Create successful ePaper yourself
Turn your PDF publications into a flip-book with our unique Google optimized e-Paper software.
Mateosi 17<br />
13 Nöö fa a fan dë ufö de ko sabi<br />
taa Johanisi di Dopuma hën a ta<br />
taki dë. Hën wë bi da di Elia di bi<br />
musu ko.<br />
Aki Masa Jesosi kula wan womi mii<br />
bi dë ku miii siki.<br />
Maik. 9:14-29; Luk. 9:37-43a<br />
14 Nöö hën de ta bazia di kuun<br />
ta ko te de ko kai a palala goon,<br />
nöö hën de ko si wanlö hia sëmbë<br />
naandë ta luku de. Nöö hën wan<br />
womi kule kumutu a dee sëmbë<br />
dendu ko kai a goon a Masa Jesosi<br />
fesi.<br />
Hën a begi ën taa: 15 “Masa<br />
gaantangi, a’ tjalihati fu wan womi<br />
mii u mi aki o. Miii siki dë ku ën<br />
seei te na soni. So juu a ta naki ën<br />
ta tuwë a faja, so juu a ta tuwëën a<br />
wata. Sö a ta fukëën tjika. 16 Nöö mi<br />
bi tjëën ko a dee bakama fii aki u<br />
de heepi mi kulëën, ma de an bi sa<br />
heepi mi möönsö. Nöö hën wë i si<br />
mi tjëën ko a i seei.”<br />
17 Nöö hën Masa Jesosi djëmë, a<br />
taa: “Ee! Andi seei mi feni a dee<br />
sëmbë u di ten aki maun? Fa mi ku<br />
de dë aki, de an ta biibi möönsö.<br />
Taangajesi nöö de abi sö. Un longi<br />
mi musu dë ku unu aki ta hoi<br />
pasensi da unu ufö un sa biibi mi?”<br />
Nöö hën a taa: “Söö. Wë tja di mii<br />
ko a mi aki i si.”<br />
18 Nöö hën de tjëën ko dëën. Hën<br />
a jaka di soni di bi dë nëën liba dë<br />
puu tuwë go, nöö wantewante dë<br />
hën di mii ko bunu fiaa.<br />
19 Nöö baka u di dë, hën u dee<br />
bakama fëën ko nëën. Hën u hakisi<br />
ën taa: “Masa o, andi seei mbei wa<br />
bi sa jaka di gadu dë puu a di mii<br />
liba?”<br />
46<br />
20 Nöö hën a taa: “Awa, wë baaa<br />
o, fu di wan ta biibi a di fa wë mbei<br />
e. Biga mi taki da unu taa ee un abi<br />
wan piki biibi tëin sö seei kuma di<br />
sii fu di pau de kai mutaadi, nöö i<br />
sa go taki da wan gaan kununu taa<br />
‘hopo kumutu dë’, nöö a o kumutu<br />
dë go. Biga te di biibi fuunu dë a<br />
di fa kaa, nöö na wan soni o dë di<br />
wan o sa du e.<br />
21 “[Ma boiti u di dë, sö wan pei<br />
soni, ja sa puu ën a sëmbë liba ee<br />
na i tei ten fii begi Masa Gaangadu<br />
gaanfa söndö njan.]” Sö Masa Jesosi<br />
piki u di ten dë.<br />
Aki Masa Jesosi toona fan soni u di<br />
dëdë fëën möön.<br />
Maik. 9:30-32; Luk. 9:43b-45<br />
22 Nöö baka u di dë, hën u ku<br />
Masa Jesosi ko makandi a di<br />
pisiwata u Galilea naandë, hën a<br />
taki da u taa: “Dee sëmbë, mi kë<br />
taki wan soni da unu aki taa Mi di<br />
ko dë Libisëmbë Mii aki, nöö wan<br />
daka de o buta mi a dee felantima<br />
u mi maun. 23 Nöö de o kii mi e. Ma<br />
di u dii daka fëën nöö mi o toona<br />
weki baka. Sö wë o pasa ku mi e,<br />
dee sëmbë.” Nöö fa a fan ku u dë,<br />
nöö a dë wan gaan tjali soni seei da<br />
u, a da u fuka te na soni.<br />
Aki Masa Jesosi ku Petuisi<br />
o paka keiki möni.<br />
24 Nöö hën u toona go a<br />
Kapenaumi möön. Nöö hën dee<br />
sëmbë ta pii möni da di Gaan<br />
Keikiwosu a Jelusalen dë, nöö hën<br />
de ko a Petuisi ko hakisi ën taa:<br />
“Wë mati o, fa di mësitë fuunu sai<br />
dë, hën an ta paka di keikimöni<br />
nö?”<br />
Het Nieuwe Testament in het Saramaccaans, Suriname, © 2009, Wycliffe Bible Translators