Shkenca e Tokës - Erik Botime

Degradimi
Erozioni
Tokat
Plehrat kimike
Gërryerja
Realizimi i kuptimit (Terma paraprake)
Jepen katër terma paraprake: degradim, erozion, keqpërdorim, planifikim dhe
menaxhim.
Duke u nisur nga këto terma, nxënësit do të formulojnë individualisht nga një
fjali për çdo term, por që të kenë lidhje mes tyre. Shkruhen disa variante të fjalive në
tabelë.
Për shembull:
Degradimi, shkaktar i dëmtimit të tokave.
Erozioni, vepër e ujërave rrjedhëse.
Plehrat kimike, ndotëse të pakthyeshme.
Gërryerje, dukuri shpatore.
Para leximit të tekstit, nxënësit njihen me objektivat që duhet të arrijnë gjatë
leximit të tij: Krahasimi i pjesës së nxënësit me pjesën e librit. Kjo do të realizohet me
lexim individual, nga ana e nxënësve.
Më pas, nxënësit diskutojnë rreth pyetjes së mësuesit: “Çfarë është e re në pjesën
e librit, të cilën ju nuk e keni përmendur në krijimin tuaj”.
Reflektimi (Rrjeti i diskutimit)
Në këtë fazë përdoret teknika e rrjetit të diskutimit.
Cili është roli i faktorëve natyrorë dhe humanë në ndotjen e tokave
Faktor natyror Ndotja e tokave Faktor human
Nxënësit punojnë individualisht në fletoret e tyre, për të dhënë argumente pro
ose kundër pyetjes së drejtuar. Më pas, grupohen sipas argumenteve dhe u kërkohet
që t’i ballafaqojnë argumentet e përdorura në favor të idesë së tyre.
Detyrë:
Sipas njohurive që fituan, nxënësve u kërkohet të bëjnë një shkrim të shkurtër,
ku të shpjegojnë se përse mbrojtja e tokave është garanci për mbrojtjen e jetës
sonë.
SHËNIM: Këtë metodë mund ta zbatoni edhe për temat:
“Ndotja e ujit” dhe “Ndotja e ajrit”.
48