udhezues edukata 1.indd - Albas

Libër mësuesi për tekstin “Edukata shoqërore 1”
Tema 1. Unë dhe shokët
KAPITULLI II
UNË DHE TË TJERËT
Objektivat: Në fund të orës së mësimit nxënësi të jetë i aftë:
• Të dallojë shokët /shoqet e tij/saj sipas mjedisit ku vepron.
• Të diskutojë për veprimet dhe lojërat që luan në grup.
• Të luajë lojën me dëshirë.
Parashikimi: Bisedë
Fjalë kyç:
Mjetet:
Aftësitë:
shok, shoqe, lojë, grup.
teksti i nxënësit, një shami.
të dalluarit, të diskutuarit, të luajturit.
Struktura PNP Metoda, teknika e veprimtari Koha
Parashikimi
Bisedë
Ndërtimi i njohurive
Përforcimi
Komento-diskuto dhe vizatim
Lojë, pyetje-përgjigje
Zhvillimi i mësimit
Mësuesi/ja nis një bisedë me nxënësit.
Sot do të tregojmë për shokët dhe shoqet tona. Po e nis nga vetja ime.
Unë tani jam e rritur. Kam edhe shokë e shoqe. Kam shokë këtu në shkollë, ku unë punoj, kam shokë në
lagjen ku kam banuar kur isha e vogël dhe në lagjen ku banoj tani. Kam dhe shokë dhe shoqe të shkollës kur
kam qenë nxënëse. Disa prej tyre i takoj përditë. Disa i takoj më rrallë ose janë larg dhe flas në telefon.
Ka ndonjëri nga ju dëshirë të na tregojë për një shok/shoqe të ngushtë.
Nxënësit nxiten të tregojnë pa drojë.
Ndërtimi i njohurive: Komento-diskuto dhe vizatim
Le të njihemi me shokët e Erit dhe të Jonës. Nxënësit orientohen të shohin figurat. Autorja dhe piktorja i
kanë grupuar shokët e tyre në tri grupe. Le t’i shohim me radhë ato.
o Grupi i parë janë shokët e klasës. Si mundët ta dalloni
Uniforma, çantat e shkollës, librat.
o Grupi i dytë janë shokët e skuadrës. Si i dalluat Uniforma e një skuadre futbolli.
- Po ju bëni pjesë në ndonjë skuadër Nxënësit nxiten të tregojnë për veprimtaritë sportive ku ata bëjnë pjesë.
o Grupi i tretë janë shokët e lagjes, pra shokët e vendit ku ata banojnë. Ata janë duke luajtur me lodrat që
iu pëlqejnë.
Nxënësit inkurajohen të tregojnë për shokët e tyre të lagjes.
Nxënësit orientohen të shohin figurat dhe të diskutojnë rreth tyre.
Shokët e klasës mësojnë dhe ndihmojnë njëri-tjetrin.
Me shokët e lagjes ndërtojmë shtëpi prej kartoni, lajmë qenin, me shokët e skuadrës luajmë,
Vizatim
Nxënësit mund të vizatojnë sipas dëshirës shokun ose shoqen e klasës, skuadrës, lagjes.
Nxënësit i tregojnë njëri-tjetrit vizatimet dhe i komentojnë mes tyre.
16