udhezues edukata 1.indd - Albas

Hyrje 

I nderuar mësues/ mësuese! 

Duke punuar për realizimin e projektit për botimin e librave në ndihmë të mësuesit, Shtëpia 

Botuese “Albas”, po ju vë në dispozicion Librin e mësuesit për lëndën e Edukatës shoqërore nga 

klasa I në të V, si dhe për lëndën e Historisë për klasën IV. 

Udhëzuesit për çdo klasë u hartuan nga mësuese, të cilat sjellin në ta përpjekjet, mundin dhe 

përvojën e tyre dhe të kolegëve të tyre. Në ta janë bërë përpjekje serioze për të sjellë metoda e 

teknika sa më bashkëkohore për dhënien e këtyre lëndëve. 

Struktura e çdo udhëzuesi është si më poshtë: 

· Plani sintetik dhe analitik i lëndës, objektivat për çdo orë mësimi, materialet dhe mjetet. 

· Mësime model për çdo temë mësimore. 

· Modele për orët e lira 

· Fletë pune 

Orët mësimore janë ndërtuar duke pasur si material burimor tekstet e Edukatës shoqërore të ciklit 

fillor dhe të Historisë 4. 

Në konceptimin e çdo mësimi është mbajtur parasysh synimi i lëndës së edukatës shoqërore dhe 

historisë, për edukimin e qytetarit të ardhshëm, prandaj janë bërë përpjekje të përdoren metoda dhe 

teknika që nxitin mendimin e pavarur, kritik dhe krijues të nxënësit, siç janë: diskutimi, debati, si dhe 

të mësuarin nëpërmjet situatave problemore. 

Në shumë raste është parë e nevojshme përdorimi i lojës duke përcjellë natyrshëm dhe gëzueshëm 

te nxënësit konceptet qytetare. 

Në klasat e larta është këmbëngulur që konceptet shkencore të parashikuara në program, të 

zbërthehen me një fjalor të pasur me terma të edukimit qytetar, i cili synohet të bëhet pasuri e fjalorit 

aktiv të nxënësit. 

Në këta libra i vihet rëndësi kërkesës që duhet të ketë mësuesi për t’i aftësuar nxënësit të japin 

përgjigje të plota, të qarta dhe logjike. 

Në këtë botim ju do të gjeni fletë pune me kërkesa që lidhen me botën e fëmijëve, zgjidhja e të 

cilat kërkon nga nxënësit të vënë në punë si njohuritë e reja, edhe përvojat e tyre vetjake. Shprehjet 

inkurajuese që janë përdorur në fund të tyre shpresojmë që do t’u japin kënaqësi nxënësve. 

Në orët e lira është parashikuar të përdoren këto fletë pune, si dhe të zhvillohen veprimtari praktike 

që nxënësit do të kryejnë nën drejtimin e mësuesit/es. E rëndësishme është që këto veprimtari të 

nisin me një listë pyetjesh, të cilat do të orientojnë nxënësit gjatë vëzhgimit. 

Ju urojmë një vit të mbarë shkollor dhe suksese në realizimin e objektivave të lëndëve Edukata 

shoqërore 1-5 dhe Histori 4, të cilat ndihmojnë në formimin qytetar të fëmijëve tanë. 

Bashkëpunimi i mëtejshëm me ju, kërkesat, vërejtjet, mendimet e sugjerimet tuaja, të cilat janë 

shumë të mirëpritura, do të bëjnë të mundur botime të reja në ndihmë të mësuesit.

Botues: 

Latif AJRULLAI 

Rita PETRO 

Redaktore përgjegjëse: 

Jorina KRYEZIU 

Recensente: 

Mirela TËROVA 

Arti grafik: 

Emanuela Lumani 

Kopertina: 

Eva KUKALESHI 

© Albas, Tiranë 2009 

Të gjitha të drejtat janë të rezervuara 

Shtëpia Botuese Albas 

Në Tiranë: Rr. Budi, Pall. “Clasic Constuction”, zyra n. 2 

Tel/Fax: ++ 355 4 22379184 

e-mail: albas_tr@yahoo.com 

Në Tetovë: Rr.Ilindenit, nr.105 

Tel: 044 344047 

e-mail: albas_te@yahoo.com 

Në Prishtinë: Rr.Eqrem Çabej, nr.47 

Tel: 038 5457139 

e-mail: albas_pr@yahoo.com

Libër mësuesi 

Edukata shoqërore 1 

Përgatitur nga: 

Ilda Alushaj 

Brisida Çekrezi 

Botime shkollore Albas 

3

Libër mësuesi për tekstin “Edukata shoqërore 1”





Libër mësuesi për tekstin “Edukata shoqërore 1” 

Tema 1. Më njihni 

 

KAPITULLI I 

KUSH JAM UNË 

Objektivat: Në fund të orës së mësimit nxënësi të jetë i aftë: 

• Të prezantojë veten e tij/saj. 

• Të krahasojë veprimet e tij/saj në kopsht dhe në shkollë. 

• Të krahasojë kopshtin me shkollën. 

 

Parashikimi: Prezantim 

Fjalë kyç: 

Mjetet: 

Aftësitë: 

unë, ti, kopsht, klasë, shkollë. 

etiketa me emrat e nxënësve. 

të shprehurit, të krahasuarit. 

Struktura PNP Metoda, teknika e veprimtari Koha 

Parashikimi 

Prezantim 

Ndërtimi i njohurive 

Përforcimi 

Bisedë 

Rrjeti i diskutimit 

 

Zhvillimi i mësimit 

Mësuesi/ja ka përgatitur etiketa me emrat e nxënësve, të cilat i ka hedhur në një glob. Ajo tërheq një 

etiketë dhe nxënësi, të cilit i përket emri, ngrihet dhe prezantohet. P.sh.: 

Unë jam Drini. Jam gjashtë vjeç. 

Kështu vazhdohet me të gjithë nxënësit e tjerë. 

Ndërtimi i njohurive: Bisedë 

Mësuesi/ja vazhdon me një bisedë mbi kopshtin dhe shkollën. 

- Sa fëmijë ishit në kopsht 

- Si quhej kopshti juaj 

- Po mësueset e kopshtit si quheshin 

- Cilat ishin gjërat që bënit në kopsht 

- Cilat ishin lodrat me të cilat luanin 

Nxënësit orientohen të shohin figurat. 

Jona 1 dhe Eri 2 kur ishin në kopsht. 

Jona dhe Eri tani në shkollë. 

- Si janë ulur fëmijët në kopsht (Janë ulur rreth tavolinës.) 

- Si janë ulur në shkollë (Njëri pas tjetrit nëpër banka.) 

- Çfarë kanë në vend të lodrave (Librat, fletoret dhe mjetet e tjera të punës.) 

Përforcimi: Rrjeti i diskutimit 

Po 

Pyetja 

Ku mendoni se është më mirë në kopsht apo në shkollë 

Nxënësit japin mendimet e tyre dhe në fund mësuesi/ja jep përfundimin: 

Fëmijët duhet të vijnë në shkollë, sepse mësojnë shumë gjëra që nuk i dinë. 

 

Detyrë shtëpie. Punoni me prindërit. Sillni në klasë foto ku të tregoni si keni 

ndryshuar. Krijoni një kuti me objektet tuaja të kopshtit. 

Jo 

1, 2 Personazheve të librit u kemi vendosur emra: Jona dhe Eri.


Tema 2. Unë dhe ju 

 


• Të dallojë veten nga të tjerët. 

• Të dallojë të tjerët mbi bazën e tipareve të jashtme. 

• Të vizatojë 2-3 figura njerëzish me tipare të ndryshme sipas dëshirës së tij/saj. 

 

Parashikimi: Prezantimi 

Fjalë kyç: 

Mjetet: 

Aftësitë: 

djalë, vajzë, i madh, i vogël, ngjyrat e lëkurës. 

teksti i nxënësit, letër, lapsa. 

të dalluarit, të vizatuarit. 


Parashikimi 

Prezantimi 


Vështrim krahasues 

Përforcimi 

Vizatim i drejtuar 

 

Zhvillimi 

i mësimit 

Sot miqtë tanë, Eri dhe Jona, do të na tregojnë për veten e tyre dhe si i dallojnë ata njerëzit e tjerë. 

- Mësuesi/ja prezanton veten e tij/saj. 

Unë jam grua/burrë. 

Jam ____ vjeç. 

P.sh.: nëse është grua. Jam e gjatë, pak e shëndoshë, flokët i kam ngjyrë kafe, sytë e zinj. Më pëlqen të 

vishem bukur. Vesh fustane, funde, pantallona, sandale, këpucë. 

Në klasën tonë kemi ____ djem dhe ____ vajza. 

Ndërtimi i njohurive: Vështrim krahasues 

Ngrihen nxënësit me radhë që të thonë gjininë, moshën, si dhe të përshkruajnë pamjen e tyre (ngjyrën e 

flokëve, e syve, e lëkurës etj.), pra, nxënësit duhet të arrijnë në përfundimin se ne ndryshojmë nga: 

- gjinia: djalë, vajzë, burrë, grua; (mashkull- femër); 

- mosha: i vogël, i rritur, i plakur; (sa vjeç jemi); 

- paraqitja: ngjyra e flokëve, e syve, e lëkurës etj.; (pamja e jashtme). 

Gjithashtu nxënësit plotësojnë edhe pikën e parë të rubrikës “Puno dhe ti”. 

Përforcimi: Vizatim i drejtuar 

Në rubrikën “Puno dhe ti”, nxënësit punojnë më pikën 2 të kësaj rubrike, duke i vizatuar tiparet sipas 

dëshirës. Pasi mbarojnë i krahasojnë vizatimet me njëri-tjetrin. 

 

Detyrë shtëpie. Punoni rubrikën “Puno me prindërit”, në faqen 7 të tekstit. 

Për orën tjetër sillni foto nga familja. 

10


Tema 3. Unë dhe familja 

 


• Të flasë për familjen e tij/saj, duke u bazuar mbi fotot e sjella në klasë. 

• Të dallojë familjen e vogël nga familja e madhe, duke u bazuar në numrin e 

anëtarëve të saj. 

• Të emërtojë anëtarët e një familjeje. 

• Të shkruajë emrat e anëtarëve të familjes së tij/saj ose t'i vizatojë ato. 

 

Parashikimi: Diskutim mbi fotot 

Fjalë kyç: 

Mjetet: 

Aftësitë: 

familje, familje e vogël, familje e madhe. 

foto të familjes, fletë të bardha, lapsa me ngjyra. 

të folurit, të dalluarit, të emërtuarit. 


Parashikimi 

Diskutim mbi fotot 


Përforcimi 

Vëzhgo - diskuto 

Shkrim ose vizatim 

 


Nxënësit orientohen të nxjerrin fotot e sjella në klasë të familjeve të tyre dhe të tregojnë për to. 

Emrat e anëtarëve të familjes. Nxënësit i tregojnë fotot njëri-tjetrit. Mësuesi/ja nxit secilin prej tyre me pyetje 

të ndryshme: 

- Ku ke dalë në këtë foto 

- Sa vjeç ke qenë ti 

- Ku jetojnë gjyshërit e tu 

Ndërtimi i njohurive: Vëzhgo - diskuto 

Mësuesi/ja i orienton nxënësit që të shikojnë me vëmendje ilustrimet e librit. 

Dy miqtë tanë, Eri dhe Jona, do të na tregojnë për familjet e tyre. 

- Duke parë figurën, si thoni me kë jeton Eri (Me mamin dhe me babin.) 

- Po Jona (Me mamin, babin, gjyshin, gjyshen dhe vëllanë.) 

- Ku jetojnë më shumë njerëz në familjen e Erit apo në familjen e Jonës (Në familjen e Jonës.) 

- Pra, cila familje është e madhe dhe cila është e vogël (Familja e Erit është më e vogël, sepse ka 

vetëm tre anëtarë: Erin dhe dy prindërit, ndërsa familja e Jonës është më e madhe, sepse me ta jetojnë edhe 

gjyshërit.) 

Mësuesi/ja i orienton nxënësit të shohin dhe një herë fotot e tyre dhe të gjejnë se me cilën familje ngjan 

familja e tyre. 

Mësuesi/ja vazhdon me pyetje të tjera: 

- Si mendoni ju pse njerëzit jetojnë në familje 

- A ndodhin gjëra të bukura në familjet tuaja 

- A mund të tregoni diçka gazmore që ka ndodhur në familjen tuaj gjatë kësaj jave 

Nxënësit tregojnë dhe inkurajohen për sinqeritetin e tyre. 

Mësuesi/ja i orienton të shohin dy figurat e tjera të rubrikës “Si mendon ti”. 

Deri tani ne thamë se njerëzit jetojnë në familje. - Po tjetër, kush jeton në familje (Jetojnë dhe kafshët.) 

11


Në figurat e librit paraqitet familja e zogjve dhe familja e arinjve. 

- Nga filmat vizatimorë që keni parë, a ju vjen ndërmend ndonjë familje kafshësh 

Mësuesi/ja mund t’i ndihmojë nxënësit: 

Familja e miushit Ekart. 

Familja e pinguinit Pingu. 

Familja e ariut me emrin Larsi dhe familja e arushës Lea. 

- Ka dëshirë ndonjëri të tregojë diçka që i ka mbetur në mendje nga këto personazhe 

Përforcimi: Shkrim ose vizatim 

Nxënësit orientohen të shkruajnë emrat e familjarëve të tyre në skedën Ja familja ime! 

Për nxënësit që kanë vështirësi, mësuesi/ja i orienton të vizatojnë në një fletë familjen e tyre dhe ta ngjyrosin atë. 

Në fund ata vendosin edhe foton e familjes së tyre në vendin ku duhet. 

 

Detyrë shtëpie. Bashkë me prindërit ngjiteni foton mbi pjesën e dhënë në tekst. 

Tema 4. Shtëpia ime 

 

 


• Të përshkruajë shtëpinë e tij/saj. 

• Të përshkruajë me anë të vizatimit dhomën e tij/saj. 

• Të dallojë shtëpitë sipas madhësisë, kateve. 

• Të krahasojë shtëpitë e kafshëve me ato të njerëzve mbi bazën e figurave. 

Fjalë kyç: 

Mjetet: 

shtëpi, banoj, pallat, vilë, dhomë. 

foto të shtëpive të tyre. 

12 

 

 

Parashikimi: Lojë-gjëegjëzë 

Aftësitë: të përshkruarit, të dalluarit, të krahasuarit 


Parashikimi 

Lojë-gjëegjëzë 


Pyetja sjell pyetjen, mendo-përzgjidh 

Përforcimi 

Vizatim i lirë 

 


Mësuesi/ja i orienton nxënësit të dëgjojnë. 

- Unë do të lexoj një vjershë që e shkrova tani. Ju do të gjeni çfarë kam shkruar gabim dhe që ju bën për të qeshur. 

Të gjithë kemi një shtëpi, 

shtëpi e ëmbla shtëpi, 

macja jeton në kolibe, 

qeni jeton në fole, 

krimbi jeton në koshere, 

kurse njeriu jeton në pemë. 

Nxënësit gjejnë gabimet që mbajnë mend. 

Mësuesi/ja përgatit nxënësit për temën që do të trajtojnë sot. 

- Ne do të tregojmë për shtëpitë tona, në të cilat kalojmë një pjesë të madhe të kohës. 

Ndërtimi i njohurive: Pyetja sjell pyetjen, mendo-përzgjidh 

Nxënësit orientohen të shohin në figura. 

Sot miqtë tanë Jona dhe Eri do të na tregojnë për shtëpitë e tyre.


Ndërtimi i njohurive: Pyetja sjell pyetjen, mendo-përzgjidh 

Nxënësit orientohen të shohin në figura. 

Sot miqtë tanë Jona dhe Eri do të na tregojnë për shtëpitë e tyre. 

- Ku jeton Jona (Jona jeton në pallat.) 

- Si e dalloni ju pallatin (Pallati është i lartë dhe me shumë kate. Në pallat banojnë shumë banorë. 

Ndërsa vila mund të jetë njëkatëshe, dykatëshe ose trekatëshe, ose edhe me më shumë kate.) 

- Po Eri ku banon (Eri banon në vilë, në të zakonisht banon një familje.) 

- Çfarë dallojmë në shtëpinë e Erit (Ka shumë dhoma. Dhoma e ndenjes, kuzhina, dhoma e gjumit, tualeti.) 

Nxënësit nxiten të tregojnë për shtëpitë e tyre ku banojnë. Për dhomat dhe orenditë. 

Më pas punohet rubrika “Si mendon ti”. Lidh kafshët me shtëpitë përkatëse. 

- Në fillim të orës së mësimit ju gjetët gabimet që unë kisha bërë në vjershën time. Tani është radha juaj që 

t’i lidhni saktë kafshët me shtëpitë e tyre, në mënyrë që ata të mos na zemërohen. Pasi mbarojnë detyrën, 

nxënësit shprehen me fjali, p.sh.: Macja rri te koshi. Kërmilli jeton në guaskë. Qeni rri në kolibe, zogu në fole, 

bleta në koshere, ketri në trungjet e pemëve, krimbi te molla e kalbur. 

Përforcimi: Vizatim i lirë 

Vizato dhomën tënde. Fëmijët të cilët nuk kanë dhomën e tyre mësuesi/ja i orienton të vizatojnë dhomën 

që ata dëshirojnë të kenë. 

 

Detyrë shtëpie. Plotësoni rubrikën “Puno me prindërit”, 

shkruani adresën e shtëpisë suaj. 

Tema 5. Rritemi të lumtur (ora I) 

 


• Të tregojë 3-4 nevoja, duke u bazuar në nevojat e dhëna në figurë. 

• Të tregojë 3-4 dëshira sipas pëlqimit të tij/saj. 

• Të dallojë nevojat nga dëshirat. 

• Të ndërtojë në grup trenin e nevojave dhe të dëshirave. 

 

Fjalë kyç: 

Mjetet: 

Aftësitë: 

nevojë, dëshirë, i lumtur, rritem. 

fletë me ngjyra, lapsa me ngjyra. 

të treguarit, të dalluarit, të ndërtuarit. 

Përforcimi 

Ndërtimi i trenit të dëshirave 

 


Parashikimi 

Studim rasti 


Punë e drejtuar, pyetje-përgjigje 


Parashikimi: Studim rasti 

Mësuesi/ja paraqet një rast nga jeta familjare. 

P.sh.: Fëmijët e mi kishin shumë dëshirë të kishin një qen të racës Aski. Ju e keni parasysh se cilët janë këta qen. 

- Qentë e dëborës. 

Çdo ditë na luteshin për t’ua plotësuar dëshirën e tyre. Më në fund vendosëm t’ua blinim një qen të vogël. 

Por qeni kishte disa nevoja që të rritej i lumtur. 

- A mund t’i gjeni ju ato 

Nxënësit nxiten të japin mendimet e tyre: 

Qeni ka nevojë të ushqehet, të lahet, të flejë në koshin e tij, të përkëdhelet, të dalë jashtë për shëtitje, t’i 

vëmë një emër, të vaksinohet. 

13


Ndërtimi i njohurive. Punë e drejtuar, pyetje-përgjigje 

Sot ne do të njihemi me nevojat dhe dëshirat tona, por fillimisht do të shohim në figura se cilat janë 

dëshirat e dy miqve tanë, Jonës dhe Erit. 

Nevojat e Jonës. Nxënësit flasin me radhë. 

Jona ka nevojë: të ushqehet, të flejë, të vishet, të mësojë, ka nevojë për përqafimet e gjyshit të saj. 

- Si mendoni ju, a do të ishte Jona e lumtur po të mos i kishte të gjitha këto Pse 

- A keni ju të njëjtat nevoja si Jona 

Ne zbuluam nevojat e Jonës. Tani do të zbulojmë dëshirat e Erit. 

1. Eri ka dëshirë të luajë me makinë. 

2. Të luajë me kompjuter. 

3. Të dëgjojë një përrallë para se të flejë. 

4. Të flasë në telefon me Jonën. 

5. Të luajë me shilarës dhe me qenin e tij. 

- Si mendoni ju, a i plotësohen Erit çdo ditë dëshirat e tij 

- Po dëshirat tuaja, a janë të njëjta me ato të Erit Nëse jo, pse janë të ndryshme 

Mësuesi/ja sqaron nxënësit: Nevojat janë të domosdoshme, kurse dëshirat nuk janë të domosdoshme. 

Njerëzit kanë dëshira të ndryshme, të cilat iu plotësohen ose jo. 

Përforcimi: Ndërtimi i trenit të dëshirave 

Nxënësit ndahen në gjashtë grupe me nga gjashtë nxënës. Mësuesi/ja ka përgatitur lokomotivat dhe iu 

kërkon nxënësve t’i vënë një emër trenit të tyre, të cilin e shkruajnë te lokomotiva. 

Çdo nxënës do të vizatojë një dëshirë, të cilën do ta vendosë te treni i grupit të tij. 

Treni i dëshirave mund të ndërtohet me figurat e monopatinës, topi i futbollit, një qen, një kukull twinks, playstation etj. 

* Kjo orë mësimi do të vazhdojë dhe orën tjetër. 

 

Detyrë shtëpie. Pyesni prindërit në shtëpi se çfarë dëshirash kanë ata. 

Tema 5. Rritemi të lumtur (ora II) 

Ora e mësimit vazhdon me trenin e nevojave. 

Hapi I. Mësuesi/ja i orienton nxënësit të ndarë në grupe të vazhdojnë punën, por tani me trenin e nevojave. 

Në secilin vagon nxënësit shprehin me vizatim një nevojë dhe më pas të shkruajnë emrin e tyre. 

Hapi II. Pasi realizohet detyra, mësuesi/ja i orienton nxënësit të zgjedhin një shok ose shoqe që do të 

prezantojë punën e grupit, por ata kanë të drejtë të shtojnë diçka për atë që kanë vizatuar. 

Mësuesi/ja i orienton nxënësit të dëgjojnë me vëmendje dëshirat dhe nevojat që ata kanë shprehur në 

trenat e tyre. Në rastet kur kapen gabime, mësuesi/ja shkëput vagonin dhe e ngjit në trenin e duhur. Pasi të 

mbarojnë një veprimtari të tillë, nxënësit duhet të arrijnë në përfundimin se trenat e nevojave janë pak a shumë 

të ngjashëm, kurse trenat e dëshirave janë të ndryshëm, sepse të ndryshme janë dhe dëshirat e tyre. 

Gjithashtu mësuesi/ja mund të orientojë nxënësit të dallojnë një dëshirë, e cila ishte tejet e veçantë që e 

kishte shprehur vetëm një nxënës i klasës. Grupi fitues shpallet grupi që ka punuar saktë dhe shpejt. 

Treni i nevojave mund të plotësohet me figurat: duke larë dhëmbët, duke pirë ujë, duke mësuar, duke u 

përqafuar nga prindërit etj. 

14

Veprimtari praktike. Orë e lirë 


Tema: Të gjithë kemi nevojë për një shtëpi 

 


• Të dallojë llojet e banesave. 

• Të dallojë llojet e kafshëve që marrin pjesë në dramatizim. 

• Të interpretojë lojën në role. 

 

 

Mjetet: 

Aftësitë: 

maska të një krimbi, të një kërmilli, maceje, zogu, blete, koshere, shtëpie, foleje, 

trungu peme, molle, ketri. 

të dalluarit, të interpretuarit. 

Hapi I. Bisedë paraprake 

Mësuesi/ja bisedon me nxënësit se si do të realizohet kjo orë mësimore. 

Kjo orë mendohet të zhvillohet në formën e një dramatizimi. Sigurisht që kërkon angazhim paraprak, duke i 

ndarë nxënësit në role. Maskat duhen përgatitur në bashkëpunim me prindërit. Është një orë e këndshme, ku 

ju mund të ftoni dhe prindërit për të parë fëmijët e tyre se si ndihen në shkollë pas një periudhe 6-javore. 

Hapi II. Lojë në role, dramatizim 

Nxënësit do të interpretojnë rolin e pallatit, vilës, krimbit, kërmillit, zogut, qenit, bletës, ketrit, maces. 

 

Pallati - Unë jam një pallat. Jam i lartë dhe me shumë kate. Tek unë banojnë shumë banorë, të cilët 

kanë ardhur nga vende të ndryshme. Kush jeton në pallat le të vijë pranë meje. Nxënësit afrohen pranë tij. 

 

Vila - Unë jam një vilë njëkatëshe. Kam dy dhoma gjumi, një kuzhinë, një tualet. Tek unë banojnë pak 

njerëz. Nxënësit që banojnë në vila afrohen pranë tij. 

 

Krimbi - Unë jam një krimb. Kam nevojë për një shtëpi. Krimbi drejtohet drejt guaskës. Guaska s’e 

pranon. Kështu me radhë deri sa arrin te molla. 

 

arrin te guaska. 

Kërmilli - Unë jam një kërmill. Kam nevojë për një shtëpi. Shkon te kosherja. Ajo nuk e pranon. Derisa 

Kështu vazhdohet për të gjitha personazhet. 

Në fund të gjithë njëzëri thonë: 

Më në fund ne kemi shtëpitë tona të dashura. 

Shënim: 

Ju mund të shtoni dhe personazhe të tjera. 

Në këtë dramatizim ne iu referuam personazheve të tekstit. 

15


Tema 1. Unë dhe shokët 

 

KAPITULLI II 

UNË DHE TË TJERËT 


• Të dallojë shokët /shoqet e tij/saj sipas mjedisit ku vepron. 

• Të diskutojë për veprimet dhe lojërat që luan në grup. 

• Të luajë lojën me dëshirë. 

 

 

Parashikimi: Bisedë 

Fjalë kyç: 

Mjetet: 

Aftësitë: 

shok, shoqe, lojë, grup. 

teksti i nxënësit, një shami. 

të dalluarit, të diskutuarit, të luajturit. 


Parashikimi 

Bisedë 


Përforcimi 

Komento-diskuto dhe vizatim 

Lojë, pyetje-përgjigje 

 


Mësuesi/ja nis një bisedë me nxënësit. 

Sot do të tregojmë për shokët dhe shoqet tona. Po e nis nga vetja ime. 

Unë tani jam e rritur. Kam edhe shokë e shoqe. Kam shokë këtu në shkollë, ku unë punoj, kam shokë në 

lagjen ku kam banuar kur isha e vogël dhe në lagjen ku banoj tani. Kam dhe shokë dhe shoqe të shkollës kur 

kam qenë nxënëse. Disa prej tyre i takoj përditë. Disa i takoj më rrallë ose janë larg dhe flas në telefon. 

Ka ndonjëri nga ju dëshirë të na tregojë për një shok/shoqe të ngushtë. 

Nxënësit nxiten të tregojnë pa drojë. 

Ndërtimi i njohurive: Komento-diskuto dhe vizatim 

Le të njihemi me shokët e Erit dhe të Jonës. Nxënësit orientohen të shohin figurat. Autorja dhe piktorja i 

kanë grupuar shokët e tyre në tri grupe. Le t’i shohim me radhë ato. 

o Grupi i parë janë shokët e klasës. Si mundët ta dalloni 

Uniforma, çantat e shkollës, librat. 

o Grupi i dytë janë shokët e skuadrës. Si i dalluat Uniforma e një skuadre futbolli. 

- Po ju bëni pjesë në ndonjë skuadër Nxënësit nxiten të tregojnë për veprimtaritë sportive ku ata bëjnë pjesë. 

o Grupi i tretë janë shokët e lagjes, pra shokët e vendit ku ata banojnë. Ata janë duke luajtur me lodrat që 

iu pëlqejnë. 

Nxënësit inkurajohen të tregojnë për shokët e tyre të lagjes. 

Nxënësit orientohen të shohin figurat dhe të diskutojnë rreth tyre. 

Shokët e klasës mësojnë dhe ndihmojnë njëri-tjetrin. 

Me shokët e lagjes ndërtojmë shtëpi prej kartoni, lajmë qenin, me shokët e skuadrës luajmë, 

Vizatim 

Nxënësit mund të vizatojnë sipas dëshirës shokun ose shoqen e klasës, skuadrës, lagjes. 

Nxënësit i tregojnë njëri-tjetrit vizatimet dhe i komentojnë mes tyre. 

16


Përforcimi: Lojë, pyetje-përgjigje 

Nxënësit i mbyllin sytë me shami një shoku ose shoqeje. 

Më pas e prekin ose i thonë kush jam unë Nxënësi duhet të gjejë shokun ose shoqen. 

Pas përfundimit të lojës mësuesi/ja iu drejton nxënësve pyetjen: 

- Pse janë të nevojshëm shokët/shoqet 

- A ju ndodh të grindeni 

- Pajtoheni shpejt apo iu zgjat inati 

- Është më mirë të rrimë idhnakë apo ta falim njëri-tjetrin 

Nxënësit japin arsyet e tyre, të cilat mirëpriten nga mësuesi/ja. 

 

Detyrë shtëpie. Vizatoni diçka për shokun/shoqen e klasës që ju pëlqen 

më shumë. Në orën tjetër dhurojani. 

Tema 2. Shokë, por të ndryshëm 

 


• Të diskutojë për të përbashkëtat dhe ndryshimet midis tij dhe shokëve. 

• Të dallojë sjelljet e njerëzve bazuar në figurat dhe përvojat e përditshme. 

• Të dallojë dëshirat e njerëzve. 

 

 

Parashikimi: Vëzhgo-diskuto 

Fjalë kyç: 

Mjetet: 

Aftësitë: 

pamje, sjellje, dëshirë, shije, të përbashkëta, ndryshime. 

teksti. 

të diskutuarit, të dalluarit. 


Parashikimi 

Vëzhgo-diskuto 


Komento-diskuto 

Përforcimi 


 


Shikoni njëri-tjetrin këtu në klasë. 

- A jeni të gjithë të ngjashëm në pamje 

- Keni flokë me të njëjtën ngjyrë, jeni njëlloj të gjatë, jeni të gjithë të shëndoshë 

Nxënësit arrijnë në përfundimin se janë të ndryshëm nga pamja. 

Mësuesi/ja fton disa nxënës të përshkruajnë shokët/shoqet e tyre, duke u nisur nga pamja e jashtme. 

Ndërtimi i njohurive: Komento-diskuto 

Nxënësit orientohen të shohin në figurë. 

- Përshkruani fëmijët në figurë. 

Dy vajzat janë të ndryshme. Kanë ngjyrën e flokëve ndryshe, ngjyrën e lëkurës, janë veshur me rroba me 

ngjyra të ndryshme. 

Dy djemtë ndryshojnë, sepse njëri është më i shëndoshë, tjetri është i dobët, dy vajzat e tjera ndryshojnë, 

sepse njëra është e gjatë, tjetra është e shkurtër. Pra, pamja e tyre është e ndryshme. 

Vazhdon komenti i figurave. Ne ndryshojmë dhe nga sjelljet. 

17


Vajza flet shumë, kurse djali mërzitet nga sjellja e saj. 

Djali dëshiron të pikturojë, kurse shoku i tij të luajë me makinë. 

Shijet janë të ndryshme. 

Elës i pëlqen torta, Benit i pëlqejnë frutat, Olës i pëlqen bifteku, kurse Marinit i pëlqen pica. 

Luajmë së bashku. Qarko ushqimin që të pëlqen, lodrën që të pëlqen, mjetet e punës dhe kafshët. 

Nxënësit punojnë dhe më pas i tregojnë njëri-tjetrit dëshirat. Nxënësit gjejnë se kanë edhe dëshira të 

përbashkëta. 

Përforcimi: Rrjeti i diskutimit 

Shoku yt i ngushtë (ose shoqja) duhet të ketë të njëjtat dëshira ashtu si dhe ti. 

- Por, nëse nuk i ka, a mbetet më shoku ose shoqja jote e ngushtë 

Nxënësit diskutojnë për shokët e tyre. Ata mund të arrijnë në përfundime të ndryshme dhe inkurajohen për 

mendimet e tyre. 

Tema 3. Jemi të përgjegjshëm 

 


• Të listojë 2-3 përgjegjësi sipas mjedisit ku vepron. 

• Të njohë detyrat e tij/saj. 

• Të diskutojë mbi rëndësinë e përgjegjësitë e tij/saj, sipas mjedisit ku vepron 

në bazë të shembujve. 

 

 

Parashikimi: Imagjinatë e drejtuar 

Fjalë kyç: 

Mjetet: 

Aftësitë: 

përgjegjësi, detyrë. 

teksti i nxënësit. 

të listuarit, të diskutuarit. 


Parashikimi 

Imagjinatë e drejtuar 


Përforcimi 

Komento-diskuto 


 


Imagjinoni një ditë shkolle ku nxënësit të mos vinë në orën 7:45, por kur të duan ata. 

- Si mendoni se do të shkojë mësimi atë ditë Nxënësit japin idetë e tyre. 

Do të kishte zhurmë. 

Mësimi nuk do të zhvillohej si duhet. 

Nxënësit nuk do të bënin dot abetare, matematikë etj. 

Atëherë që të mos ndodhin këto, në shkollë duhet të zbatojmë disa detyra, të cilat do t’i zbulojmë nga 

miqtë tanë, pra nga Jona dhe Eri. 

18 

Ndërtimi i njohurive: Komento-diskuto 

Nxënësit orientohen të shohin figurat.


Jona pasi mbaron mësimet i vë librat në çantë. Ajo kujdeset që të gjitha mjetet t’i ketë brenda në çantë. 

- Po ju, a veproni si Jona 

- A ju ka ndodhur që të keni vepruar ndryshe Nëse po, çfarë ka ndodhur 

Jona dhe Eri shkojnë në shkollë në orarin e caktuar. 

- Po ju, a veproni si ata 

- Çfarë ndodh nëse vini me vonesë (Mësuesi/ja ju qorton, sepse prishnin orën e mësimit, iu tërhiqni 

vëmendjen shokëve, mbeteni prapa me mësime.) 

Eri pasi luan i vë lodrat në vendin e duhur. 

- Po ju, a veproni si ai 

- Çfarë ndodh kur lodrat i lini rrëmujë në shtëpi (Mami mërzitet, pengohemi tek ato dhe rrëzohemi, 

shtëpia duket rrëmujë, i shkelim pa dashje dhe i prishim etj.) 

Punohet rubrika “Si mendon ti”. Cilat janë përgjegjësitë tona 

Nxënësit komentojnë figurat dhe nxjerrin mesazhet e figurave. 

1. Të ndihmojmë në mbajtjen pastër të mjedisit. 

2. Të kujdesemi për kafshët. 

3. Të mësojmë në shkollë. 

4. Të lajmë dhëmbët çdo ditë në mëngjes. 

Përforcimi: Punë në grupe 

Puno me mësuesen/in. Klasa ndahet në tri grupe. 

o Grupi i parë është grupi i familjes. 

- Si do t’i ndani përgjegjësitë 

Nxënësit do të ndajnë përgjegjësitë e anëtarëve të familjes. 

Gjyshi ka përgjegjësi të kujdeset për pemët e oborrit. 

Gjyshja ka përgjegjësi të ndihmojë në gatimin e ushqimit. 

Mami ka përgjegjësi të punojë, për pastrimin e shtëpisë (së bashku me anëtarët e tjerë), në mirërritjen e 

fëmijëve, gatimin e ushqimit së bashku me gjyshen, babin. 

Unë kam përgjegjësi të mbaj pastër dhomën time, të kujdesem për qenin, të kujdesem për motrën e vogël. 

Babi ka përgjegjësi të punojë, të ndihmojë mamin në punët e shtëpisë. 

Në këtë situatë nxënësit fillojnë dhe edukohen me barazinë gjinore, ku nuk ka më përgjegjësi tradicionale 

midis burrit dhe gruas në familje. 

o Grupi i dytë është grupi i klasës. 

- Cilat janë përgjegjësitë e nxënësve 

Të mësojnë rregullisht. 

Të vijnë në shkollë në orarin e caktuar. 

Të mirëmbajnë klasën dhe orenditë e saj. 

Të sillen mirë me njëri-tjetrin. 

o Grupi i tretë është grupi i shokëve. 

- Cilat do të jenë përgjegjësitë e secilit 

Të luajmë së bashku. 

Të sillemi mirë më njëri-tjetrin. 

Të luajmë me lodrat e njëri-tjetrit. 

Të luajmë me kujdes. 

Të dëgjojmë secilin. 

19


Tema 4. Më llogaritni edhe mua 

 


• Të diskutojë për veprimet e dobishme bazuar në figurat e dhëna. 

• Të tregojë për punët e tij/saj të dobishme që kryen në familje, në shkollë, në 

komunitet, bazuar në përvojën e tij/saj. 

• Të dallojë veprimet e drejta nga ato të gabuarat. 

 

 

Parashikimi: Pyetja e ditës 

Fjalë kyç: 

Mjetet: 

Aftësitë: 

ndihmoj, i dobishëm, punë. 


të listuarit, të diskutuarit. 


Parashikimi 

Pyetja e ditës 


Përforcimi 

Veprimtari e drejtuar 

Mendo-trego-gjej të vërtetën 

 


Mësuesi/ja iu drejton nxënësve pyetjet: 

- A quhet ndihmë puna e fëmijëve 

- Cilat janë punët që mund të kryejnë fëmijët 

Nxënësit japin mendimet e tyre. 

Sot miqtë tanë Eri dhe Jona do të na tregojnë për ndihmën që japin ata në familjet e tyre. 

Ndërtimi i njohurive: Veprimtari e drejtuar 

Mësuesi/ja orienton nxënësit të shohin figurat dhe t’i komentojnë ato. 

Jona po rregullon shtratin. 

- Si ju duket veprimi i saj 

- Po ju, si veproni pasi jeni zgjuar 

- A keni dëshirë ta rregulloni vetë shtratin apo t’ua rregullojë mami/babi 

Eri ndihmon gjyshin për të lyer lodrat prej druri. 

- Si ju duket veprimi i tij 

- Po ju, si i ndihmoni gjyshërit tuaj 

Jona dhe Eri po punojnë në kopsht. 

Jona dhe Eri po lajnë enët. 

Eri ndihmon mamin për të gatuar. 

20 

Punohet rubrika “Si mendon ti”. 

Jona po kryen disa veprime. Qarko veprimet e dobishme që bën Jona. Më pas bëhet diskutimi i tyre. 

Jona hedh plehrat në koshin e mbeturinave. 

Jona nden rrobat për t’u tharë. 

Jona fshin oborrin. Këto janë veprimet e dobishme që bën Jona. 

Veprimet e gabuara 

Jona këput lulet. 

Jona luan me pakujdes me monopatinë.


- Si mund të ndihmojnë nxënësit në shkollë. 

Nxënësit japin idetë e tyre. 

- Duke mbajtur pastër mjedisin. 

- Duke u kujdesur për lulet. 

- Duke mirëmbajtur pajisjet shkollore. 

Përforcimi: Mendo-diskuto-gjej të vërtetën 

Mendoni për dy veprime që ke kryer gjatë javës. 

Një veprim i dobishëm dhe një veprim i gabuar. 

Një nxënës tregon veprimet, të tjerët gjejnë veprimin e drejtë dhe të gabuar. 

Kështu vazhdon për disa nxënës. 

 

Detyrë shtëpie. Kërkojini mamit/babit tìu mësojnë se si shtrohet tryeza. 

Tema 5. Unë mendoj se ... 

 


• Të japë mendimin e tij/saj rreth situatave të dhëna. 

• Të tregojë përvoja, raste kur të rriturit e kanë dëgjuar mendimin e tij/saj. 

• Të mbrojë mendimin e tij/saj kur ka të drejtë. 

 

Parashikimi: Bisedë 

Fjalë kyç: 

Mjetet: 

Aftësitë: 

mendoj, më dëgjojnë, dua, them. 


të treguarit, të diskutuarit. 


Parashikimi 

Bisedë 


Punë në grupe, lojë në role 

Përforcimi 

Mendo-përzgjidh 

 

Zhvillimi 

i mësimit 

Mësuesi/ja i njeh nxënësit me temën e re. Ata bisedojnë mbi situatat e tekstit. 

Ndërtimi i kuptimit: Punë në grupe, lojë në role 

o Grupi i parë do të luajë situatën e parë. 

Mami: - Dejvi, sot kam gatuar supë me perime. 

Dejvi: - Mami mua do të më pëlqente të haja byrek. 

Mami: - Ke të drejtë, duhet të kisha marrë dhe mendimin tënd. 

Mësuesi/ja i nxit nxënësit të diskutojnë për situatën. 

- A e dëgjoi mami mendimin e Dejvit Pse 

- Po ju a e dëgjoni mamin në një situatë të tillë të ngjashme 

21


o Grupi i dytë do të luajë situatën e dytë. 

Mami: - Elona, sot do të shkojmë në park. 

Mendoj se duhet të veshësh këto pantallona se të shkojnë shumë. 

Elona: - Mami, mua do të më pëlqente më shumë fustani i gjelbër. 

Mami: - Ke të drejtë Elona. Mund të veshësh fustanin që të pëlqen. 

Diskutim për situatën. 

- A ju ka ndodhur një situatë e tillë Si keni vepruar 

o Grupi i tretë do të luaj situatën e tretë. 

Mami: - Era duhet t’i presësh flokët. Të janë rritur shumë. 

Era: - Mua më pëlqejnë kështu. Nuk dua t’i pres. 

Diskutim. 

- Si ju duket veprimi i mamit të Erës A ka të drejtë ajo Po fjalët e Erës 

- Si do të veproni ju në një situatë të tillë 

o Grupi i katërt do të luaj situatën e katërt. 

Në dyqanin e lodrave. 

Mami dhe babi: - Ola ne duam të të blejmë një lodër. Cila të pëlqen 

Ola: - Më pëlqen kjo kukulla këtu. Faleminderit! 

Diskutim 

- Si vepruan prindërit e Olës A ndodh kështu me prindërit tuaj 

- Po nëse lodra është shumë e shtrenjtë dhe prindërit s’e blejnë dot, ju do të vazhdoni të mbroni 

mendimin tuaj 

Mësuesi/ja nxjerr mesazhin: Fëmijët kanë të drejtë të thonë mendimin e tyre. Ne të rriturit duhet t’i 

dëgjojmë ato. 

Përforcimi: Mendo-përzgjidh 

Punohet me rubrikën “Si mendon ti”. 

Mësuesi/ja i fton nxënësit të kryejnë veprimtarinë e mëposhtme. 

- Këtë muaj duhet të organizojmë një ekskursion. Secili nga ju duhet të zgjedhë një nga mundësitë. 

Mësuesi/ja shkruan në tabelë. 

Kopshti Zoologjik 

Kinema 

Park 

Muzeu Historik 

Secili nga ju të ngrihet dhe të vendosë një plus në vendin ku i pëlqen të shkojë. 

Pasi përfundojnë, mësuesi/ja shpall se këtë muaj më shumë nxënës duan të shkojnë në ___________. 

Secili nga ju dha mendimin e tij. 

22


Veprimtari praktike. Orë e lirë 

Tema: Edhe unë jap ndihmën time në shkollë 

 

 


• Të japë ndihmën e tij në bazë të grupeve të caktuara. 

• Të vlerësojë ndihmën e tij/saj si të vlefshme dhe të dobishme. 

• Të japë ndihmën e tij/saj në shkollë. 

Mjetet: 

mjete pastrimi, letra me ngjyra, gërshërë, ngjitës. 

 


Hapi I. Bisedë 

Mësuesi/ja i fton nxënësit të japin mendimin e tyre mbi punët që mund të bëjnë në klasë. 

Nxënësit japin idetë e tyre. 

Hapi II. Punë në grupe 

Ndahet klasa në grupe. Secilit grup i përcaktohen përgjegjësitë dhe detyrat. 

o Grupi i parë do të sistemojë dhe pastrojë bibliotekën e klasës. 

o Grupi i dytë do të ujitë lulet. 

o Grupi i tretë do të punojë për përgatitjen e objekteve zbukuruese për festën e fundvitit. 

Objektet mund të përgatiten me shabllone, aplikacione etj. 

Nxënësit ndihmohen nga mësuesi/ja. 

Hapi III. Vlerësimi i punës 

Mësuesi/ja u drejton nxënësve disa pyetje: 

- Si u ndjemë sot 

- A u lodhëm shumë 

- Si duket klasa jonë 

Të gjithë bashkë punuam dhe unë jam shumë e kënaqur me punën tuaj. 

Mësuesi/ja bashkë me nxënësit vlerësojnë punën e bërë dhe nxjerrin mesazhin: 

Të gjithë bashkë bëjmë shumë punë. 

23


KAPITULLI III 

TË BASHKËVEPROJMË 

Tema 1. Jemi së bashku 

 

Objektivat: Në fund të orës së mësimit nxënësi duhet të jetë i aftë: 

• Të dallojë shokët e tij, duke i klasifikuar ata (klasë, lagjeje...). 

• Të dallojë grupin nga një individ. 

• Të krahasojë grupet shoqërore. 

 

 

Anëtar 

Fjalë kyç: 

Mjetet: 

Aftësitë: 

grup, anëtar, së bashku. 

fotografi me pjesëtarë të familjes, shokët e klasës, lagjes, skuadrës. 

të dalluarit, të krahasuarit. 


Parashikimi 

Stuhi mendimesh 


Përforcimi 

Veprimtari e lirë 

Punë në grupe 

 


Parashikimi: Stuhi mendimesh 

Mësuesi/ja thërret emrat e disa nxënësve të klasës. (Klajdi, Aldoja, Redi ...) 

Pyeten nxënësit: - Çfarë formoni së bashku ju (grup fëmijësh) 

Pjesëtarët e grupit quhen ndryshe dhe anëtarë. 

- Trego ç’lloj anëtari je ti 

i klasës 

i shoqërisë 

i familjes 

Ndërtimi i njohurive: Veprimtari e lirë 

Mësuesi/ja nxjerr disa nxënës para klasës dhe prezantohen kështu: 

Unë jam ____________ . 

Nxënësi dhe mësuesi/ja plotësojnë: nxënësi im, shoku im i klasës, shoku im i lagjes, kushëriri im. 

Vendosni fotot ku keni dalë në grup (familje, klasë, lagje, shokë skuadre). 

Ndiqet puna e nxënësve bankë më bankë. 

24 


Ndahet klasa në dy grupe. Zhvillohet me nxënësit një konkurs. 

o Grupi i parë thotë anëtarin e grupit. 

o Grupi i dytë gjen grupin të cilit i përket, p.sh.: 

Anëtar klase shokë klase. 

Anëtar familje pjesëtar familje. 

 

Detyrë shtëpie. Kërkojuni prindërve tìu tregojnë për grupet ku bëjnë pjesë ata.

Tema 2. Së bashku bëjmë më shumë 

 


• Të japë 2-3 shembuj nga puna së bashku me të tjerët. 

• Të punojë së bashku me të tjerët. 

• Të luajë me shokët në grupe për punë të ndryshme. 


 

 

Fjalë kyç: 

Mjetet: 

Aftësitë: 

ndihmë, bashkë, fitojmë. 

teksti, kube, pazëll, etiketa. 

të treguarit, të punuarit, të luajturit. 


Parashikimi 

Dëgjim i drejtuar 


Bashkëbisedim 

Përforcimi 

Lojë në grupe 


Parashikimi: Dëgjim i drejtuar 

Ora e mësimit fillon me një përrallë apo ngjarje, ku tregohet se duke punuar së bashku bëjmë më shumë. 

Disa situata: 

- Të gjithë punojmë të mbajmë pastër pallatin. 

- Së bashku shpëtuam një zog shtegtar. 

- Ndihmojmë në punët e shtëpisë. 

Mesazhi i përrallës apo ngjarjes shkruhet në tabelë: 

“Të ndihmojmë, mos të keqkuptojmë se së bashku gjithmonë do të fitojmë”. 

Ndërtimi i njohurive: Bashkëbisedim 

Hapet teksti i edukatës në faqen 26. 

Mësuesi/ja u paraqet nxënësve në etiketa se çfarë do të mësojnë. 

1. Unë u kërkoj ndihmë shokëve. 

2. Kur jemi bashkë bëjmë shumë gjëra. 

Në figurën 1 dhe 2 djali do të ndihmojë qenin, së bashku me shokun shpëtuan qenin. 

Japin 2-3 shembuj të tjerë sipas rasteve të ndodhura. Komentohet figura 3 dhe dramatizohet një pjesë nga 

grupi teatror i klasës. Figura 4, shkronjat së bashku bëjnë një libër. 

Kalohet në rubrikat “Si mendon ti” dhe “Ejani në punë”. 

- Tufa e tullumbaceve e bën vajzën “të fluturojë”. 

- Tullumbacja e veçuar e bën të fluturojë gjethen. 

Një grup fëmijësh po mbajnë pastër qytetin. 

Të ndarë në grupe fëmijët kanë organizuar punë të ndryshme; pastrim nga mbeturinat, ujitja e bimëve, 

mbledhja e gjetheve të rëna në tokë etj. 

Përforcimi: Lojë në grupe 

Të ndarë në grupe nxënësit luajnë së bashku. 

o Grupi i parë ndërton me kube një qytet. 

o Grupi i dytë ndërton me pazëll figura të ndryshme. 

Paraqiten punët e çdo grupi para klasës duke i vlerësuar ato. 

 

Detyrë shtëpie. Shkruajni dy fjali rreth temës “Së bashku bëjmë më shumë”. 

25


Tema 3. Unë besoj 

 


• Të dallojë atë që është në vështirësi, duke i dhënë ndihmën përkatëse. 

• Të vlerësojë ndihmën e tjetrit. 

• Të krijojë besimin te vetja. 

Fjalë kyç: 

Mjetet: 

Aftësitë: 

forcë, besim, guxim, dëshirë. 

teksti, plastelinë. 

të dalluarit, të diskutuarit, të ndërtuarit. 

 

Parashikimi 


Përforcimi 

 


Diskutim paraprak 


Punë individuale 


Parashikimi: Diskutim paraprak 

Mësuesi/ja u drejton nxënësve pyetjet: 

-Ç’punë bëni ju duke u mbështetur në forcat tuaja 

të shkruajë një kartolinë 

Besimi në vetvete 

vizatim i thjeshtë 

modelime të thjeshta me mjete të ndryshme 

-Ku besoni tjetër 

motra apo vëllai 

më i madh 

te mjeku 

te prindërit 

Unë besoj 

te mësuesi/ja 

te shoku apo shoqja 

26 


Hapet teksti. Komentohen figurat e tekstit. 

- Unë besoj te forcat e mia. 

Jona bëri vetë një kartolinë. Po ti 

- Unë besoj te të tjerët (prindërit, shoku, mësuesi/ja). 

Kalohet në rubrikën “Si mendon ti”. 

Në figurën 1 mësuesi/ja ndihmon duke shpjeguar zgjidhjen e ushtrimit. 

Në figurën 2 dentisti ndihmon vajzën në kurimin e dhëmballës. 

Në figurën 3 mësuesi/ja në orën e fizkulturës ndihmon në kalimin e kaluçit. 

Në figurën 4 këshilla e prindërve, ndihmon djalin për të larguar frikën. 

Paraqitet me etiketa të zmadhuar para klasës mesazhi: “Besmiri te vetja dhe te të tjerët të bën të kalosh çdo 

pengesë e vështirësi”. 

Përforcimi: Punë individuale 

Secili nxënës ndërton me plastelinë një objekt që dëshiron (frutë, perime, kafshë, lodër etj.) dhe ia fal shokut 

apo shoqes që dëshiron. 

 

Detyrë shtëpie. Shkruajeni mesazhin në fletore.


Tema 4. Puna është e bukur 

 


• Të flasë për punët në shoqëri. 

• Të tregojë rëndësinë e punëve të përbashkëta. 

• Të vlerësojë dobinë e çdo pune. 

 

 

 

Fjalë kyç: 

Mjetet: 

Aftësitë: 

dobi, kënaqësi, punë. 

teksti, pamje nga profesione të ndryshme. 

të flasë, të vlerësojë, të tregojë. 


Parashikimi 




Përforcimi 

Shkrim i lirë 



Nxënësve u paraqiten foto nga profesione të ndryshme dhe u drejtohet pyetja: 

- Cilat janë profesionet ju njihni 

murator 

rrobaqepës 

polic rrugor 

shitës 

Profesionet 

elektricist 

piktor etj. mjeke 

Puna të sjell kënaqësi dhe të mira materiale. 


Hapet teksti në faqen 30. Komentohen figurat e tekstit. Veçoni punën që u pëlqen më shumë. Trego pse të 

pëlqen. Kalohet në rubrikën “Si mendon ti” dhe diskutohet rreth figurave: 

- Polici ruan qetësinë. 

- Kompjuteri punon, merr informacione të shpejta me anë të internetit, dërgon posta elektronike (e-mail). 

- Mekaniku teknik që ndreq makina aparate e pajisje të ndryshme. 

- Mësuesja shpjegon mësimin për tua bërë më të lehtë nxënësve. 

Lidh me shigjetë: 

Posta postier 

Shkolla mësues 

Fabrika mekanik 

Përforcimi: Shkrim i lirë 

Shkruaj tri fjali për profesionin që të pëlqen, p.sh.: 

1. Mua më pëlqen të bëhem piktor. 

2. Me penel e bojëra dua të pikturoj lulet në lëndina, zogjtë që fluturojnë etj. 

3. Pikturat e mia dua të jenë më të preferuarat. 

Lexohen shkrimet e nxënësve duke përzgjedhur më të mirat. 

Detyrë shtëpie. Plotësoni me ndihmën e prindërve rubrikën “Puno me prindërit”. 

 

27


Tema 5. Të ndihmojmë njëri-tjetrin 

 


• Të tregojë ndihmën ndaj të tjerëve. 

• Të hartojë një listë situatash ndihme. 

• Të përcaktojë vlerën e ndihmës. 

 

 

Fjalë kyç: 

Mjetet: 

ndihmë, punojmë, gatishmëri. 

teksti, përralla “Luani dhe miu”. 

Aftësitë: të treguarit, të hartuarit, të përcaktuarit. 


Parashikimi 

Dëgjim i drejtuar 



Përforcimi 

Punë në dyshe 


Parashikimi: Dëgjim i drejtuar 

Nxënësve u lexohet përralla “Luani dhe miu”. 

Mësuesi/ja drejton pyetjet: 

- Cili kishte nevojë për ndihmë 

- Cili e ndihmoi 

- A e ndihmon edhe i vogli të madhin 

- Po ju, a i keni ndihmuar të tjerët - Tregoni si i keni ndihmuar ata. 


Hapet teksti në faqen 32. Lexohet nga nxënësit: 

Kur ndihmojmë njëri-tjetrin, puna mbaron më shpejt. 

Kjo fjali ilustrohet me shembujt e tekstit: 

1. Fëmijët ndihmojnë në transportimin e tullave. 

2. Së bashku ndihmojmë në larjen e makinës. 

3. Së bashku ngremë kutinë e rëndë. 

Duke parë figurat e tekstit nxënësit listojnë situatat ndihmëse. 

1. Djali ndihmon babanë në ndërtimin e një kolibeje. 

2. Djali ndihmon vajzën për të mbushur shportën me kërpudha. 

3. Djali ndihmon nënën në gatim. 

4. Djali ndihmon vajzën në tërheqjen e një karroceje. 

Paraqitet në etiketë të zmadhuar mesazhi: “Të ndihmojmë njëri-tjetrin, kur është e nevojshme”. 

28 

Përforcimi: Punë në dyshe 

Ndahet klasa në grupe dyshe. Secili i thotë njëri-tjetrin se çfarë ndihme kërkon nga shoku apo shoqja. 

- Të pastrojnë bankën ku rrinë. 

- Të mbështjellë fletoren. 

- Të rregullojë mjetet mësimore. 

- Të zgjidhë situatën problemore që e ka të vështirë etj. 

Dëgjohen disa çifte nxënësish. 

Detyrë shtëpie. Shkruajeni mesazhin në fletore.


Orë e lirë 

Veprimtari zbatuese 

Tema. Ndërto dhe pajis shtëpinë e kukullës 

 

 

 


• Të përcaktojë nevojat dhe dëshirat e personazhit. 

• Të modelojë ose vizatojë një shtëpi kukulle. 

• Të kompletojë me orenditë përkatëse sipas funksioneve të tyre mjediset e 

ndryshme të shoqërisë. 

Mjetet: 

Fjalë kyç: 

Hapi I. Veprimtari praktike 

lodra ndërtuese, kukull ose personazh tjetër, lodra me orendi shtëpiake. 

ndërtim, projekt, realizim, orendi shtëpiake. 

 

Zhvillimi 

i mësimit 

Veprimtari fillestare: 

U është kërkuar nxënësve të sjellin me vete lodra për të pajisur shtëpinë e kukullës ose të një 

personazhi tjetër. 

Hapi II. Puna me grupe 

Ndahet klasa në tri grupe. 

Çdo grup merr detyrën përkatëse: 

Grupi I nevojat dhe dëshirat e personazhit. 

Grupi II ndërtimi i shtëpisë dhe i mjedisit të saj. 

Grupi III pajisja me orenditë përkatëse. 

Brenda grupeve diskutohet për materialet që do të përdoren, vendi ku do të ndërtohet, format, mjediset 

e brendshme, pajisja me orenditë e nevojshme. Caktohen nxënësit (ose vetë mësuesi/ja) të skicojnë në 

dërrasë projektin për ndërtimin e një shtëpie dhe më pas fillon puna për zbatim. 

Në fund nxënësit vlerësojnë shtëpinë, pajisjet e vendosura dhe bëjnë një listë të nevojave që ky mjedis 

plotëson dhe të atyre që nuk ka mundur t’i plotësojë. 

29


Tema 1. Jemi të sjellshëm 

 

KAPITULLI IV 

RREGULLAT 


• Të thotë shembuj sjelljesh të mira. 

• Të dallojë llojet e sjelljeve. 

• Të kërkojë falje kur gabon. 

 

 

Parashikimi: Improvizime 

Fjalë kyç: 

Mjetet: 

Aftësitë: 

sjellje e mirë, sjellje e gabuar. 

teksti, pamje me sjellje të ndryshme, përralla “Aventurat e Pinokut”. 

të dalluarit, të treguarit. 


Parashikimi 

Improvizime 


Bashkëbisedojmë 

Përforcimi 

Analizë personazhi 

 


Të lutem! 

Mirupafshim! 

Fjalët magjike 

Faleminderit! 

Më fal! 

Urdhëro! 

- Ç’ndodh kur nuk i përdorim fjalët magjike (Tregohemi të pasjellshëm.) 

Në klasë improvizohen situata dhe dialogë të vegjël, kur sillemi mirë dhe në mënyrë të gabuar. 

Në dyqan: - Teta shitëse dua një fletore. - Patjetër. 

Sjellje e gabuar, sepse mungojnë fjalët magjike: Të lutem! Faleminderit! Mirupafshim! 

Në klasë: - Të lutem, Xhoi, më jep pak lapsin e kuq. 

- Urdhëro, Elma! 

- Faleminderit! 

Sjellje e drejtë, sepse janë përdorur fjalët magjike. 

Ndërtimi i njohurive: Bashkëbisedojmë 

Hapet teksti në faqen 34. 

Shëno me X sjelljet jo të mira të fëmijëve. Trego arsyet e këtyre sjelljeve. 

Komentohen figurat e tekstit: 

Figura 1 - Vajza sillet mirë me shitësen. 

Figura 2 - Djali sillet mirë me vajzën në klasë. 

Figura 3 - Djali përqesh vajzën që lexon, sillet në mënyrë të gabuar. 

Figura 4 - Nipërit nuk bëjnë zhurmë, sepse gjyshja po fle. 

Figura 5 - Vajza gris fletën e fletores, sillet në mënyrë të gabuar. 

30


Kalohet në rubrikën “Si mendon ti” 

- Cili nga grupet vepron gabim Pse 

o Në grupin e parë veprojnë gabim nxënësit që nuk mbajnë qetësi kur shpjegon mësuesi/ja. 

o Në grupin e dytë vepron gabim djali që ngacmon macen. 

Paraqitet etiketa e zmadhuar para klasës: “Sjellja e mirë e zbukuron njeriun”. 

Përforcimi: Analizë personazhi 

Rikujtohet përralla “Aventurat e Pinokut”. 

- Si sillet pinoku në këtë përrallë 

aventurier 

frikacak 

Sjellja e 

pinokut 

gënjeshtar 

e keqe 

Në qoftë se kjo përrallë nuk është dëgjuar nga nxënësit lexohet nga mësuesi/ja për të veçuar sjelljen e Pinokut. 

Detyrë shtëpie. Shkruajeni mesazhin në fletore. 

 

Tema 2. Rregulli dhe rregullat 

 


• Të dallojë rregullin nga rregullat. 

• Të tregojë rëndësinë e rregullave. 

• Të shkruajë 2-3 rregulla. 

 

 

Parashikimi: Diskutim 

Fjalë kyç: 

rregull, rregulla, respekto. 

Mjetet: teksti, lapustila, fletë A 4 

. 

Aftësitë: 

të dalluarit, të treguarit, të shkruarit. 


Parashikimi 

Diskutim 


Bashkëbisedojmë 

Përforcimi 


 

Zhvillimi 

i mësimit 

Mësuesi/ja u paraqet nxënësve pamje kur gjërat janë në vendin e duhur dhe kur gjërat nuk janë në vendin 

e duhur. 

- Cila pamje është e rregullt Pse 

Kur gjërat janë në rregull, atëherë themi se ato janë në rregull. 

“Rregullat e bëjnë jetën tonë më të lehtë”. 

Thoni disa rregulla. 

31


- Mos fol me zë të lartë. 

- Mos hidh mbeturinat në tokë. 

- Respekto më të moshuarit. 


Hapet teksti në faqen 36. Bashkëbisedohet me nxënësit rreth figurave të tekstit. 

Në figurën 1: - Çfarë ndodh kur prishet rregulli i vendosjes së tjegullave 

- Stuhia me shi rrëzon tjegullat, duke dëmtuar shtëpinë, madje dhe njerëzit që janë brenda saj. 

Nëse, kur bie shi i lëmë dritaret hapur ato prishen, pra duhet tì mbyllim. 

Në figurën 2: - A i kupton fjalitë Pse 

Fjalitë janë shpërndarë në mënyrë jo të rregullt. 

Në figurën 3: - Si janë vendosur fjalët Në mënyrë të rregullt. Lexoji fjalitë. 

Kur gjërat janë në vendin e tyre kemi të bëjmë me rregullin. 

Rregullat e bëjnë jetën tonë më të lehtë. 

Trego ku përdoren rregullat e dhëna në tekst. 

1. Mos fol me zë të lartë. (në klasë, rrugë, mjedise publike etj.) 

2. Respekto orarin. (Në shkollë, punë, takim etj.) 

3. Ndalohet hyrja. (Në vende të rrezikuara ose të palejuara etj.) 

4. Mos këput lulet. (Në parqe, lulishte, shtëpi etj.) 


Ndahen nxënësit në grupe. 

Çdo grup shkruan disa rregulla, duke treguar ku përdoren ato. Fiton ai grup që shkruan më shumë rregulla. 

Detyrë shtëpie. Vendosni një rregull në sirtarin apo dollapin tuaj. 

 

Tema 3. Familja ka rregulla 

 


• Të veçojë një rregull që zbatohet në familjen e tij/saj. 

• Të tregojë rëndësinë që kanë rregullat në familje. 

• Të përshkruajë se çfarë ndien kur nuk zbatohen rregullat në familje. 

 

 

Fjalë kyç: 

Mjetet: 

Aftësitë: 

mirësjellje, rregull, familje. 

teksti, foto të mjediseve të ndryshme të shtëpisë, ngjyra të ndryshme, tabak kartoni. 

të treguarit, të veçuarit, të përshkruarit. 


Parashikimi 

Vëzhgo-diskuto-trego 


Bashkëbisedojmë së bashku 

Përforcimi 

Shkrim i lirë 

32

Zhvillimi 

i mësimit 


Parashikimi: Vëzhgo-diskuto- trego 

U paraqiten nxënësve figura të ndryshme nga mjedise të shtëpisë, si p.sh.: 

- Fëmijë që grinden për lodrat. 

- Raft këpucësh. 

- Kafaz zogjsh. 

- Pastë dhëmbësh. 

Në një tabak kartoni janë shkruar disa rregulla. 

- Vendos këpucët me rregull në raft. 

- Laj dhëmbët para se të flesh. 

- Mos u grindni për lodrat. 

- Ushqeji zogjtë në kafaz. 

Mësuesi/ja u kërkon nxënësve të lidhin figurat me rregullat përkatëse. 

- Cilat nga këto rregulla nuk janë për të gjitha familjet (P.sh.: atje ku nuk ka kafaz me zogj për ato 

familje mungon një rregull.) 

Ndërtimi i njohurive: Bashkëbisedojmë së bashku 

Hapet teksti në faqen 38. Lexohet rubrika “Çfarë do të mësoj”. 

Sipas figurave të tekstit lexohen rregullat në familje. 

- Cilat nga ato që lexuat i përket edhe familjes sate 

Shto rregulla të tjera që i përkasin familjes sate. 

Kalohet në rubrikën “Si mendon ti”. Puna në familje është rregull. 

Të gjithë duhet të punojmë në familje. 

- Kur shkelen rregullat në familje (Kur nuk janë të drejta. Kur nuk na pëlqejnë. Kur nuk i zbatojmë dot.) 

- A e kemi të lehtë të jetojmë pa rregulla (Jo.) Pse 

Në figurat e tekstit trego punën e secilit pjesëtar të familjes. 

Shënoni me X aty ku është thyer rregulla (figura 1 dhe figura 3). 

Përforcimi: Shkrim i lirë 

Me ndihmën edhe të mësueses/it shkruaj orarin tënd ditor. 

- Ngrihem në orën 7:00. 

- Laj dhëmbët dhe sytë. 

- Ha mëngjesin. 

- Nisem për në shkollë në orën 7:45. 

- Vij nga shkolla në orën 12:00. 

- Zhvishem e laj duart. 

- Ha drekën. 

- Pushoj 2 orë. 

- Mësoj me orar. 

- Luaj me lodrat e mia. 

- Ha darkë. 

- Laj dhëmbët para se të fle. 

Detyrë shtëpie. Sillni për orën tjetër foto të ndryshme të mjediseve të shkollës 

dhe të klasës suaj. 

33


Tema 4. Shkolla ka rregulla 

 


• Të flasë për rregullat e shkollës. 

• Të thotë 3-4 rregullat e klasës së tij/saj. 

• Të formulojë dy arsye pse shërbejnë rregullat në shkollë. 

 

 

Parashikimi: Përvijim i të menduarit 

Fjalë kyç: 

Mjetet: 

Aftësitë: 

mësim, qetësi, respekt, klasë, shkollë. 

teksti, pamje që tregon mjedis klase, foto nga revista, ngjyra. 

të folurit, të shkruarit, të diskutuarit. 


Parashikimi 

Përvijim i të menduarit 


Përforcimi 

Bisedojmë së bashku 


 

Zhvillimi 

i mësimit 

Nxënësit kanë sjellë foto që tregojnë mjedise të ndryshme të shkollës dhe të klasës. Ata nxiten të tregojnë 

rregullat që duhen zbatuar në shkollë e në klasë. 

Rregullat shkruhen në një tabak të bardhë letre. 

- Të mos bisedojmë kur shpjegon mësuesi/ja. 

- Të dëgjojmë njëri-tjetrin me vëmendje. 

- Të punojmë në qetësi. 

- Të ecim pa rrëmujë në korridorin e shkollës. 

- Të luajmë pa u grindur me njëri-tjetrin. 

Ndërtimi i njohurive: Bisedojmë së bashku 

Hapet teksti në faqen 40. Lexohen dy fjalitë e tekstit nga rubrika “Çfarë do të mësoj”. 

Komentohen figurat e tekstit dhe rregullat përkatëse për çdo figurë. 

Lexohet rregullorja e klasës sonë, e cila është afishuar në muret e klasës. 

Lexohet rregullorja e klasës së Gentit dhe të Jonës. 

Ballafaqohen ato me njëra-tjetrën. Shtohen dhe dy rregulla të tjera në rregulloren e klasës së Gentit dhe të 

Jonës: 

- Të vijmë çdo ditë me uniformë në shkollë. 

- Të dëgjojmë me respekt mësuesin/en dhe shokët e klasës. 


Ndahen nxënësit në grupe. Me fotot e sjella (që tregojnë drejtorin, mësuesit, nxënësit, prindërit) dhe 

rregullat përkatëse për çdo figurë krijojnë një poster. 

Secili grup ekspozon posterin e tij para klasës. 

 

Detyrë shtëpie. Shkruani rregulla për në bibliotekë, palestër, oborr shkolle, korridor. 

34


Tema 5. Loja ka rregulla 

 


• Të dallojë rregullat në lojë. 

• Të thotë 2-3 rregulla të lojërave të ndryshme. 

• Të caktojë disa nga mjediset më të përshtatshme për lojë, në lagjen apo 

zonën ku banon. 

 

Parashikimi: Lojë, bisedë 

Fjalë kyç: 

Mjetet: 

Aftësitë: 

lojë, rregull, zbatoj, bindje, lodër. 

teksti, lodra të ndryshme, veshje të përshtatshme për lojë, bilbil. 

të dalluarit, të caktuarit, të treguarit. 


Parashikimi 

Lojë, bisedë 


Përforcimi 

Punë e drejtuar 

Lojë e zgjedhur 

 

Zhvillimi 

i mësimit 

Zhvillohet me nxënësit një lojë e shkurtër në klasë, p.sh.: loja me litar (tërheqje litari). 

Zhvillohet një bisedë rreth pyetjeve: 

- Pse ju pëlqen të luani 

të argëton 

të çlodh 

të ndihmon të 

bashkëpunosh me të tjerët 

Loja 

të zhvillon 

fizikisht 

mendërisht 

- Cila lojë të pëlqen më shumë (Shkruhet një listë me emra lojërash në tabelë.) 

- Cilat janë mjediset ku mund të luani (Në shtëpi, në këndet e lojërave, në oborr, në qendrat sportive.) 

Ndërtimi i njohurive: Punë e drejtuar 

Hapet teksti në faqen 42. Loja ka rregulla. Loja bëhet më e dashur për fëmijët, kur zbatohen rregullat e saj. 

Në tekst janë paraqitur lojëra të ndryshme. 

Gjeni rregullat e çdo loje. 

1. Gara vrapimi. 

Vrapo pa penguar shokun. 

. Gara notimi. 

Fillo garën kur të jepet sinjali. 

3. Gara gjimnastikore. 

Përqendrohu në lëvizjet e trupit. 

. Loja e futbollit. 

Mos e prek topin me dorë. 

35


Përforcimi: Lojë e zgjedhur 

Në figurat e tekstit në faqen 43 janë paraqitur disa lojëra. Emërtohen lojërat nga nxënësit, si: kukafshehtas, 

kalimi i topit në hark, domino, loja me karrige, loja me litar, kala dibrançe, vendos në shenjë, roza-rozina. 

Zgjidhni një nga lojërat e figurës. Vendosni rregullat para se të luani. 

 

Detyrë shtëpie. Shkruani veshjet dhe pajisjet për lojërat: 

loja me top (fushë sporti, atlete, tuta); 

loja me shah (sallë lojërash, veshje e zakonshme). 

Tema 6. Rregullat tona 

 


• Të tregojë raste të veçanta me rregulla. 

• Të thotë 2-3 rregulla të veta të veçanta. 

• Të vendosë rregulla të veçanta brenda grupit. 

 


Fjalë kyç: 

Mjetet: 

Aftësitë: 

rregulla, mirënjohje, kujdes, zakon. 

teksti, pamje me rregulla të veçanta. 

të treguarit, të vendosurit. 


Parashikimi 




Përforcimi 


 

Zhvillimi 

i mësimit 

-Mendojeni për një moment botën pa rregulla Çfarë do të ndodhte 

aksidente 

makinash 

padrejtësi 

Pa rregulla 

rrëmujë 

grindje 

fiton më i forti 

36


Disa rregulla janë të caktuara nga të tjerët, por ka edhe rregulla që i vendosim vetë. 

Jepni disa shembuj për rastin e dytë: 

- Çdo ditë hedh mbeturinat e familjes në kazanin e plehrave. 

- Përgatitem në orar të caktuar. 

- Zhvishem sapo kthehem nga shkolla. 

- Uroj pjesëtarët e familjes në ditë festash. 


Hapet teksti në faqen 44. Komentohen figurat dhe rregullat e vendosura vetë. 

- Për çdo Krishtlindje marr dhurata. 

- Për çdo festë unë i dhuroj lule mësueses. 

- Çdo mëngjes hedh mbeturinat e familjes. 

- Çdo ditë ndërroj kordelet e kokës. 

Kalohet në rubrikën “Si mendon ti”. 

- A veprojnë fëmijët sipas rregullave 


Punohet rubrika “Puno me mësuesen”, klasa ndahet në tri grupe: 

o Grupi i parë - ditari i motrës. 

Rregullat: - ditari i përket vetëm motrës; 

- nuk ke të drejtë ta lexosh pa lejen e motrës; 

- shkruhen gjërat më interesante të ditës; 

- është sekret. 

o Grupi i dytë - sekreti i shokut ose shoqes. 

Rregullat: - mbaje sekretin e shokut ose shoqes; 

- mos ia thuaj kujt; 

- sekretet e të tjerëve nuk thuhen. 

o Grupi i tertë - shkolla e shokut ose shoqes. 

Rregullat: - nuk bëhet zhurmë kur futesh në mjediset e shkollës 

- lexohet rregulloja; 

- merret leje për të shkuar në klasën e shokut/shoqes. 

Dëgjohen nxënësit sipas punëve në grup. 

Vlerësohet puna e nxënësve më të mirë. 

37


KAPITULLI V 

SIGURIA DHE MBROJTJA 

Tema 1. Në rrugë 

 

 


• Të tregojë 2-3 rregulla të ecjes në rrugë. 

• Të dallojë shenjat e semaforit. 

• Të luajë lojën e semaforit. 

• Të diskutojë mbi rëndësinë e respektimit të rregullave të ecjes në rrugë 

bazuar në përvojën e tij/saj. 

Fjalë kyç: 

Mjetet: 

Aftësitë: 

semafor, shenja, rregull, ndalo, kujdes, kalo. 

teksti i nxënësit, tabelë me shenjat e semaforit. 

të treguarit, të diskutuarit, të dalluarit. 


Parashikimi 



Përforcimi 

Veprimtari e drejtuar, diskutim 

Lojë 

 

Zhvillimi 

i mësimit 


Imagjinoni se jetoni në një qytet ku ka shumë motorë, makina, biçikleta. Në rrugët e qytetit nuk ka 

semaforë, policë trafiku. Makinat ecin shpejt, njerëzit e kanë të vështirë të dalin në rrugë. 

- Si mund ta vazhdojmë përshkrimin e qytetit. 

- Si mund ta quajmë një qytet të tillë 

Qyteti i makinave të çmendura. Qyteti pa semaforë. 

- Ç`do të ndodhte në këtë qytet (Aksidente, përplasje makinash, trafik.) 

- Po qyteti ynë a ngjan me qytetin që imagjinuam Pse nuk ngjan 

- Çfarë keni vënë re në rrugë (Ka semaforë, policë, trotuare, vija të bardha.) 

Të gjitha këto ne do t’i shohim në figurat e tekstit. 

Lexohet rubrika “Çfarë do të mësoj”. 

Ndërtimi i njohurive: Veprimtari e drejtuar, diskutim 

Në figurën e parë Eri dhe Jona na tregojnë drejtimet e lëvizjes së makinave në rrugë. Një rrugë mund të 

ketë dy kalime, por edhe më shumë, si në rastin e autostradave. Rregulluesi kryesor i lëvizjes së makinave 

në rrugë është semafori. 

Mësuesi/ja i pyet nxënësit nëse iu kujtohet poezia për semaforin “Semafori flet me sy”. 

Nxënësit diskutojnë për figurat dhe rregullat e ecjes në rrugë. 

- Unë e kaloj rrugën kur më thotë semafori. 

- Unë eci në vijat e bardha. 

38


Punohet rubrika “Si mendon ti”. 

- Në rrugë duhet të kemi kujdes kur ecim me biçikletë. 

- Biçikleta duhet të kalojë pranë trotuareve. 

- Kur ecim në vijat e bardha duhet të shohim semaforin. 

- Nuk duhet të luajmë në rrugë. 

Përforcimi: Lojë 

Luajmë me semaforin. 

Në oborrin e shkollës nxënësit bashkë me mësuesin/en kanë përgatitur një tabelë me shenjat e semaforit. 

Nxënësit ecin në grupe dhe mësuesi/ja thotë ngjyrën e semaforit. 

E kuqe dhe nxënësit duhet të ndalojnë, e gjelbër dhe nxënësit ecin. Vazhdohet për disa grupe derisa 

mbaron ora e mësimit. 

Shënim: Nga përvoja jonë si mësues gjatë zhvillimit të temave të tilla, shumë të këndshme kanë qenë 

orët e zhvilluara në rrugë. Shkollat që janë pranë kryqëzimeve të rrugëve kanë mundësi që t’u tregojnë 

konkretisht nxënësve se si ecin këmbësorët dhe mjetet në rrugë. Kjo veprimtari zgjat rreth 20 minuta. 

Tema 2. Kam mësuar biçikletën 

 

 


• Të tregojë 3-4 mjete të lëvizjes në rrugë. 

• Të diskutojë për rregullat e lëvizjes në rrugë me biçikletë bazuar në figurat e dhëna. 

• Të vizatojë/modelojë një biçikletë. 

Fjalë kyç: 

Mjetet: 

Aftësitë: 

biçikletë, pedalim. 

teksti i nxënësit, foto të makinave, kamionëve, motorëve, biçikletave; letër, 

plastelinë, bojëra. 

të treguarit, të diskutuarit, të vizatuarit, të modeluarit. 


Parashikimi 



Përforcimi 

Marrëdhëniet pyetje-përgjigje 

Vizatim/ Modelim/ Diagram Veni 

 



makinat 

motorët 

Mjetet e lëvizjes 

në rrugë 

biçikletat 

kamionët 

etj. 

Mësuesi/ja mund tì shoqërojnë ato edhe dhe figura. 

39


Ndërtimi i njohurive. Marrëdhëniet pyetje-përgjigje 

Një nxënës lexon rubrikën “Çfarë do të mësoj”, si dhe fjalët kyç të mësimit. 

Lexohet dialogu midis Blertës dhe Drinit. 

Mësuesi/ja pyet nxënësit. 

- Çfarë ka mësuar Drini 

- Kush ia dhuroi biçikletën 

- Çfarë e këshillon Blerta 

- Pse mendoni se duhet të jetë i kujdesshëm Sepse mund të rrëzohet. 

Mësuesi/ja i orienton nxënësit të shohin figurat në vazhdim. 

Gerti ka mësuar biçikletën. Ai ecën pas makinës dhe nuk shikon përpara. Makina ndalon dhe ai buum përplaset. 

Gjatë ecjes në rrugë me biçikletë nuk duhet të kalojmë para makinave. Duhet të ecim në një pozicion ku 

jemi të dukshëm për drejtuesit e mjeteve. 

Në biçikletë nuk duhet të vëmë ngarkesa. Nuk mund të hipin më shumë se një person. 

Mësuesi/ja i pyet nxënësit nëse dinë t’i japin biçikletës. Nëse nuk kanë mësuar ende të pedalojnë tùa 

kërkojnë prindërve një gjë të tillë. Të mos kenë frikë se janë të vegjël pasi është shumë bukur dhe e 

shëndetshme të ecësh me biçikletë. 

Në disa rrugë të qyteteve janë vendosur korsi, ku mund të ecin vetëm biçikletat. 

Përforcimi: Vizatim/ Modelim/ Diagram Veni 

Vizato ose modelo biçikletën që të pëlqen të të dhurojnë. 

Mund të punohet edhe veprimtaria e mëposhtme. 

Diagrami i Venit 

me dy rrota 

të veçantat 

me katër rrota 

duke pedaluar 

Biçikleta 

Makina 

ndizet motori 

një ose dy persona 

të përbashkëtat 

- mjete të lëvizjes 

shumë persona 

Nxënësit vendosin punimet në një pjesë të klasës dhe shohin punimet e njëri-tjetrit. 

40 

Tema 3. Ti si thua 

 

 


• Të tregojë 2-3 rregulla të lëvizjes në rrugë. 

• Të dallojë veprimet e drejta dhe veprimet e gabuara në figurat e dhëna. 

• Të gjejë rregullin në një fjalëkryq. 

Fjalë kyç: 

Mjetet: 

Aftësitë: 

rrugë, vija të bardha, trotuar. 

teksti i nxënësit, etiketa të bardha. 

të treguarit, të dalluarit.

Parashikimi 

Përforcimi 

Punë në dyshe 

 


Parashikimi: E vërtetë apo e gabuar 

Mësuesi/ja paraqet në dërrasë tri rregulla të shkruara. 

- Unë e kaloj rrugën me vrap kur semafori është i kuq. 

- Kur kalon rrugën ec në vijat e bardha. 

- Unë luaj në trotuar. 

Nxënësit japin ide mbi vërtetësinë e këtyre rregullave. 




E vërtetë apo e gabuar 

Diskutim, punë në grupe 

Ndërtimi i njohurive: Diskutim, punë në grupe 

Klasa ndahet në grupe. Çdo grup duhet të komentojë një figurë dhe të shkruajë një mesazh që i përgjigjet figurës. 

1. Makinat duhet të ulin shpejtësinë para vijave të bardha. 

2. Rruga duhet kaluar te vijat e bardha. 

3. Mbeturinat hidhen në kosh dhe jo në rrugë. 

4. Nuk duhet të luajmë në trotuar. 

5. Nuk duhet të vrapojmë në trotuare. 

6. Nuk duhet të luajmë në rrugë. 

Nxënësit lexojnë, diskutojnë rreth situatave dhe sjellin përvoja të ngjashme nga jeta e tyre. 

Përforcimi: Punë në dyshe 

Luaj-gjej rregullin. 

Mësuesi/ja iu shpërndan nxënësve një fjalëkryq në të cilën është fshehur një rregull. Nxënësit duhet ta 

gjejnë. Fiton dyshja ose grupi që e gjen më shpejt. 

M 

i 

d 

k 

l 

e 

v 

i 

o 

a 

o 

B 

a 

r 

l 

i 

a 

u 

a 

r 

d 

e 

m 

a 

s 

k 

r 

p 

l 

e 

o 

f 

k 

p 

t 

i 

o 

a 

m 

l 

c 

M 

A 

j 

e 

d 

s 

e 

m 

a 

f 

o 

r 

i 

n 

y 

s 

s 

n 

E 

a 

a 

h 

a 

d 

t 

r 

a 

Tema 4. Të shëtisim 

 


• Të përshkruajë parkun e ilustruar me figura. 

• Të renditë tri rregulla të shëtitjes në park, duke u bazuar në ilustrime. 

• Të dallojë veprimet e drejta dhe ato të gabuara në ilustrimet e dhëna. 

• Të diskutojë për efektet e dobishme që sjellin shëtitjet. 

41


 

Mjetet: 


Aftësitë: të përshkruarit, të diskutuarit. 

Fjalë kyç: 

shëtitje, kujdes, rregulla. 


Parashikimi 



Përforcimi 

Turi i galerisë 

 



Mësuesi/ja u drejton nxënësve pyetjen: 

- Çfarë na vjen ndërmend kur themi shëtitje 

lojëra 

park 

ajër i pastër 

Diskutim 

çlodhje 

Shëtitje 

gjelbërim 

argëtim 

njohje me shokët të rinj 

- Sot ne do të diskutojmë për shëtitjet, kujdesin që duhet të tregojmë, si dhe të mirat që na vijnë nga shëtitjet. 

Ndërtimi i njohurive: Diskutim 

Nxënësit orientohen të shohin figurën e parkut. 

- Çfarë shohim në park, tabelat, çfarë tregojnë ato 

- Vëzhgoni me kujdes dhe së bashku do të nxjerrim cilat janë veprimet e drejta dhe cilat janë veprimet e 

gabuara që po bëjnë fëmijët në park gjatë shëtitjes. 

Veprimet e drejta 

- Edi ecën me biçikletë në trotuar. 

- Eldi hedh mbeturinat në kosh. 

- Fëmijët po ngrenë një balonë. 

Veprimet të gabuara. 

- Beni po hyn në shatërvan. 

- Mira po këput lule. 

Gjatë kohës që nxënësit flasin mësuesi/ja i shkruan rregullat në dërrasën e zezë. Nxënësit dallojnë se fëmijët 

kanë kryer më shumë veprime të drejta dhe më pak veprime të gabuara. 

Diskutohet për rregullat e shëtitjes në park, duke u bazuar në këto veprime. 

Diskutohet se pse njerëzve iu pëlqen të shëtitin. 

Përforcimi: Turi i galerisë 

Vizato parkun ku ti shkon me prindërit. 

- A të pëlqen ai 

- Çfarë i mungon 

- Vizatoje në parkun tënd atë që i mungon. 

Ose thjesht të vizatojnë një vend ku ata kanë dëshirë të shëtitin. 

Figura e një parku. 

Pasi i vizatojnë, nxënësit i ngjitin në një pjesë të klasës. Ata shohin dhe komentojnë vizatimet e njëri-tjetrit. 

lodra 

42


Tema 5. Po tani më njihni 

 

 


• Të prezantojë veten. 

• Të diskutojë për vendlindjen e tij/saj. 

• Të plotësojë skedën. 

• Të lexojë poezinë “Këtu jam unë”. 

Fjalë kyç: 

Mjetet: 

Aftësitë: 

jetoj, vendlindje. 


të treguarit, të diskutuarit, të lexuarit. 


Parashikimi 



Vëzhgo-diskuto 

Përforcimi 

Lexim i animuar 

 



Mësuesi/ja shkruan në tabelë të zezë fjalën Shqipëria dhe plotëson së bashku me nxënësit. 

vendi ku jetojnë 

shqiptarët 

flamuri i kuq me 

shqiponjë të zezë 

vendi ynë 

Shqipëria 

lumenj, male, fusha etj. 

qytete 

fshatra 

Ndërtimi i njohurive: Vëzhgo-diskuto 

Mësuesi/ja i orienton nxënësit të shohin figurat dhe të diskutojnë për to. 

- Flamuri, ngjyrat e tij. 

- Harta e Shqipërisë, atdheut tonë. 

- Tirana, kryeqyteti i Shqipërisë 

- Malet, fushat, qytetet. 

Secili nga ju është një individ që jeton në Shqipëri, por që të dalloheni nga të tjerët keni nevojë të tregoni 

emrin, vendlindjen, shkollën ku mësoni, klasën. 

Të gjitha këto nxënësit do t’i plotësojnë në skedën e dhënë. 

Nxënësit nëse kanë dëshirë mund të prezantojnë veten me të dhëna të tjera të veçanta, p.sh., dikush 

mund të ketë lindur në një shtet tjetër dhe mund të japë informacion mbi atë shtet, gjuhën që flitet atje etj. 

Përforcimi: Lexim i animuar 

Lexim i poezisë “Këtu jam unë”. Mësuesi/ja lexon poezinë dhe nxënësit e ndjekin duke animuar. 

Mësuesi/ja: Këtu është një dorë ... dhe nxënësit ngrenë dorën. 

Nxënësit: Jam unë ... thuhet në kor nga të gjithë nxënësit. 

Kështu vazhdohet për të gjithë poezinë. 

43


Unë jam ... 

PËRSËRITJE 

Fletët e punës së mëposhtme mund të përdoren si teste për nxënësit 

FLETË PUNE 1 

1. Quhem________________________ 

2. Jam_______________________vjeç 

3. Ditëlindja ime_____________________________________________________ 

4. Ngjyra ime e preferuar______________________________________________ 

6. Lodra që më pëlqen më shumë ______________________________________ 

7. Rretho kafshën që do të doje të kishe në shtëpi. 

a. qen b. mace c. breshkë ç. zog 

8. Sporti që të pëlqen më shumë. 

a.futbolli 

b. basketbolli 

c. tenisi ç. noti 

d. atletika e. patinazhi në akull 

9. Dëshira ime më e madhe është: 

___________________________________________________________________________ 

10. Personazhi i filmave vizatimorë që më pëlqen më shumë është: 

___________________________________________________________________________ 

44


FLETË PUNE 2 

Gjërat më të bukura të këtij viti... 

1. Festa më e bukur në familje. 

____________________________________________________________________________________ 

2. Festa më e bukur në shkollë. 

____________________________________________________________________________________ 

3. Dhurata më e bukur që kam marrë. 

____________________________________________________________________________________ 

4. Kur jam ndjerë unë më i miri. 

____________________________________________________________________________________ 

5. Kur jam ndjerë unë më i dobishëm. 

____________________________________________________________________________________ 

45


FLETË PUNE 3 

Pëlqimet e mia ... 

1. Shkruaj emrat e 3 shokëve/shoqeve që të pëlqejnë: 

________________, ________________, _________________. 

2. Shkruaj emrin dhe mbiemrin e mësuesit ose mësueses sate. 

________________________________________________ 

3. Cila ishte lënda që të pëlqeu më shumë. 

a) Abetare b) Matematikë c) Edukatë shoqërore 

ç) Edukim muzikor d) Edukim figurativ dh) Edukim fizik 

e) Aftësim teknologjik 

4. Shkruaj një rregull, nga rregullat e klasës, që ti e ke zbatuar më mirë dhe që të ka pëlqyer më shumë. 

_____________________________________________________________________________ 

5. Si u ndjeve në shkollë. Rretho. 

a) Shumë mirë b) Mirë c) Jo dhe aq mirë 

6. Cilët të ndihmuan më shumë gjatë këtij viti. Rretho. 

a) Mami b) Babi c) Mësuesi ose mësuesja 

ç) Gjyshi ose gjyshja d) Motra ose vëllai 

46

udhezues edukata 1.indd - Albas

Create successful ePaper yourself

Delete template?

Save as template?