Care

Water Smart Broward:
Ann pwoteje pitit nou lè yo bò dlo
Kote ki fè n jwenn atik sa a se Water Smart Broward!
Nwayad se pi move aksidan ki lakòz plis timoun ant 1 an ak 4 an mouri.
Majorite timoun ki neye nan pisin lakay yo, se timoun ki pa t dwe nan pisin nan
oubyen pre pisin nan. Pi fò timoun ki nwaye nan yon pisin prive antre nan dlo a
san paran yo oubyen moun k ap okipe yo a pa konnen.
Timoun bezwen moun voye je sou yo de prè tout tan, sitou timoun 1
an a 3 an ki kab deplase rapid kite yon kote moun ap voye je sou yo san oken
moun pa remake sa.
SÈTEN AKSYON TOU SENP KAPAB SOVE LAVI TIMOUN
Lè yon timoun mouri, sa devaste paran, frè ak sè, gran paran, fanmi ak tout moun
nan zòn nan. Nwayad se yon aksidan nou kab epaye prèske tout tan si nou suiv
konsèy senp sa yo.
Paran dwe pale ak pitit yo de prekosyon yo dwe pran lè yo yon kote ki gen dlo.
Men kèk ide pou kòmanse:
1. “Pa ale twò pre yon pisin san w pa gen granmoun avè w.” Sa se
konvèsasyon ki pi enpòtan ou kapab fè ak timoun konsènan pwoteksyon yo lè
yo pre yon kote ki gen dlo. Se yon konvèsasyon senp.
2. “Si w wè yon moun gen pwoblèm nan dlo, pa kouri plonje pou w al ede l.
Kouri al chache yon granmoun. E si w tonbe nan yon pisin, pa panike, vire
pou w al kenbe mi an, epi grenpe soti oubyen rele mande pou yon moun vin
ede w.”
3. Antrene ladrès sa a nan pisin ak pitit ou. Fè pitit ou fè egzèsis sa a ak tout
rad sou li pou l sa santi sansasyon an.
Pa bliye ladrès pou w pwoteje tèt ou nan
dlo
• Sa ka rive w tou. Anpil paran ki pèdi yon pitit ki nwaye pa t janm panse pitit
yo a te ka an danje; yo jis pa t rann kont nan ki pwen danje a te tou pre.
• Pran pwoteksyon pitit o serye. Pa janm konte sou bon konpòtman pitit ou,
oswa sou bon konpòtman yon lòt timoun oubyen yon lòt granmoun. Konnen
ki moun k ap voye je sou pitit ou lè w pa kab la.
• Pa fè plizyè travay an menm tan. Lè se lè pou pitit ou al nan pisin, LI
BEZWEN tout atansyon w pou w kab voye je sou li kòmsadwa. Nwayad se
yon aksidan ki fèt rapid; pi fò timoun ki pase sèlman 6 minit anba dlo mouri.
• Se pou w gen yon plan entèvansyon. Si pèsonn pa konn ki kote pitit ou ye,
tcheke dlo a an premye – kit se nan pisin nan, nan letan an, nan kanal la
oubyen nan basen nan saldeben an. Ou dwe konnen teknik reyanimasyon
(CPR, ann angle).
Pa bliye: Timoun ki nwaye pa rele, yo pa bat dlo, ni yo pa goumen ak dlo a. Yo
koule anba dlo an silans, e anpil fwa gen yon granmoun tou pre yo.
Nonmen Nonmen tèt ou oubyen yon granmoun kòm yon siveyan ki pou
jwe wòl Granmoun k ap Voye Je sou Timoun kit dlo ki tou pre a se lanmè, letan,
pak dlo, pisin oubyen basen nan saldeben. Sa enpòtan tou pou w enstale plizyè
sistèm pwoteksyon pou anpeche timoun nwaye.
• Enstale pòt ak seri timoun pa kab louvri tout kote ki gen pòt pa anndan
> Manch pòt yo dwe a yon distans 5 pye wotè de atè a
> Toujou klete pòt yo
• Enstale alam nan pòt antre pisin, espa, ak tout kote ki gen dlo
> Pa etenn alam yo
> Si alam nan kab etenn pou yon ti bout tan pou yon granmoun ouvè pòt la,
bouton pou etenn alam nan ta dwe yon kote timoun pa kab rive manyen l
SANTE & SEKIRITE
110 Si gen moun ki vle fè reklam avè nou, telefone 1.888.708.5700 ext 12.
• Enstale lantouraj ki gen 4 kote pou pisin nan oubyen letan nan lakou a pa
kole ak kay la ni ak tout lòt pòt ak antre
> Toujou kite baryè a fèmen lè w p ap sèvi ak pisin nan
> Baryè yo dwe mezire 5 pye wotè, yo dwe fèmen pou kont yo, take pou
kont yo
• Enstale yon alam pisin ki kab flote
> Pa dezaktive alam nan
> Fè lide konekte alam pisin nan ak alam kay ou
• Aprann teknik reyanimasyon ak sekouris
> Tout moun lakay ou ki gen plis pase 14 an ta dwe pran fòmasyon
reyanimasyon
> Moun ki okipe tibebe ak moun k ap okipe timoun ta dwe pran
fòmasyon tou
> Operatè 911 kapab bay esplikasyon jan pou w fè reyanimasyon pandan w
sou telefòn nan
Men ki kote y ap bay kou reyanimasyon
Broward Health 954.759.7400
Coral Springs Fire Academy 954.346.1774
American Heart Association 1.800.242.8721
American Red Cross 1.800.RED.CROSS
Memorial Health 954.265.0994
Fòmasyon kominotè
Men ki òganizasyon ou kab kontakte pou yo vin bay fòmasyon pou sove lavi
moun pou wou ak vwazen w, òganizasyon kominotè ki pre ou, travay ou ak legliz
ou:
> Swim Central 954-357-SWIM
> FL Dept. of Health in Broward Drowning Prevention Task Force of Broward
County 954-467-4700 x 5807
> Pediatric Associates Foundation www.pediatricassociatesfoundation.org
> Water Smart Broward www.watersmartbroward.org
> Children’s Service Council of Broward County www.cscbroward.org
954-377-1000
> 2-1-1 Broward ■
Pwogram Water Smart Broward se yon kolaborasyon ant “Children’s Services Council of
Broward County, Pediatric Associates Foundation” ak “Florida Department of Health in
Broward County”. Pou plis ransèyman sou jan y ap travay pou yo redui sou valè aksidan
kote timoun 1 an a 4 an neye nan tout minisipalite Broward County yo, ale sou sit wèb
www.watersmartbroward.org.
Pwen konpresyon an
Apre chak konpresyon – Kite
pwatrin nan tounen nan
pozisyon nòmal li anvan ou
fè yon lòt konpresyon
Metòd
Pouse desann dwat
Pwofondè konpresyon
sou pwatrin nan
Bay souf ki lakòz pwatrin nan
moute 2 souf pou chak souf
dire 1 segonn
Rapò konpresyon-souf
Rapò konpresyon an se
omwen 100 pa minit pou
nenpòt moun nenpòt laj
Tibebe
Jiska 1 an
De dwèt nan
mitan pwatrin
nan
Egzakteman
anba mak tete a
Anviwon 1
pous edmi
Byen kole bouch ou
sou nen tibebe a ak
bouch li ansanm,
ba li 2 souf
30:2
30 konpresyon
2 souf
Timoun Ant
1 an rive 12 an
Baz yon men nan
mitan pwatrin
nan – sèvi ak de
men pou pi gwo
timoun
Nan pati mwatye
anba zo lestomak la
Anviwon 2 pous
Kole bouch ou
sou bouch li epi
bouche nen li, ba
li 2 souf
30:2
30 konpresyon
2 souf
Timoun 12 an
Rive sou granmoun
Baz yon men nan mitan
pwatrin nan ak lòt men
an sou men k ap fè
konpresyon an
Nan pati mwatye anba
zo lestomak la
Anviwon 2 pous
Kole bouch ou sou
bouch li epi bouche
nen li, ba li 2 souf
30:2
30 konpresyon
2 souf