Care

Pran tout ransèyman sou gadri kote ou bay gade pitit ou a
Kote ki fè n jwenn ransèyman sa yo se: Florida Department of Children and Families, Office of Child Care Regulation and Background Screening
Tou gadri ki gen pèmi pou yo okipe timoun dwe
ranpli omwen kondisyon preliminè daprè lwa Eta
Florid s. 402.305, F.S., ak chapit lwa 65C-22,
F.A.C. Lis bagay ki make la yo ak yon pakèt lòt
ankò reprezante bagay nou jwenn nan lwa sa yo:
☐ Yon pèmi valid ki afiche yon kote pou tout paran
kab wè l.
☐ Yo fè tout ankèt ki nesesè sou tout anplwaye yo.
☐ Machin pou transpòte timoun an bon eta (si
gadri a gen mwayen transpò pou timoun yo).
☐ Bay paran yo tout detay sou papye sou fason yo
disipline timoun nan gadri a.
☐ Kite paran yo rantre nan lokal la pandan gadri a
ap travay.
☐ Toujou genyen valè anplwaye parapò a kantite
timoun yo:
Laj timoun yo Valè timoun pou chak pwofesè
Tibebe 4:1
Timoun 1 an 6:1
Timoun 2 an 11:1
Timoun 3 an 15:1
Timoun 4 an 20:1
Timoun 5 an ak sa ki pi gran 25:1
Egzijans ki gen rapò ak sante
☐ Pwosedi ijans ki mande bagay sa yo:
• Afiche nimewo telefòn ajans Florida Abuse
Hotline pou moun rapòte abi yo fè sou
timoun ansanm ak nimewo telefòn pou tout
ka ijan.
• Genyen anplwaye ki resevwa fòmasyon
sekouris ak reyanimasyon pou timoun piti
nan lokal gadri a tout tan.
• Yon bwat premye swen ki toujou gen tout
bagay ladan.
• Bonbòn pou touye dife ki mache epi dokiman
ki montre yo fè antrènman ak timoun yo ak
anplwaye yo chak mwa pou montre yo sa yo
dwe fè sizoka ta gen dife.
☐ Yo mete medikaman ak pwodui ki danjere kote
timoun pa kab lonje men pran yo.
Egzijans fòmasyon
☐ Fòmasyon 40 èdtan sou entwodiksyon swen timoun.
☐ Fòmasyon 10 èdtan chak ane pandan anplwaye a
ap travay.
☐ Modil 0.5 pwolongasyon edikatif fòmasyon leta
apwouve oubyen 5 èdtan fòmasyon nan lekti pou
timoun piti ak devlopman lang.
☐ Rekonesans Direktè pou tout direktè sant gadri.
Manje ak Nitrisyon
☐ Afiche meni manje ak ti goute ki fè kò timoun yo
jwenn nitrisyon yo bezwen chak jou (si gadri a
bay timoun yo manje).
GADRI POU TIMOUN
Rantre done nan dosye
112 Si gen moun ki vle fè reklam avè nou, telefone 1.888.708.5700 ext 12.
☐ Mentni rejis egzak ki gen:
• Dosye egzamen medikal timoun yo oubyen kat
vaksen yo.
• Dosye medikal.
• Enfòmasyon enskripsyon.
• Dosye anplwaye yo.
• Prezans ak absans chak jou.
• Aksidan ak ensidan.
• Pèmisyon paran bay pou timoun al nan joune,
pèmisyon pou gadri a bay timoun medikaman.
Anviwònman lokal la
☐ Mentni ase espas atè anndan lokal la ki kapab
sèvi pou timoun jwe, travay e fè ti kabicha.
☐ Ofri yon kote ki pwòp ki pa gen okenn fatra ak lòt
danje.
☐ Mete ase ekleraj ak bon tanperati anndan lokal la.
☐ Mete jwèt ki bon pou laj timoun yo ak jwèt ki
bon pou nivo devlopman yo.
☐ Mete twalèt ki fèt pou timoun ansanm ak ban ak
tab ki fèt pou timoun.
☐ Prepare kote apa pou mete timoun ki santi yo
malad.
☐ Fè egzèsis lave men, egzèsis twalèt, ak egzèsis
chanje kouchèt.
Bon jan gadri pou timoun se kote ki fè timoun
mennen aktivite ki bon sou plan sante, sou plan
sosyal e edikatif pandan moun ki kalifye ap
sipèvize yo nan yon anviwònman ki an sekirite, ki
atiran e ankourajan.
Timoun ki nan anviwònman kon sa, pran pa nan
aktivite ki fèt chak jou, ki bon pou laj yo epi ki
devlope ladrès ki pi enpòtan lakay yo, ki fè yo aprann
vin endepandan epi ki ede yo aprann respekte tèt yo.
Lè n ap evalye nivo kalite travay yon sant gadri pou
timoun, fò n konsidere aspè sa yo:
Bon jan aktivite
☐ Se aktivite timoun yo kòmanse epi gen pwofesè
ki la pou ede yo.
☐ Se aktivite kote tout timoun gen posiblite pou
youn jwe ak lòt.
☐ Se aktivite kote timoun esprime lide yo nan fè
teyat, pentire, desine, rakonte istwa, jwe mizik,
danse, ak divès lòt aktivite.
☐ Se aktivite ki gen egzèsis ak devlopman
kowòdinasyon mouvman kò a.
☐ Se aktivite kote timoun yo fè jwèt yo vle epi pran
pa nan aktivite ki òganize.
☐ Se aktivite ki bay tout timoun okazyon pou yo fè
lekti, kreye kèk bagay, chèche konn nouvo bagay,
epi rezoud pwoblèm.
Bon jan gadò timoun
☐ Se moun ki amikab epi ki renmen okipe timoun.
☐ Se ki moun asepte moun diferan kilti, diferan
gwoup etnik.
☐ Se moun ki akeyan, ki gen konprann, ki
ankourajan, epi ki kab remake sa chak
timoun bezwen.
☐ Se moun ki gen bon bouch epi ki mete timoun
yo chita sou li tanzantan, anbrase yo epi pale
avè yo.
☐ Se moun ki ede timoun kontwole tèt yo yon
fason ki pozitif, ki kab ede yo, epi san l pa
kraponnen yo.
☐ Se moun ki pèmèt timoun jwe pou kont yo
oubyen an ti gwoup.
☐ Se moun ki toujou pòte atansyon epi ki toujou
jwe oubyen pale ak timoun yo.
☐ Se moun ki bay timoun yo aktivite ki
ankourajan, enteresan, e edikatif.
☐ Se moun ki montre li konprann sa timoun
bezwen sou plan sosyal, sou plan emosyonèl
epi ki konprann sa timoun kab fè dapre laj yo.
☐ Se moun ki kominike ak paran.
Bon jan anviwònman
☐ Se kote ki pwòp, ki pa gen danje, ki atiran,
konfòtab, epi ki fèt pou timoun.
☐ Se kote timoun kab al pran jwèt ki bon pou laj
yo byen fasil.
☐ Se kote ki espoze travay timoun fè ak aktivite y
ap mennen.
☐ Se kote ki san danje ki pèmèt tout timoun
aprann vin endepandan ofiamezi.
Wòl paran an
Wòl yon paran enpòtan anpil pou bon jan gadri:
☐ Poze kesyon sou kalifikasyon ak esperyans
anplwaye yo, epi mande ki valè anplwaye ki
kite travay la chak ane.
☐ Chèche konn règleman gadri a ak jan yo
fonksyone.
☐ Pale dirèkteman ak moun k ap pran swen
timoun yo.
☐ Al vizite gadri a epi chita obsève kouman yo
travay.
☐ Pran pa nan aktivite espesyal, nan reyinyon, epi
nan konferans.
☐ Pale ak pitit ou de aktivite li fè chak jou nan
gadri a.
☐ Fè aranjman pou lòt moun okipe timoun yo lè
yo malad.
☐ Pran tout ransèyman sou tout règleman gadri
dwe suiv pou yo kab ba l lisans li.
Men plis ransèyman ak lòt resous gratis:
MyFLFamilies.com/ChildCare ■