Shkenca e Tokës - Erik Botime

Veprimtari praktike NR.1: “Ndërtimi i maketit të vendosjes së
Diellit dhe planetëve në sistemin diellor”
• Vendi i zhvillimit: klasa
• Koha në dispozicion: 45 minuta
• Mjetet e punës praktike: fletore shënimesh, bukë peshku, plastelinë, kartonë,
materiale nga Interneti etj.
• Detyrat:
1- të realizojnë në grup projekte mbi ndërtimin e sistemit diellor (për shembull,
ndërtimi i një maketi të vendosjes së Diellit dhe planetëve në sistemin diellor, me
mjete si plastelinë, karton etj.);
2- të realizojnë në grup ose individualisht projekte kërkimore për llojet e satelitëve
artificialë dhe të sondave hapësinore.
• Metodika e zhvillimit: Koha e detyrës tematike ndahet në dy pjesë kryesore: njohja
me kërkesat e punës dhe puna konkrete.
Njohja me kërkesat e punës bëhet nga mësuesi, i cili i orienton nxënësit për detyrat
që do të zgjidhin, në varësi të nëntemave që ai ka planifikuar.
Puna konkrete zë pjesën më të madhe të kohës dhe ndahet në disa faza:
1- Ndarja e klasës në grupe të vogla.
2- Puna për ndarjen e detyrave, sipas objektivave. Po ju sugjerojmë disa drejtime,
ku mund të kërkoni për objektivin e dytë:
a- materiale nga Interneti për llojet e satelitëve artificialë;
b- materiale nga Interneti për sondat hapësinore.
3- Paraqitja e punës së secilit grup, krahasimi i punimeve dhe diskutime rreth
tyre nga mësuesi, për të plotësuar paqartësitë.
•Vlerësimi i punës mund të mos bëhet për të gjithë klasën në kolonë, por në grupe,
duke pasur parasysh disa elemente:
1- saktësinë në zbatimin e detyrës, sipas kërkesës së dhënë;
2- prezantimin e punës, duke përdorur një gjuhë të pastër, të qartë, me terma
gjeografike dhe me logjikë argumenti;
3- ide origjinale, të përdorura për të ndërtuar maketin.
22