Shkenca e Tokës - Erik Botime

Fjalë kyç: vullkan, magma, llava, krater.
Struktura e mësimit
E Brainstorming 5 minuta
R Leksion i avancuar 30 minuta
R Ese 10 minuta
Burimet (Mjetet)
Për këtë temë mësuesi mund të shfrytëzojë: materiale nga Interneti për vullkanet,
dëmet që ato sjellin, makete të vullkaneve, harta të shpërndarjes së vullkaneve në
botë.
ZHVILLIMI
Evokimi (Brainstorming)
Me një Brainstorming individual, mësuesi merr ide për problemet e mëposhtme:
- Çfarë është një vullkan
- Cilat janë disa elemente të vullkanit
- Cilat janë produktet e vullkanit
- Rendisni disa vullkane që njihni
Pasi dëgjohen përgjigjet e nxënësve, disa prej tyre shkruhen në tabelë dhe mësuesi
përzgjedh ato që kanë lidhje me temën e re.
Realizimi i kuptimit (Leksion i avancuar)
Pjesa e parë. Në fillim, mësuesi i përgatit nxënësit për aktivitetin, duke u treguar
temën e leksionit dhe objektivat e tij. Mësuesi e ndan klasën në grupe me numër çift.
U shpjegon detyrën; pra, ata duhet të hartojnë një listë mbi gjithçka dinë rreth kësaj
teme. Pas një kohe prej 4-5 minutash, mësuesi u kërkon dysheve t’ua tregojnë punën
e tyre shokëve.
Mësuesi shkruan në tabelë idetë e dhëna nga nxënësit dhe ua tërheq atyre
vëmendjen mbi problemet që trajton, të cilat vetë ata i kanë listuar më parë. Mësuesi
i nxit nxënësit të flasin lirisht rreth temave të prezantuara dhe u bën shpjegimet
përkatëse.
Bëhen pyetjet:
Ç`janë vullkanet
Cilat janë pjesët përbërëse të vullkanit
Diskutohet dy-tri minuta në grup. Paraqiten idetë e grupit para klasës.
Pjesa e dytë e leksionit lidhet me produktet e vullkanit dhe me përbërjen e tyre.
Nxënësve u kërkohen dy-tri ide, në lidhje me këto probleme:
Cilat janë produktet e ngurta të vullkanit
42