ud#18 (25828)

udmdunne.ru
+7 951 195 37 65
ЛЫДӞИСЬКОН СИГ
№18 (25828)
2020-тӥ ар 14-тӥ куартолэзь 27
дас пол будӥз. 1898-тӥ-1903-тӥ
аръёсы Вятка палан ссылкаын
улӥзы тодмо социал-демократъёс
но большевикъёс А. Н.
Потресов, Ф. Э. Дзержинский,
Н. Э. Бауман, В. В. Воровский,
П. И. Стучка но мукетъёсыз.
Ссыльнойёс туж трос
лэсьтӥзы Вятка шаерез центрен
герӟан, солэсь культуразэ
будэтон понна. Газетъёсын,
журналъёсын потэм
соослэн статьяосысьтызы
вӧлмиз асьме шаер но удмурт
калык, солэн улон-вылонэз
сярысь тодонлык. Вятка шаерын
соос трос гинэ выль газетъёс
но поттыны кутскизы.
Калыкен кусып тупатыса,
ссыльнойёс крестьянъёсын,
тужгес но егитъёсын, пӧртэм
юанъёслы зэмос валэктонъёс
утчаллязы. Одӥгез удмурт
Короленкоен вераськемез,
солэсь ужась киоссэ но быгатонлыкъёссэ
адӟемез бере
шуэм: «Умойтэм царь лэсьтэ,
умойтэм. Малы умой адямиосыз
ас дорысьтыз улля? Кулэ
ӧвӧл шат солы умой адямиос?
Ваньды тӥ умой адямиос:
пыӵал тупатъяськоды, ведра
дуриськоды, кумышка уд
юиське».
Тӥни сыӵе адямиослы
оскон кыскиз егитъёсты
ссыльнойёс доры. Соос котыре
1900-тӥ арысен Вяткаын
но мукет городъёсын кылдыны
кутско лушкем ужась
организациос, кружокъёс.
Революцилэсь тылгизьыоссэ
ссыльнойёс пумен вӧлмыто,
гомӟыто асьме шаерын но.
Зӥбет зурка
Удмурт калык вашкала
дырысен зӥбыт, лякыт сямо
вал. Улонын кылдӥсь секыт
учыръёсты удмуртъёс ожмаськытэк,
пӧртэм мукет
амалъёсын сэрттыны-пертчыны
тыршылӥзы. Музъем
понна вожвылъяськонъёссэс
но соос батыръёс куспын
ӵошатсконын тупатылӥзы.
Кылсярысь, пор но удмурт
батыръёс нюр муӵез чыжало:
кинлэн муӵез кыдёкегес
лобӟоз — солэн калыкез та интыосы
улыны кылёз. Мукетаз
вашкала кылан-веранын батыръёс
пукыӵен ыбыло: кинлэн
пукыӵ ньӧлыз кыдёкегес
вуоз, солэн калыкез вормисе
потоз. Вир кисьтон учыръёс
удмурт калыклэн улоназ трос
ӧй вал. Соин ик, дыр, соос
асьсэ музъемзэс но эриксэс
пумен ыштӥзы. Улонын ӵем
дыръя угось кинлэн ожмаськон
мылкыдыз но кужымез
тросгес, со ик ворме.
Озьы ке но пӧртэм вапумъёсы
удмуртъёс но
киязы пыӵал тӥрлык кутоно
Удмуртъёс пумитало Е. Пугачёвез.
луылӥзы. Тужгес но секыт
зӥбетэз чидатэк, тушмонъёсты
мукет амалэн визьманы
луонлыкъёс быремен,
озьы луылӥз. Арча палась
удмуртъёс 15-тӥ но 16-тӥ
дауръёсын трос пол гинэ
ӝутскылӥзы Кузон бигер
ханъёслы пумит. 16-тӥ даурлэн
кыкетӥ люкетаз бигеръёсын
но поръёсын ӵош ог
куамын ар ӵоже ӟуч эксэйлэн
зӥбетэз улэ сюронлы пумит
нюръяськизы. Трос адямиос
быризы та ожмаськонын,
трос вир кисьтӥськиз.
17-тӥ даурын удмурт калык
шыпыт улӥз. Музъемъёссэ
утьыны, зӥбетэз ӧжыт
ке но капчиятыны юрттэт курыса,
Москвае эксэйлы сюлворыса
гинэ вазиськылӥз.
18-тӥ даурын кужым каллен,
пичиен люкаськемъя лымшор
удмуртъёс — вашкала
аръёслэн ӵыжы-выжыоссы —
шаплыгес кариськизы.
Тани 1724-тӥ арын Пётр I
косэмъя вашкала ясак интые
котькуд пиосмурт луллэсь
(нимлэсь) выт октыны кутскизы.
Калыклэн улонэз секытгес
луиз. Угось «лулъёс»
пӧртэмесь: кудӥз пичи на,
ужаны уг быгаты, кудӥз туж
пересь ини, нош выт ваньзы
понна одӥг мында тыроно. Со
сяна, котькуд «луллэсь» басьто
на оброк (40 коньы). Оглом
та вытъёс 1 манет но 14 коньы
луо. Сое тырон понна трос
нянь яке пудо-живот вузано.
Нош семьяын одӥгез гинэ
воргорон ужа, нош кылемъёсыз
пичиесь яке пересесь ке,
хозяйство воксё куашкан калэ
вуэ ук!
Вытлэн будэмезлы
чидатэк, удмуртъёс нюръяськыны
кутскизы. Дэри-Чудья
(3авьялово) гуртэ люкаськыса,
соос выт бичасьёсыз но
соослы юрттӥсь солдатъёсыз
уллязы но октэм коньдонзэс
талазы. Удмуртъёсыз вормыны
ӧз быгаты нимаз ожгарчиослэсь
кылдытэм команда
но: офицерез кулытозяз тышказы,
ожгарчиосыз пазьгизы.
Вормонзылы оскыса, офицерлы
шуизы: «Вай али ми доры
та выт сярысь указ гожъясез!
Ми сое уробое кыткомы но
лашкинтомы! Мед валалоз,
кыӵе со крестьян уж но пӧяса
поттэм коньдон. Азьланяз но
«лул» коньдон понна лэзиды
ке, ми лэзем адямиостэс нош
ик кулытозязы тышкалом!»
Но нюръяськон мылкыд
кема ӧз возиськы. Калык каллен
дораз бертӥз, кылемъёссэ
ожгарчиос зӥбломытӥзы.
Мукет калыкъёс сямен ик,
лымшор удмуртъёс но «ним»
коньдонэз пумен тырыны
кутскизы.
18-тӥ даурын удмуртъёс
асьсэос нюръяськонэ шер
жутскылӥзы, ӵемгес соос
мукет калыкъёслы нюръяськыны
юрттылӥзы. Кылсярысь,
1704-тӥ-1711-тӥ
аръёсы лымшор удмуртъёс
башкиръёслэн восстаниязы
пыриськылӥзы. Нюръяськонлэн
кивалтӥсьёсыз пӧлын вал
удмурт Юбраш Микта. Восстаниез
вормем бере куать
уд муртъёс нимысьтыз «аманатской
корка» пуктэмын
вал. Соослэн йыръёссы азьланяз
шаерын, тужгес но удмурт
калык пӧлын, шып улонэз
возёнлы дун луизы. Кин
ке нош ик нюръяськыны
ӝутскиз ке, та аманатъёс виемын
луозы.
18-тӥ даурлэн пумаз
1773-тӥ арын Россиын тужгес
но бадӟымез Крестьян война
кутскиз. Ӝутӥз сое Донысь потэм
казак Емельян Пугачёв.
Калыкез ӝутон понна со ассэ
император Пётр III шуыса нимаз.
1773-тӥ арын коньывуон
толэзе асьме шаерын но Пугачёвлы
дурбасьтӥсь отрядъёс
люкаськыны кутскизы. Лымшор
ёросъёсын бугыръяськон
мылкыд пумен ӝутскиз. Водзимонье
черкогуртэ люкаськем
удмуртъёс Пугачёв доры юромо
адямиез лэзиллям но асьсэ
пала ӝоггес вуыны куриллям.
Арча палась удмуртъёс, ваньзы
огкылысь луыса, казнае коньдон
тыремысь дугдӥллям но
сое Пугачёвлэн юрттӥсьёсызлы
келяны малпаллям.
1774-тӥ арын Вотка, Иж
но мукет заводъёс нюръяськисьёс
киулын вал ини. Пугачёвлы
дурбасьтӥсь кӧня ке
бадӟым отрядъёс трос черкогуртъёсыз
ас киязы возизы.
Соос пӧлын вал Сарапул, Алнаш,
Терси. Та отрядъёсын
огкылысь ӵош нюръяськизы
уд муртъёс но, бигеръёс
но, ӟучъёс но, башкиръёс
но. Одӥгаз бадӟым отрядын,
кудӥныз кивалтӥз бигер Мясогут
Гумеров, вань гожъяськон
ужез быдэсъя вылэм удмурт
Семён Иванов, мукетаз
— Абзелил Сулеймановлэн
отрядаз таӵе ик ужен выриз
уд мурт Дмитрий Иванов.
Пичи Шудья гуртысь удмурт
сотник Илья Богданов нимаз
Суредаз Н. Карев. «Даур куара» книгаысь
отряд кылдытӥз. Эксэйлэн
юрттӥсьёсыз тужгес но кышкало
вал Удмурт но Башкир
шаеръёслэсь огазе кариськемзылэсь.
1774-тӥ арын гужем Пугачёвлэн
Быдӟым армиез, Оренбург
палан зол шуккет басьтыса,
Казань пала вамыштӥз.
Оса городэз киултыса, Пугачёв
Вотка завод пала кошкиз.
Заводлэн кивалтӥсьёсыз соин
ожмаськыны тыршизы, но
отрядзы ӝог гинэ пазьгемын
вал. 3аводын улӥсьёс Пугачёвез
но солэсь армизэ сылалэн-нянен
пумитазы. Калык
заводлэн кивалтӥсезлэсь корказэ,
заводлэсь конторазэ но
черкез сутӥз.
Дэри-Чудья черкогурт дорын
Пугачёвлы пумит Иж
завод лэн кивалтӥсезлэн фон-
Венцельлэн отрядэз султӥз.
Ожмаськон пуромыса ӧз
вутты, ожгарчиос Пугачёв
доры пегӟизы, нош командирзы
виемын вал. 27-тӥ
инвожое Пугачёв Иж заводэ
вуиз. Татын ужасьёс тыметэз
куашкатӥзы, вань тыриськон
сярысь люкаськем бумагаосыз
кесязы-сутӥзы. Пугачёв
казнаысь коньдонэз со пала
дурбасьтӥсьёслы люкылӥз.
Пугачёвлэн армиез асьме
шаеретӥ ортчыку, со борды
кариськизы сизьым сюрслэсь
но тросгес гуртъёсын но
заводъ ёсын улӥсьёс. Сьӧразы
дас кык пушка но вайизы. Казань
пала дыртӥз Анлет-Монья
гуртысь удмуртлэн Кузьма
Ивановлэн (Чупашлэн)
отрядэз но. Мукетъёсыныз
ӵош со Казанез басьтон понна
ожмаськиз.
29-тӥ инвожое Пугачёвлэн
армиез Алнаш черкогуртын
вал ини. Ассэ император
чотын возись Пугачёв люкаськем
удмуртъёслэсь кин
тӥледыз тужгес обиде шуыса
юаз. Калык татысь поп вылэ
чагиськиз. Трос вераськытэк,
Пугачёв сое ошыны косӥз.
Азьлань дыртыса, армия
Вятка шур сьӧры потӥз но
12-тӥ пӧсьтолэзе Казань дорын
вал ини. Пугачёв сьӧры
уйиськыса мынӥз Екатерина
II-лэн ыстэм полковникез Михельсон.
Казань дорын 13-тӥ-
15-тӥ пӧсьтолэзе туж секыт
ожмаськон ортчиз. Пугачёвлэн
армиез пазьгемын вал.
Нюръяськисьёс пӧлысь кык
сюрсэз быризы, вить сюрсэз
сӧсырмизы, нош дас сюрсэз
пленэ сюризы. Нош кытчы
пыризы Кузьма Иванов но мукет
удмуртъёс — асьмеос сое
ноку но ум тодэ ни.
________
Азьланьтонэз вуоно номерын.