Create successful ePaper yourself
Turn your PDF publications into a flip-book with our unique Google optimized e-Paper software.
Mateosi 8 , 9<br />
29 Nöö di de si Masa Jesosi kaa,<br />
hën de bai kai logologo wolo<br />
taa: “Ambë ta ko dë, ju di Mii u<br />
Gaangadu dë! I ta ko fii da u sitaafu<br />
bifö di daka dou nö?” Sö de bai.<br />
30 Nöö di juu dë, wanlö hia hagu<br />
bi dë te ala ta pii soni ta njan.<br />
31 Hën dee taku soni dee dë a dee<br />
sëmbë liba naandë begi Masa Jesosi<br />
taa: “Wë ee joo jaka u puu aki, nöö<br />
gaantangi da u pasi fuu go a dee<br />
hagu ala.”<br />
32 Hën Masa Jesosi piki de<br />
taa: “Un go!” Nöö fa a fan dë,<br />
wantewante hën de kumutu a dee<br />
sëmbë liba go a dee hagu. Nöö hën<br />
dee hagu kule ku baai gbulululu<br />
bazia wan kununu dë teee go kai a<br />
wata djolou dëdë tuu fijaa.<br />
33 Ma nöö di dee sëmbë bi ta luku<br />
dee hagu si sö, nöö hën de kule go<br />
a ganda go konda taa sö wan soni<br />
pasa ku dee sëmbë dee bi dë ku dee<br />
taku soni a hedi naandë. 34 Nöö hën<br />
hii di köndë booko gililii ko miti<br />
ku Masa Jesosi. Nöö hën de begi<br />
ën taa gaantangi, be a kumutu a<br />
di pisiwata u de dë go fëën a oto<br />
kamian.<br />
Aki Masa Jesosi kula wan lanma.<br />
Maik. 2:1-12; Luk. 5:17-26<br />
Wë nöö di dee Galasëni sëmbë<br />
9 taki sö, hën Masa Jesosi ku<br />
dee bakama fëën toona subi a boto.<br />
Hën de koti wata toona go a di oto<br />
së banda ka de bi kumutu, hën de<br />
go a di köndë ka Masa Jesosi ta libi.<br />
2 Nöö fa de ko dou, hën de tja wan<br />
lan sëmbë ko nëën faa kulëën. A dë<br />
kandikandi a wan kama liba. Nöö<br />
di Masa Jesosi si fa dee sëmbë dee<br />
tja di womi ko nëën dë ta biibi ën<br />
20<br />
tjika, hën a taki da di womi taa:<br />
“Womi, na fëëë e. Masa Gaangadu<br />
da i paadon u dee hogi dee i bi du.<br />
An o hoi i a bëë möön.”<br />
3 Ma nöö so u dee Sabima u Wëti<br />
sai naandë, hën de kuutu ku de na<br />
de taki taa: “Womi, un luku fa a ta<br />
mbei kuma hën da Gadu.”<br />
4 Ma nöö Masa Jesosi saandi de ta<br />
pakisei kaa, hën a piki de taa: “Dee<br />
sëmbë o, unfa un ta mëni hogi u mi<br />
a unu hati sö?<br />
5 “Be mi hakisi unu wan soni. Fii<br />
taki da sö wan sëmbë taa Gadu puu<br />
ën a bëë, naa fii taki dëën taa be a<br />
hopo waka go, undi u dee tu soni sa<br />
möön fukë u taki ku buka? ˻Na di<br />
fosuwan nö? Biga sëmbë an sa go a<br />
Gadu faa go hakisi ee di soni i taki<br />
dë ee tuu, ee ganjan.˼<br />
6 “Ma nöö un luku, mi o toona fan ku<br />
di womi aki möön. Nöö joo si fa Mi di<br />
ko dë Libisëmbë Mii aki abi makiti tjika<br />
tuu u puu di sëmbë aki a Gadu bëë.”<br />
Hën a bia fan ku ën taa: “Womi.”<br />
A piki.<br />
A taa: “Mi taki e, hopo taanpu, nöö i<br />
tei di kama fii, nöö i go a wosu.”<br />
7 Nöö fa a fan dë, hën wantewante<br />
sö hën di womi di bi dë lanlan dë<br />
hopo vu taanpu a hii dee sëmbë fesi<br />
naandë. Hën a tei di kama fëën hën<br />
a waka go fëën nëën wosu.<br />
8 Nöö fa di soni pasa naandë, hën<br />
dee hia sëmbë bi sai dë da Masa<br />
Gadu tangi e. De gafëën seei fu di a<br />
da libisëmbë sö wan gaan kaakiti.<br />
Aki Masa Jesosi kai Mateosi faa ko<br />
dë bakama fëën.<br />
Maik. 2:13-17; Luk. 5:27-32<br />
9 Nöö hën Masa Jesosi kumutu dë,<br />
hën a ta waka nango. Te wan pisi,<br />
Het Nieuwe Testament in het Saramaccaans, Suriname, © 2009, Wycliffe Bible Translators