udhezues edukata 1.indd - Albas

Libër mësuesi për tekstin “Edukata shoqërore 1”
Tema 5. Të ndihmojmë njëri-tjetrin
Objektivat: Në fund të orës së mësimit nxënësi duhet të jetë i aftë:
• Të tregojë ndihmën ndaj të tjerëve.
• Të hartojë një listë situatash ndihme.
• Të përcaktojë vlerën e ndihmës.
Fjalë kyç:
Mjetet:
ndihmë, punojmë, gatishmëri.
teksti, përralla “Luani dhe miu”.
Aftësitë: të treguarit, të hartuarit, të përcaktuarit.
Struktura PNP Metoda, teknika e veprimtari Koha
Parashikimi
Dëgjim i drejtuar
Ndërtimi i njohurive
Bashkëbisedim
Përforcimi
Punë në dyshe
Zhvillimi i mësimit
Parashikimi: Dëgjim i drejtuar
Nxënësve u lexohet përralla “Luani dhe miu”.
Mësuesi/ja drejton pyetjet:
- Cili kishte nevojë për ndihmë
- Cili e ndihmoi
- A e ndihmon edhe i vogli të madhin
- Po ju, a i keni ndihmuar të tjerët - Tregoni si i keni ndihmuar ata.
Ndërtimi i njohurive: Bashkëbisedim
Hapet teksti në faqen 32. Lexohet nga nxënësit:
Kur ndihmojmë njëri-tjetrin, puna mbaron më shpejt.
Kjo fjali ilustrohet me shembujt e tekstit:
1. Fëmijët ndihmojnë në transportimin e tullave.
2. Së bashku ndihmojmë në larjen e makinës.
3. Së bashku ngremë kutinë e rëndë.
Duke parë figurat e tekstit nxënësit listojnë situatat ndihmëse.
1. Djali ndihmon babanë në ndërtimin e një kolibeje.
2. Djali ndihmon vajzën për të mbushur shportën me kërpudha.
3. Djali ndihmon nënën në gatim.
4. Djali ndihmon vajzën në tërheqjen e një karroceje.
Paraqitet në etiketë të zmadhuar mesazhi: “Të ndihmojmë njëri-tjetrin, kur është e nevojshme”.
28
Përforcimi: Punë në dyshe
Ndahet klasa në grupe dyshe. Secili i thotë njëri-tjetrin se çfarë ndihme kërkon nga shoku apo shoqja.
- Të pastrojnë bankën ku rrinë.
- Të mbështjellë fletoren.
- Të rregullojë mjetet mësimore.
- Të zgjidhë situatën problemore që e ka të vështirë etj.
Dëgjohen disa çifte nxënësish.
Detyrë shtëpie. Shkruajeni mesazhin në fletore.