Create successful ePaper yourself
Turn your PDF publications into a flip-book with our unique Google optimized e-Paper software.
38<br />
ROMANE GILJARNA<br />
Hedina Tahirović Sijerčić<br />
ASHUN, HACHAR<br />
Ashunes li lenaki vorba,<br />
Ashunes li kovlo pajesko peravipe e<br />
barestar pe bareste,<br />
E barorestar pe baroreste,<br />
E pajesko chhordaripe ande<br />
kavchinora thaj<br />
Kavchinora ande drosin.<br />
Ashunes li? Hachares li?<br />
Ashunes li e chiriklengi djili,<br />
Hachares tu lengo gindo.<br />
Ashunes tu e vosheski vorba,<br />
e krangici vorbica thaj<br />
E patrinango hasape.<br />
Ashunes li? Hachares li?<br />
Hedina Tahirović Sijerčić bijandili 11. 11. 1960. ando Saraj (Sarajevo),<br />
Bosna thaj Hercegovina ande Rromani mahala Gorica. Voj si sikadi zhurnalisti<br />
thaj sikamni. Hedina sasa angluni editori pala Rromane programe<br />
pe Radio-Televizijate Sarajevo, thaj angluni Rromni savi gatisarda univerziteto<br />
ande Bosna thaj Hercegovina. Voj dzivela ande Torontoneste kaj<br />
resla Ontario Koledj - Vuchi Sikamni Diploma. Hedina cherda buchi ande<br />
Toronto sar regularni sikamni pe Engliski chib pala skolaki themeski organizacija<br />
savi akhardol “Toronto District School Board”. Voj sasa angluni<br />
editori pala angluno Rromano lil ande Kanada pe akhardipe “<strong><strong>Roma</strong>no</strong> Lil”,<br />
1998-2001. Hedina akana dzuvdel ande Germanija.<br />
Ashunes li e grastehko hrmetipe,<br />
e dzukhelehko bashipe,<br />
Ashunes li e porade pe dromeste,<br />
E manushengi vorba thaj<br />
chhavorengo hasape.<br />
Ashunes li? Hachares li?<br />
Ako ashunes, ako hachares: von na<br />
praxosarde chiro manushipe.<br />
BALVAL<br />
NASHAV<br />
Nashav prdal pe livadjina thaj plajinaka<br />
Von chingaren thaj traden man.<br />
Nashav prdal pe pajorra thaj dorjava<br />
Von chingaren thaj traden man.<br />
Shorale, phakale, lole guguja dandalen<br />
man<br />
Kale cherma crden man.<br />
Limali, lenaki char phangel man<br />
Loli, lenaki luludji pusavel man.<br />
Perav. Nashav.<br />
Perav. Nashav.<br />
Melalo, kalo, chichidino pajorro<br />
nakhavel man.<br />
Tasavav ma.<br />
<strong>Roma</strong>ni, phakali chirikli ikalel man<br />
thaj<br />
Ando parno them idjarel man.<br />
DAJE<br />
Ando suno mo chavo phenela,<br />
vazdinjalo na mangela.<br />
Daje, daje so te cherav me?<br />
Mo chavo rovela,<br />
na dzanava so les dukhela.<br />
Leske chucha shuvljarde,<br />
leske jakha ratvarde.<br />
Daje, daje so te cherav me?<br />
Mo ciknorro rovela,<br />
lesko chikat tatarela.<br />
Chaje, mora* crdela les.<br />
Voj phagela lesko suno.<br />
Voj pijela lesko zor.<br />
Xut e choxana!<br />
Teharin<br />
Devlesko Balval phurdel<br />
mo phraripe<br />
Devlesko Balval idjarel<br />
mo dozacharipe.<br />
Opashodjive<br />
Djurdjevdansko pajorro thovel mo<br />
nasvalipe.<br />
Zumbulako sung del mandje shukaripe.<br />
Irat<br />
Kotorvale, cikne memela phabaren.<br />
<strong>Roma</strong>ne pendzera strafinen.<br />
Halvako sung the Devlesko rudjipe<br />
krzo hava buhljaren.<br />
Mahala the mubarek jrat man<br />
sastiven.<br />
Devlesko Balval kushljarel man<br />
Devlesko Balval sovljarel man.<br />
ROMANO<br />
ROMSKA<br />
ČAĆIPE<br />
ISTINA