PIERRE BOAISTUAU - eTheses Repository - University of Birmingham

Ou Mort, ou Vie.
- From Histoires prodigieuses (Paris, V. Sertenas, 1560)
12.
I. D. R. S. D.
Si Bretaigne, LAVNAY, se sent bien honorée
De tes premiers escritz, que chascun a peu voir,
Ores tu luy fais bien meilleure cause auoir
De se sentir de toy plus encor decorée.
Ta vertu seulement n’y est pas admirée,
Mais en tous les endroictz, que peult apperceuoir
De son oeil le soleil, tu as fait receuoir
Tes escritz maçonnez de peine elabourée.
Si que tout l’vniuers remply de ta memoire
Tes oeuures admirant, ia te donne la gloire
D’estre l’vn des premiers qui le mieux a escrit:
Et puis que me portant si bonne affection
Tu m’as tout rendu tien par obligation,
Ie seray touiours tien et de corps, et d’esprit.
13.
René de Rieux au S. De Launay, Boaistuau.
Les Muses t’ont donné ceste grande abondance
LAVNAY de tes escritz pleins de diuinité,
L’vniuers qui les a admirables gousté
N’en peut assez louer la force et l’excellence.
Tu scais assez combien tu es loué par France,
Et combien ton païs, ou tu n’as guiere esté
A d’honneur, de plaisir, et de felicité
De t’auoir donné nom, vie, laict, et naissance.
Mais ores nous donnant cest oeuure de Prodiges,
Au plus hautain sommet de l’immortalité
Tes oeuures, et ton nom immortel tu eriges:
Et si fais esbahir de ceste rarité
Auecques la Vertu qui t’est touiours compaigne,
Les Muses, l’uniuers, la France, et la Bretaigne.
14.
De alis dict de cenac, svr les Histoires Prodigieuses du. S. de Launay, Boaistuau:
Sonnet.
L’Hercule des Gregois, qui par sa grand vaillance,
Douze foys estonna les hommes et les Dieux,
Est maintenant lá hault faict Citoyen des cieux,
Pour auoir combatu les monstres à outrance.
- 337 -