You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Mateosi 15 , 16<br />
Nöö an kaba u fan seei, hën di<br />
mujëë mii u di mama ko bunu<br />
gbegedee.<br />
Aki Masa Jesosi ta da 4000 sëmbë<br />
soni u njan.<br />
Maik. 8:1-10<br />
29 Nöö hën Masa Jesosi kumutu<br />
dë, hën u ku ën ta waka a di ze u<br />
Galilea bandja dë ta lontu te u go<br />
dou a wan kamian ka wanlö kuun<br />
dë, nöö hën a go sindo. 30 Nöö hën<br />
wanlö hia sëmbë booko gililili ko<br />
nëën möön, nöö de tja hia sikima<br />
ko tuwë nëën fesi faa musu kula<br />
da de. Hën a kula de tuu fiaa:<br />
lanlan sëmbë, bookowojoma,<br />
makisamakisa sëmbë, tapabukama,<br />
hii de tuu a kula te a kaba<br />
gbegedee.<br />
31 Nöö di dee sëmbë ko si fa dee<br />
tapabukama ko ta fan, dee lanma<br />
ko ta waka, dee makisamakisa<br />
sëmbë ko bëtë seei, dee<br />
bookowojoma ko ta si sondi, nöö a<br />
bigi da de tee. A foondo de tuutuu,<br />
nöö hën de da Masa Gaangadu<br />
tangi taa: “Ee, di Gadu fuu dee<br />
Isaëli sëmbë aki, a bigi tuu o.”<br />
32 Nöö baka fëën, hën Masa Jesosi<br />
kai u dee bakama fëën te u piki, a<br />
taa: “Tjali u dee hia sëmbë aki kisi<br />
mi o. Biga tide mbei di u dii daka<br />
di de dë ku mi aki, nöö de an njan<br />
na wan wojo sondi möönsö. Wë<br />
nöö ma sa manda de go söndö njan,<br />
biga a kandë so u de sa faau a pasi.”<br />
33 Nöö hën u piki ën taa: “Aai, u<br />
jei, ma nöö unsë woo sa fendi sö<br />
wan hia soni u njan fuu sa da de, ka<br />
u dë a sösö kamian a sabana aki?”<br />
34 Hën a hakisi u taa: “Wë un<br />
mëni bëëë un abi dë?”<br />
42<br />
Hën u piki ën taa: “U abi sëbën<br />
bëëë aki ku wantu piki fisi.”<br />
Hën a taa antoobi.<br />
35 Hën a manda dee sëmbë go<br />
sindo leti a goon na ahun liba dë.<br />
36 Nöö hën de sindo te de kaba, hën<br />
Masa Jesosi tei dee sëbën bëëë ku<br />
dee pikipiki fisi naandë, hën a da<br />
Masa Gadu tangi te a kaba. Nöö<br />
hën a booko de pisipisi, hën a tëndë<br />
da u taa: “Un tja go paati da dee<br />
sëmbë.”<br />
37 Nöö hën u tei, hën u ta paati<br />
da dee hia sëmbë dë te dou de tuu.<br />
38 Hën de tuu njan seei teee bëë u<br />
de fuu.<br />
Nöö hën u toona go pii dee<br />
pisipisi dee de njan fika, te fuu<br />
sëbën gaan manda. Nöö fa di soni<br />
pasa dë, de bi dë fö dusu womi a di<br />
kamian ufö i abi dee mujëë ku dee<br />
mii. Sö dee sëmbë bi hia tjika.<br />
39 Nöö di de njan tefa de kaba<br />
kaa, hën Masa Jesosi manda de go<br />
a wosu awaa. Nöö hën u ku ën tei<br />
boto hën u koti wata go a di köndë<br />
de kai Magidala.<br />
Aki dee hedima u keiki hakisi Masa<br />
Jesosi wan maaka möön.<br />
Maik. 8:11-13; Luk. 12:54-56<br />
Nöö fa Masa Jesosi ko<br />
16 a Magidala dë, hën dee<br />
Saduseima ku dee Faliseima ko<br />
nëën. Wë de tu keiki paatëi dë, de<br />
an kë piki möönsö taa a Gadu Masa<br />
Jesosi kumutu. Nöö fa de ko nëën<br />
dë, hën de taa de kë faa lei de wan<br />
maaka kumutu a Gadu ala, ee nasö<br />
de an o piki taa Gadu hën mandëën<br />
ko.<br />
2 Ma nöö hën Masa Jesosi piki<br />
de. A taa: “Dee sëmbë, a toobi mi<br />
Het Nieuwe Testament in het Saramaccaans, Suriname, © 2009, Wycliffe Bible Translators