ud#18 (25828)

№18 (25828)
30 2020-тӥ ар 14-тӥ куартолэзь
Ньӧран
Пегасьёс но
мыжгаськисьёс
Самоизоляциын улыса,
куд-ог адямиослэн йыр
кобыысьтызы виымзы
уртчыны кутске, лэся.
Мукет сямен вераны
но уг луы. Уго кин ке
формаен адямиос вылэ
урдске, мукетыз быдэс
гуртысь адямиослы вирус
паласькытэ.
Кылсярысь, Яр посёлокысь
воргоронэз кыл кутытозы
полицейскоез мыжгемез
понна. 14-тӥ апреле
воргорон уйин изьыны ӧз
быгаты. Оло сокем ньылонэз
бичатӥз — корказ пукыны
ӧз чида ни. Нош Ярын,
быдэс Удмуртиын сямен
ик, самоизоляция. Юмшась
воргоронэз дугдытӥзы полицейскойёс,
ӵектӥзы соосын
ӵош эмъясь доры
— Карантинэ пырыны луоз-а?
кожаны — кӧня юэмез сярысь
тест лэсьтыны. Таӵе
югдур пиосмуртлы ӧз кельшы,
со полицейскоез гадяз
донгиз но пегӟыны шӧтаз.
Озьы ке но «боевикез»
кырмизы. Патрульлэн машинаяз
но воргорон буйганы
ӧз вала. Отын со полицейскоез
йыраз мыжгиз.
Тазьы выремез Уголовной
кодексысь 318-тӥ статьялэн
1-тӥ люкетэзлы (власть
удысын тыршись мурт
вылэ урдскон) тупа. Табере
уголовной ужез Глазовысь
суд сэрттоз-пертчоз. Мыжгаськисьлы
200 сюрс манетозь
штраф сётыны яке
5 арозь пытсэт сьӧры келяны
быгатозы.
Но уката керӟегъясько
карантинэ келямъёс. Таӵе
адямиос асьме дорын
1 сюрс 272 кузя. Ваньмызлы
ик 14 нунал карантинын
пуконо. Но 11-тӥ мае Роспотребнадзорысь
эскерисьёс
шараязы: 42 мурт
режимез тӥяз. Ваньмызлы
пумит протоколъёс гожтэмын.
Котькудӥз таӵе пегась
калыклы кышкыт луэ.
Кылсярысь, 9-тӥ мае Вотка
ёросысь 13 адямилы коронавирусэн
черламын шуыса
диагноз пуктӥзы. Таӵе
«салам» соослы паласькиз
карантинысь пегась муртлэсь.
Эшшо 43 муртэ — соин
кусып возисьёсты — эскеро
на. Ваньзы ик Вотка ёросысь
Новый посёлокын
уло. 10-тӥ майысен татын
карантин ялэмын.
________
ШӦКЫЧ УРОМ
Суредаз Владимир ИЖБОЛДИН
Гуртысь маскарчиос
Шырыт улон
Торокан гуртысь Микол кышно — Марина — трос нылпиё
анай. Зэмзэ ке, роддоме со 2 пол гинэ ветлӥз — 2 пи вайиз.
Но Микол картэз — сыӵе ик нылпи. Солы выль носки ӧд басьты
ке, пасьсэ кутчалоз. Сиён ӧд пӧра ке, сьӧд нянь но шпик
сиыса улоз.
Та коронавирусэн сэрен Мариналэн но улонэз
воштӥськиз. Но ваньмызлы паймымон — умой пала.
Тани Миколлэн апрель пумын пыдыз пӧсяны кутскиз.
— Тол ботинкаме капчи пыдкуклы воштоно, — шуэ.
— Остэ, Мики, пыдчиньы висъёсыд ыльӟектыса ӧз вуэ на,
кызьы валад тулыс вуэмез? — чабкиськиз Марина.
— Бон мар кутчаны уг тодӥськы. Кылем сӥзьыл туфли
пыдэсы тэшказ вал, тон сое кушто шуид. Табере тани пыдкутчан
вузасьёс но уг ужало. Маин ветлом? — пайме Микол.
— Мон кадь хозяйственной кышноез тон кытысь шедьтод
на, Мики? Мон ведь туфлидэ ӧй кушты, сое ремонтэ нуллӥ
но, пыдэссэ лякизы, — шумпоттӥз картсэ Марина.
Так-то Микол пыдкутчан пумысен туж чакласькись. Со
тракторын гинэ уг пукы — гурт администрацилэсь йырзэ машинаен
ворттылытэ. Соин дэрем сиресэз но котьку чылкыт,
туфлиез но чиля. Машинаысь потыкуз, Миколэз сельсовет
тӧро но кожало — сокем йӧно адӟиське. Солэсь маке юало но,
валэктон утчакуз, Миколлэн тусыз ик воштӥське — будто ке
сое математикаен дышетӥсь Ольга Фёдоровна доска азьын
логарифмъёсын курадӟытэ. Миколлэн кылыз сьӧлтаське, бамыз
ӵыжектэ. Соку киыныз возьматэ кожой куко, пичи бекче
быдӟа кӧто кивалтӥсез шоры — Онтон Петрович вералоз,
шуэ.
Гужем вуэмъя Микол, конечно, выль пыдкуклы мынысал,
но коронавирусэн валче вужез туфли но яраз ни.
Мариналы уксё шыръяны юртто пиосыз но. Тани 13
аресъем Никита толэзьлы быдэ парикмахерское ветлэ вал.
Табере школаос ворсамын, Никиталы дораз пукыны кузь
йырси уг люкеты. Нырысь йырыз куро кабан кадь адске вал.
Собере Марина пиезлы ободок сётӥз, йырсиед, пе, синмад
пыре ни. Никита шумпотӥз.
— Футболист Дэвид Бекхем но ободокен ветлэ. Нош йырсие
кузьгес будӥз ке, быж но кутыны луоз, собере мэн бан
лэсьто, — шуэ Никита.
— Кыӵе бан? — паймиз анаез.
— Ну, али пиос йыртышказы йырсизэс бинялтыса ветло,
иське, «пучок» ӟуч сямен, — валэктӥз пияш.
Агаез шоры учкыса, 5 аресъем Егор но йырсизэ ӵышкыны
пумитъяське. Марина тазэ сюлворыса ӧз улы. Пиезлэн йыр
вылаз корт тусьты понӥз но, котырак качыен вандӥз. Парикмахеръёс
таӵе причёскаез «горшок» нимало, нош Марина,
юромо дышетскытэк но, сое лэсьтыны быгатэ. Табере
Егорлэн но синмаз йырсиез уг пыры.
Уксёзэ чотась Марина шумпотэ: тулыс понна пиослы выль
штан но, ветровка но басьтоно ӧвӧл — сёровно дорын пуко.
Шыръям коньдонэныз кышномурт городэ мыноз — ӝоген,
пе, музейёс усьтӥськозы. Дораз пукыса, Марина культурной
улонлэсь дотово мӧзмиз ни. Нош музее лусьтро йырын уд
пыры — соин Марина 2 толэзьлы азьлапал ик чеберъяськон
салонэ гожтӥськиз: выль причёска но, маникюр но лэсьтоз.
________
ШУЛДЫР ОНИСЬ
Такмакъёс
Куркаез тэтчиз шораз!
Егит пиос шулдыр пуко,
Курыт вина юыса,
Клуб азбарын нылъёс бӧрдо,
Кинлы бызём шуыса.
Э, бусёнэ, бусёнэ,
Пуны тусен сюдонэ!
Малы «Троя» юиськод,
Парсьпи бордын изиськод?
Казакпи кадь эктысал но,
Ку сапеге ӝог пӧсьтоз,
Бускель нылэз чупасал но,
Гуртын кышное тодоз.
Арган куараез кылэ ке,
Кышное тапыр! эктэ,
Арганзэ-а, шудӥсьсэ-а —
Кудзэс меда яратэ?
Бускеле пурысь йырзэ
Француз буёлэн
льӧльмаз,
Курег сюдыны потӥз но,
Куркаез тэтчиз шораз!
________
Ираида ВЕСЁЛЫХ.
Шаркан черкогурт
Интернет коскы
________
Оптимистъёс ветло маскатэк, пессимистъёс масказэс уг куяло,
нош реалистъёс доразы пуко.
________
Дорын пукисько но список гожъясько, кинэн мон одно ик
пумисько но одӥг ӝӧк сьӧрын пуко, та зараза ортчиз ке.
________
Ӟуч кылъя дышетӥсь Светлана Ивановна али ик сюлмаське,
кыӵе сочинение гожтозы пиналъёс «Кызьы мон гужемме
ортчытӥ» темая.