Bethany CS Studim - Milika Dhamo

SHËRBIMET SOCIALE TË BETHANY
REKOMANDIME
Dhjetë vite përvojë që Bethany ka në zhvillimin e programin “Strehë për shtatzëninë në
krizë” ndihmojnë të arrihet në këto konkluzione.
1. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar vlen të parandalohet.
Një strategji parandalimi mund të jetë shtimi qëllimshëm i formave dhe aktorëve të edukimit
informal me shprehi të jetës dhe shëndetit riprodhues. Përshtatja e kurrikulave të arsimit
tetëvjeçar dhe të mesëm me natyrën dhe nevojat e komunitetit do të ndihmojë në punësimin
e vajzave dhe parandalimin e formave të rendjes pas më shumë sigurie në jetë, gjë që, siç e
tregon studimi, rrit shanset për krizë në shtatëzani.
2. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar vlen të trajtohet.
Çështja e shtatzënisë së braktisur e në krizë është një çështje ende e paprekur. E lënë e
harruar, ajo vazhdon të prodhojë jo vetëm gra të predispozuara për vulnerabilitet, po edhe
fëmijë të rrezikuar për t’u shfrytëzuar e trafikuar. Strukturat shtetërore sociale e mjekësore
duhet të bashkëpunojnë më ngushtë me OJF për të mbështetur shtatëzanat e braktisura.
Aktoret qeveritarë dhe joqeveritarë duhet të koordinojnë punën për krijimin dhe shtrirjen e
rrjetit të shërbimeve në ndihmë gruas shtatzënë dhe fëmijës që ajo sjell në jetë, të sigurojnë
shërbime shëndetësor cilësore dhe trajtim konfidencial.
3. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar vjen nga padija kontraceptive.
Çuditërisht, dallimi midis popullatës rome dhe të bardhë në çështjet e padijes kontraceptive
nuk është shumë evident. Të dyja kategoritë mohojnë të kenë ditur se si ndodh shtatzënia.
66