Create successful ePaper yourself
Turn your PDF publications into a flip-book with our unique Google optimized e-Paper software.
Mateosi 12<br />
Aki Masa Jesosi kula wan sëmbë a di<br />
saba daka.<br />
Maik. 3:1-6; Luk. 6:6-11<br />
9 Nöö hën u kumutu naandë, hën<br />
u go dou a wan keikiwosu fuu<br />
dee Dju sëmbë, hën u denda nëën.<br />
10 Nöö hën u ko si wan sëmbë dë,<br />
wan së maun fëën dë dëëdëë tjakaa<br />
sö.<br />
Wë nöö dee felantima u Masa<br />
Jesosi bi sai leti dë kaa, nöö hën de<br />
o poobëën luku ee de sa feni föutu<br />
nëën. Hën de hakisi ën taa: “Unfa<br />
i mëni? A fiti fu kula wan sëmbë a<br />
saba daka nö?”<br />
11 Hën Masa Jesosi piki de taa:<br />
“Haika e. Ee i abi wan sikafu fii<br />
ta kiija nöö hën a kai go a baaku<br />
dendu a saba daka, nöö ja o go puu<br />
ën fu an musu dëdë ö? 12 Wë nöö<br />
wan libisëmbë wë? An bumbuu<br />
möön wan mbeti nö? Nöö ee i kë du<br />
wan sëmbë bunu a saba daka nöö<br />
aan tjina e.”<br />
13 Nöö hën a bia fan ku di sëmbë<br />
di abi di dëëdëë maun taa: “Womi,<br />
tëndë di maun fii ko i si.”<br />
Nöö fa a tëndë maun taaan<br />
naandë kaa, hën di maun fëën ko<br />
bunu gbelingbelin kuma di oto së<br />
maun.<br />
14 Ma nöö di dee Faliseima si di<br />
soni Masa Jesosi du dë, nöö an kai<br />
ku de seei. Hën de go a döö go ta<br />
kuutu fa u de du de kii ën puu dë.<br />
15 Ma Masa Jesosi sabi kaa taa<br />
sö fëën de ta pakisei, nöö hën a<br />
kumutu disa de dë, hën a go fëën.<br />
Nöö fa a nango dë, wanlö hia<br />
sëmbë ta waka ta ko nëën baka hën<br />
a kula dee sikima u de tuu. 16 Ma<br />
30<br />
nöö hën a ta bai de taa de an musu<br />
mbei lanti ko sabi soni fëën.<br />
Aki ta lei taa Masa Jesosi hën da<br />
di Futuboi u Gadu di bi musu ko.<br />
17 Nöö hii fa Masa Jesosi ta du<br />
naandë, nöö a ta pasa leti kumafa<br />
Gadu bi buta di fesiten tjabukama<br />
fëën de kai Jesaaja faa sikifi a di<br />
Buku taa:<br />
18 Luku di futuboi u mi aki, di mi<br />
tei u miseei vö,<br />
hën wë mi lobi e.<br />
Gaan piizii fëën seei dë a mi<br />
hati.<br />
Nëën liba wë mi o buta di Akaa<br />
u mi,<br />
nöö a o ta konda da dee peipei<br />
sëmbë u goonliba<br />
andi da bunu ku andi da hogi.<br />
19 Fa a o sai dë, nöö an o ta fia ta<br />
kai wolo.<br />
Na wan sëmbë seei o jei bai<br />
fëën a sitaati möönsö.<br />
Nöö a o abi tjalihati u sëmbë<br />
teee.<br />
20 Te a si wan sëmbë booko saka,<br />
kuma wan piki pau de booko<br />
pië hëngi buta tëkëë dë,<br />
nöö an o fën ën puu.<br />
Ee a si wan sëmbë abi wan pikii<br />
biibi a Masa Gadu liba eti,<br />
kuma wan lampu di oli fëën ta<br />
kaba<br />
nöö a ta tapa nango njöiin,<br />
nöö an o böö ën tapa.<br />
Sö a o abi tjalihati u sëmbë tjika<br />
e.<br />
Nöö sö a o ta libi fëën fu te a<br />
wini hii mundu<br />
buta u de musu libi a wan leti<br />
fasi nëën wojo.<br />
Het Nieuwe Testament in het Saramaccaans, Suriname, © 2009, Wycliffe Bible Translators