Shkenca e Tokës - Erik Botime

Mësimi 5.1. : Mjedisi dhe zhvillimi i qëndrueshëm
Në përfundim të mësimit nxënësit do të jenë të aftë:
• të interpretojnë konceptin për mjedisin dhe zhvillimin e qëndrueshëm;
• të analizojnë ndikimin pozitiv dhe negativ të veprimtarisë së njeriut në
mjedis;
• të identifikojnë mënyrat e menaxhimit të qëndrueshëm të burimeve natyrore.
Struktura e mësimit
E Brainstorming 10 minuta
R INSERT 25 minuta
R Mendo, Puno në dyshe dhe Shkëmbe 10 minuta
Burimet (Mjetet)
Për këtë temë mësuesi mund të shfrytëzojë: foto ose albume me resurse natyrore.
ZHVILLIMI
Evokimi (Brainstorming)
Nxënësit ndahen në grupe dhe numërohen nga 1-3. Secili grup do të shkruajë
një listë me emra: grupi i parë duhet të japë disa përkufizime për mjedisin; grupi
i dytë duhet të rendisë disa lloje veprimtarish të njeriut në mjedis; grupi i tretë
duhet të rendisë disa mënyra për menaxhim të qëndrueshëm të burimeve natyrore.
Diskutohet me nxënësit rreth pyetjes: A mund të ekzistojnë të gjitha llojet e resurseve
që përmendët në të njëjtin vend Përse Argumentet që sjellin nxënësit shkruhen në
tabelë.
Realizimi i kuptimit (INSERT)
Në vijim, mësuesi e ndan klasën në grupe dyshe dhe u kërkon të lexojnë tekstin,
duke vendosur shenjat në tabelën e mëposhtme:
(kontrollo) + (plus) - (minus) (pikëpyetje)
Nxënësit do ta plotësojnë ndarjen e parë të tabelës me njohuritë që kanë për
mjedisin e qëndrueshëm; në ndarjen e dytë do të vendosin informacionin e ri që
mësuan nga teksti; në ndarjen e tretë do të vendosin shënimet për ato gjëra që dalin
ndryshe në tekst nga ato që dinin, ndërsa në ndarjen e fundit do të shkruajnë pyetje
ose kërkesa për sqarim të mëtejshëm.
46