You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Mateosi 4<br />
10 Nöö fa di didibi fan te tjika dë,<br />
nöö hën Masa Jesosi gandji dëën<br />
awaa. A taa: “Hetji pasa kumutu a<br />
mi fesi aki, ju didibi Saatan! Biga di<br />
Buku u Gadu taki taa ja musu begi<br />
na wan oto soni a mundu möön leki<br />
Gadu i Masa. Hën tö nöö i musu ta<br />
dini.”<br />
11 Nöö fa a fan ku ën naandë, nöö<br />
hën di didibi disëën go, nöö hën<br />
dee basia u Masa Gadu Köndë ko<br />
nëën awaa ko sölugu ën.<br />
Aki Masa Jesosi seti konda di buka u<br />
Gadu da sëmbë.<br />
Maik. 1:14-15; Luk. 4:14-15<br />
12 Nöö a baka u di dë, hën Masa<br />
Jesosi ko jei taa de kisi Johanisi di<br />
Dopuma buta a dunguwosu. Nöö di<br />
a jei sö, hën a kumutu a Judea go a<br />
di pisiwata u Galilea, a Nazalëti ka<br />
de bi kiijëën. 13 Ma nöö an tan dë.<br />
A pasa go libi a wan oto köndë u<br />
Galilea de kai Kapenaumi di dë a di<br />
ze bandja. Nöö di köndë a go sai dë,<br />
nöö a dë zuntu ku dee köndë ka dee<br />
Dju lö de kai Zebulon ku Nafutali<br />
ta libi.<br />
14 Nöö a kai ku wan soni di<br />
tjabukama u Gadu de kai Jesaaja bi<br />
sikifi a di Buku di a taa:<br />
15 Un luku dee köndë dë, dee u<br />
Zebulon ku Nafutali lö.<br />
De dë leti a di pasi ka i ta waka<br />
nango a di ze,<br />
a di oto së banda u di Lio de kai<br />
Joodan,<br />
a Galilea seei, ka dee sëmbë na<br />
Dju ta libi.<br />
16 Dee lö sëmbë naandë bi dë a<br />
suguu,<br />
ma awaa de ko si wan gaan<br />
limbo ta ko a de.<br />
8<br />
Fa de bi ta fëëë dëdë dë,<br />
nöö di limbo dë o ko puu de a di<br />
sitaafu dë basu,<br />
leti kuma te didia ta jabi faa<br />
jaka di ndeti go.<br />
Sö Jesaaja bi sikifi.<br />
17 Wë nöö di juu dë, nöö hën Masa<br />
Jesosi seti ta konda di buka u Gadu<br />
taa: “Dee sëmbë o, un disa dee<br />
hogilibi fuunu e, bia libi bunu. Biga<br />
Masa Gaangadu dë kabakaba faa tii<br />
unu a wan hii njunjun fasi awaa.”<br />
Aki Masa Jesosi tei dee fosu bakama<br />
fëën.<br />
Maik. 1:16-20; Luk. 5:1-11<br />
18 Tefa wan daka nöö hën Masa<br />
Jesosi ta waka a di ze u Galilea<br />
bandja naandë, hën a ko si wanlö<br />
womi ta tuwë nëti a wata u de<br />
kisi fisi. Nöö wan u dee womi de<br />
kai Petuisi, hënseei da Simon. Di<br />
otowan da hën baaa womi Andiasi.<br />
De tu baaa aki sö dë höndima ta<br />
kisi fisi.<br />
19 Nöö fa Masa Jesosi ta pasa dë,<br />
hën a kai de: “Dee womi aki.”<br />
Hën de piki.<br />
A taa: “Un ko go ku mi e, be mi<br />
lei unu fa fuun kisi libisëmbë ˻tja ko<br />
da Gadu˼.”<br />
20 Nöö fa a fan ku de dë, nöö hën<br />
wante de disa hii dee soni u de de<br />
bi ta höndi dë tuu, nöö hën de go ta<br />
waka a Masa Jesosi baka.<br />
21 Nöö hën de waka go möön<br />
longi. Nöö hën Masa Jesosi si tu oto<br />
baaa möön, Jakobosi ku Johanisi,<br />
nöö deseei dë höndima tu ta kisi<br />
fisi. Nöö de dë ku de tata Zebedeosi<br />
a wan boto dendu ta lapu dee nëti<br />
u de. Nöö hën a kai de tu, fu de ko<br />
waka nëën baka. 22 Nöö hën de tu<br />
Het Nieuwe Testament in het Saramaccaans, Suriname, © 2009, Wycliffe Bible Translators