ud#18 (25828)

№18 (25828)
6 2020-тӥ ар 14-тӥ куартолэзь НУНАЛ БӦРСЬЫ НУНАЛ
Ивор куды
АЛНАШ
________
Буре вайыса
Берло дыре гуртъёсысь синпелетъёс
выльдӥсько.
Быдӟым оже пыриськем солдатъёсты
буре вайыса, 2010-тӥ-
2019-тӥ аръёс ӵоже ёросысь Усмангурт,
Шайтангурт, Мукшур,
Серп, Блатгурт, Карйыл, Чумолё, Выль Алнаш гуртъёсысь
синпелетъёс рос-прос тупатъямын вал.
Коньдон люкан сярысь гуртоос асьсэос сюлмаськизы.
Озьы соос самообложение, инициативной
бюджетирование проектъёсы пыриськизы. Туэ
чакламын Азамат, Кузюмгурт, Тыло, Улын Котныр,
Ятцаз, Юмья, Шадрасак-Кибья, Юмьяшур,
Усо, Удмурт Гондыр, Вуж но Выль Утчан, Казакгурт
но Вуж Шудья гуртъёсысь синпелетъёсыз
тупатъяны. Быдӟым Вормонлы 75 ар тырмонэн
валче ёросысь 27 синпелетэз 8 миллион манет
тыр рос-прос выльдыны чакламын.
ВАВОЖ
________
Выжзы ву улэ кылиз
Вало шур ӧрысьтыз потӥз но, Гуляй
гурт вӧзысь выж ву улэ кошкиз.
Таӵе учыр арлы быдэ луылэ.
1990-тӥ аръёсы татысь выж пулэсь
лэсьтэмын вал, шур тудӟон
вакытэ сое октылӥзы. Ог 5 ар талэсь азьло шур
вамен бетон плитаос тыремын вал.
Гуляйын ог 50 улӥсез, тросэз гужемлы татчы дачае
сямен бертыло на. Та вакытэ шур вамен соослэн
потамзы уг луы. Гуртоос «самоизоляцилы»
азьлапал дасяськизы — кемалы тырмымон сиён-юон
басьтӥзы. Но гуляйёс улонлэсь люкемын
шуыны уг луы, Какможозь вуыны луэ тэль пыртӥ
ортчись сюресэтӥ. Но сюресэз тэль поттӥсьёс
быдто, дэри вакытэ отӥ гуртоослэн ветлэмзы уггес
поты, эшшо котыръяськыса мыноно.
ВОТКИНСК
________
Тымет дурын —
суредъёс
Та нуналъёсы карысь тымет дур
шулдырскиз нылпиослэн суредъёсынызы.
Воткинск городысь администрацилэн
пресс-службаез
ивортэмъя, баннеръёс вылэ поттэм
ужъёсты быдэстӥзы искусствоосъя 2 номеро
нылпи школаысь пиналъёс. Усточиос ужъёссэс
сӥзизы Пётр Чайковский тодмо композиторлэн
180 ар тырмонэзлы. Калык син азе поттэмын
«П. И. Чайковский — глазами детей» калыккуспо
конкурсэ ыстэм ужъёс пӧлысь устоосыз.
Композиторлы сӥзем адӟытон 6-тӥ арзэ радъяське
ни. Карын улӥсьёсты но куноосты суредъёс
май толэзьысен сентябрёзь шумпоттозы.
ГЛАЗОВ
________
Эмъясьёслы юрттэт
Глазов ёросысь больницалы
2 миллион манет висъямын эмъян
тӥрлык басьтыны.
Ёрос больницаен кивалтӥсь Сергей
Стрижнев ивортэмъя, коньдонэн
юрттэт туж дыраз вуиз. Басьтыны чакламын
дезинфекция ортчытон суретъёс, рентген
лэсьтон плёнка, анестезиологиын кутӥськись,
шокатӥсь но мукет тӥрлык. Нош уксё висъяз «КО-
МОС ГРУПП» холдинг. Пусйыны кулэ, та огазеяськонлэн
Глазов ёросын 3 предприятиез интыяськемын,
отын 3 сюрс пала ужасез. Ваньзы соос
эмъясько та больницаын.
ДЭБЕС
________
Концерт — укно улын
Дэбес ёросын 2 гинэ ветеран кылемын.
Мария Егоровна Фроловаез
но Спиридон Григорьевич
Максимовез Быдӟым Вормонэн
ӟечкылазы Дэбес ёрослэн йырыз
Андрей Иванов но Дэбес ёросысь
полициен кивалтӥсь подполковник Николай
Перминов.
9-тӥ Мае «Шудбур» ансамбль дышем сямен черкогуртлэн
шораз ӧз кырӟа, сценазы питранъёс
вылын вал. Озьы ветеранъёсты ӟечкылазы, война
вакытысь кырӟанъёсты корка вадьсазы кырӟаса.
Берло аспӧртэм сцена мукет ульчаостӥ но ветлӥз.
Мылкыд карисьёс стадионын, вис возьыса, «Шудбур»
ансамблен ӵош кырӟазы, ожын быремъёсты
буре вайизы.
ДЭРИ ________
Ветеранъёс уг вуно
Спортысь ветеранъёслы коньдонэн
юрттэт сётӥське.
Спортысь ветеранъёслы юрттыны
мылкыд кариз Удмуртиысь Олимпийской
кенеш. Та нуналъёсы ёросысь кӧня ке ветеранъёслы
коньдонэн юрттэт сётэмын, сое басьтӥзы
Италмасысь нимо-дано спортсменъёс Галина
Кулакова но Нина Парамонова, Дэри черкогуртысь
Маргарита но Аркадий Кощеев кузпалъёс
(одӥгез великен ворттылонъя спортъя мастер,
мукетыз вань улонзэ куас базаын ужа) но Италмас
школаысь дышетӥсь Надежда Бочкарёва. Пусйыны
кулэ, Надежда Игоревна, арлыдыз шоры
учкытэк, али но шаерамы ортчылӥсь вань Гурт
шудонъёсы, ветеранъёс пӧлын радъяськылӥсь
ӵошатсконъёсы мыло-кыдо пыриське.
КИЗНЕР
________
Синпелет усьтӥськиз
Кизнер каргуртэз эшшо чебергес
кариз выль памятник.
9-тӥ Мае татын сӥё-дано усьтӥзы
синпелетсэс, со сӥземын ож
мышкын ужамъёслы но ож вакытэ
вордӥськем пиналъёслы. Коронавирусэн сэрен
ужрадэ трос калыкез люканы лэземын ӧй вал.
Кизнеръёс югдурысь потон амал шедьтӥзы: быдэс
ужрадэз Интернет пыр возьматӥзы. Синпелетэз
усьтонэ пыриськизы ёрослэн йырыз Александр
Плотников но Кизнер муниципал кылдытэтэн
кивалтӥсь Иван Яковлев. Соос ик синпелет доры
нырысетӥ сяська керттэт но понӥзы.
КЕЗ ________
2 сюрс манет тыр
тамак кыскиз
31-тӥ маёзь шаерамы тылпулэсь
утиськон вакыт ялэмын.
Та вакытэ тросэз гуртоос Кыква
урочище котыре пешник октыны
ветло. 5-тӥ мае но бичаськисьёс ог 50 пала
вылӥллям. Арлыдо воргорон шутэтскыны пуксьылэм
но кысымтэ тамак пумзэ музъем вылэ
куштэм. Кӧня ке улыса, бервылаз тылпу потӥз.
Ёросысь тылпулэсь утиськонъя инспектор Анатолий
Русских ивортэмъя, та нуналэ 4 гектар вылысь
кӧс турын ӝуаз. Тамак пурккетыны яратӥсь
муртэ ӝог шедьтӥзы, солы 2 сюрс манет тыр
штраф гожтӥзы. Озьы ик штраф сётэмын музъемлэн
кузёезлы кӧс турынзэ дыраз утялтымтэез
понна. Ӝуась бусыез доброволецъёс 2 час пала
кысыны выризы. Тыл гурт вылэ ӧз омырскы.
КРАСНОГОРСК
________
Черкогурт чеберске
Ёрос центрын та нуналъёсы
резь-куаж лэсьтӥськон ужъёс
мыно.
Красногорскысь машинаен
ортчисьёс но пыдын ветлӥсьёс
понна сюресъёс выльдӥсько.
Администрацилэн юртэз азе брусчатка тыро,
арт-объектъёс но синпелетъёс доры вуттӥсь
пичи сюресъёс но волятэмын луозы. Та нуналъёсы
выль асфальт вӧлдо Первомайской
но Спортивной ульчаосы, выль тротуаръёс
кылдозы Мир но Барышников ульчаосын.
Кызьы пусъе ёрослэн йырыз Владимир Корепанов,
сюресъёсты выльдонлы 60 миллион
манет пала висъямын, лэсьтӥськон ужъёсты
йылпумъяны чакламын 20-тӥ июньлы. Пусйыны
кулэ, туэ гужем татын ортчыны кулэ
шаерысьтымы гурт спортсменъёслэн гужем
шудонъёссы.
ПИЧИ ПУРГА
________
Урмем писэй
Миндэрвуко гуртысь писэй 3
УВА ________
Кин вандӥз пудо?
Уваысь Ижкаре мынон сюрес
муртэ куртчылӥз.
Ветеринарияя управленилэн
пресс-службаез ивортэмъя,
писэй урмонэн черламын вылэм.
Куртчылэм муртъёслы
эмъясьёс нырысетӥ юрттэт сётӥзы. Пудо эмъясьёс
гуртоосты сак луыны куро. Гурт пудоосты
малпамтэ шорысь адямиос вылэ омырско,
сиськемысь дугдо, дыльдызы вия, ӟигартэм
уло яке сӥнырзы кысканы кутске ке, тодэ: соос
урмонэн черламын. Сыӵе дыръя ӝегатскытэк
ивортоно ветеринарияя службае.
Туэ ар куспын гинэ шаерамы 8 урмон учыр
пусъемын. Соин ик вӧзады улӥсь писэй-пуныостылы
но дыраз вакцина пуктон сярысь сюлмаське.
урдсысь сикысь шедьтӥзы пудо
вандэмлэсь кылем-мылемъёссэ.
Удмуртиысь Пудо эмъянъя
управлениын веразы, сое татчы
пудо вордӥсь но вандӥсь предприятиос киськамын
шуыса.
Свалка интыысь ветеринаръёс висёнъёслы
эскерон понна пробаос басьтӥзы,
пӧйшуръёслэн но адямиослэн тазалыксылы
кышкыт ӧвӧл меда шуыса. Проба басьтэм бере
ик кылем-мылемъёсты сутӥзы, сикын дезинфекция
ортчытӥзы.
Та пумысен Прокуратура эскерон нуэ ни.
ЯКШУР-БӦДЬЯ
________
Ворттылӥз
Лынга черкогуртын шуккиськон
учыр пусъемын.
11 аресъем пияш скутерен ворттылыны
малпам. Сюрес вылын
мынон-ветлон правилоосты
тодӥсьтэм пияш 3 аресъем пиналэз лёгам. Пичи
дыды больницае келямын, нош пияш понна табере
кыл кутозы солэн анай-атаез. ГИБДД-ысь
пресс-службаен кивалтӥсь Александр Мельников
ивортэмъя, быдэ вуымтэ пиналлы транспорт
сётэмзы понна анай-атайёсты 30 сюрс манет
штраф тырытозы.