk mund të vij! Dua të rri vetëm! Më lodhin njerëzit!
Sa nisem për të dalë ndihem e këputur! Më duket se kam harruar të flas!”
Punonjëse sociale
• Frikë prej përjashtimeve apo dështimeve;
• Apati dhe irritueshmëri në lëvizjet fizike;
• Ndjenja dhe gjendje që askush nuk i kupton;
Pavarësisht kontratës më familjen strehuese ku kujdesi për të është primari, K nuk përpiqet të marrë
pjesë. Ajo ka humbur besimin se dikush mund të kujdeset për të; nuk është në gjendje të kontrollojë
emocionet; bën monologë pafund të dhimbshëm dhe është përgjithësisht nervoze.
Nga shënimet e seancës
• Mungesë bashkëpunimi me punonjëset e ndihmës
• Probleme me abuzimin e substancave: duhanit, kafesë dhe qetësuesve.
27