Create successful ePaper yourself
Turn your PDF publications into a flip-book with our unique Google optimized e-Paper software.
Mateosi 5<br />
wan gaan paima. Biga leti sö nöö<br />
wë de bi du ku dee tjabukama u<br />
Gadu dee bi dë bifö unu.<br />
Aki ta lei fa wan bakama u Masa<br />
Jesosi musu dë kuma satu ku fa a<br />
musu dë kuma limbo.<br />
Maik. 9:50; Luk. 14:34-35<br />
13 “Nöö un haika e, dee sëmbë.<br />
Fa un ko nama ku mi aki, nöö un<br />
dë kuma satu da dee sëmbë u di<br />
goonliba aki. Nöö i sabi fa satu ta<br />
heepi tjika. Ma nöö ee a bi sa lasi<br />
di tesi fëën, nöö an bi o abi heepi<br />
a mundu möönsö e. A sitaati nöö<br />
i bi o sa tuwëën go, ka sëmbë o<br />
makisëën ku futu. Nöö un musu<br />
luku bunu fu wan lasi di tesi fuunu,<br />
fuun ko kuma satu di lasi ën tesi.<br />
14 “Nöö söseei un dë kuma wan<br />
lampu faja tu e, da hii dee sëmbë u<br />
di goonliba aki. Nöö i sabi nö? Te<br />
wan köndë dë a wan hei kununu<br />
liba, nöö te dee faja fëën ta sëndë<br />
nëën nöö di köndë dë an sa dë<br />
tjubitjubi. Hii sëmbë ta si ën kaa.<br />
Nöö söseei un musu dë tu e. Hii<br />
sëmbë musu ta si di libi fuunu fa a<br />
limbo tjika.<br />
15 “Biga na wan sëmbë o sëndë<br />
faja nöö a butëën a wan tjubi<br />
kamian te ka sëmbë an sa si limbo<br />
ku ën. Nönö. Fa a o sëndëën dë,<br />
nöö a o hopo ën buta a liba be hii<br />
sëmbë a di wosu sa si soni ku di<br />
limbo fëën.<br />
16 “Nöö sö nöö di libi fuunu musu<br />
dë a di goonliba aki e, dee sëmbë. A<br />
musu dë gbegedee kuma wan faja<br />
limbo. Nöö sëmbë o ko si dee bunu<br />
soni un ta du, nöö de o ta gafa di<br />
Tata fuunu di dë a liba ala.<br />
10<br />
Aki ta taki soni u dee soni dee bi<br />
dë sikifisikifi a Gadu Buku kaa.<br />
17 “Dee sëmbë o, fa mi ko ta lei<br />
unu aki, ma ko u ko poi dee wëti<br />
Gadu da Mosesi fuu hoi e. Nönö.<br />
Nöö ma ko u ko poi dee soni dee<br />
fesiten tjabukama bi sikifi tu. Ma<br />
mi ko u ko mbei hii soni pasa<br />
kumafa dee soni dë sikifisikifi dë bi<br />
kë taki.<br />
18 “Nöö un si hii dee soni dee dë<br />
sikifisikifi a di Buku nö? Wë mi sa<br />
taki da unu gbelin taa solanga dee<br />
soni u goonliba aki ku dee soni u<br />
liba ala dë eti, nöö na wan u dee<br />
soni sikifi a di Buku o fika di an o<br />
pasa e, te dou ku dee piki pisi fëën<br />
tuu. Hii de tuu seei o pasa.<br />
19 “Nöö ee wan sëmbë i ta poi ee<br />
wan piki pisi seei u dee soni Gadu<br />
taki ta sösö de nöö i ta lei sëmbë u<br />
de du sö tu, nöö di sëmbë dë o dë<br />
di möön sösö wan a dee sëmbë dee<br />
Gadu ta tii dendu.<br />
“Ma ee wan sëmbë i ta hoi i seei a<br />
dee wëti dë liba nöö i ta lei otowan<br />
andi de kë taki, nöö hën o dë gaan<br />
heima a dee sëmbë Gadu ta tii<br />
dendu.<br />
20 “Nöö mi taki da unu e, taa ee<br />
wan ta libi möön bunu a Gadu wojo<br />
möön dee Faliseima ku dee Sabima<br />
u Wëti, nöö wan o sa dë a di<br />
Njunjun Tii u Gadu dendu möönsö<br />
e.<br />
Aki ta lei taa ja musu abi takuhati u<br />
otowan.<br />
Luk. 12:57-59<br />
21 “Wë nöö un bi jei fa de bi fan<br />
ku dee gaan sëmbë fuu a fesi taa ja<br />
Het Nieuwe Testament in het Saramaccaans, Suriname, © 2009, Wycliffe Bible Translators