PIERRE BOAISTUAU - eTheses Repository - University of Birmingham

APPENDIX B
DEDICATORY PIECES TO PIERRE BOAISTUAU
- From L’Histoire de Chelidonius Tigurinus (Paris, V. Sertenas, 1556).
1.
Sonnet de O. de Beauregard Lyonnois, sur la traduction de l’histoire de l’Institution
des Princes Chrestiens, à P. Bouaistuau Secretaire de monseigneur de Cambray
ambassadeur ordinaire pour le Roy ens parties du leuant.
Qui voudra voir comme un Prince doyt suiure
Le chemin fait par les pas de vertu,
Qui voudra voir comme un Prince est vestu
Qui voudra voir comme un Prince doit viure
Qui voudra voir le plomb, l’erain, le cuyure
Ou sont escriptz les riches dons qu’ont eu
Les Princes grands, dont le bruit ne s’est teu,
Euure ses yeux, son esprit et ce liure
Qui voudra voir un Prince gouuerner,
Qui voudra voir un Prince ne donner
A ces subietz exemple vicieux:
Qui voudra voir un Prince entre tous digne
De gouuerner une ronde machine
Euure l’esprit, et ce liure et ses yeux.
2.
Sonnet de luy mesme aux Lecteurs.
Vn nouueau feu cy bas se fait cognoistre
Qui du hault ciel semble diuinement,
Estre coulé sur l’esbahissement
De mon esprit, heureux de le voir estre:
Trois langues vont l’esternel de son aistre
En noz soucys, trois foys celestement,
Paignant de traitz que ma langue autrement
Dans voz espritz ne vous peult faire naistre:
Grecz enuieux qui vostre gloire esteinte
Plorée auez par les siecles passez,
Et vous Romains qui la vostre auez plainte,
Et vous François qui la vostre embrassez
Brullez encor d’une gloire seconde,
Qu’un feu Breton vous rallume en ce monde
ENCORE.
3.
Sonnet de Françoys Dambrun gentilhomme de la maison de madame la Duchesse de
Ferrare.
- 330 -