Care

Paj-sa-yo gen ladann enfòmasyon ki kapab enterese paran ak fanmi;
enfòmasyon ki konsènen lekòl piblik Broward County. Pou yon
enfòmasyon konplèt, lis lekòl ak depatman, tanpri vizite sit nou
www.getinvolvedineducation.com/parents, pou download (telechaje)
Gid pou Fanmi nan lekòl Broward (Parents’ Guide to Broward Schools).
KI JAN POU W ENSKRI PITIT-OU NAN LEKÒL
Ou dwe enskri pitit-ou pou li ale lekòl. Pou yon lis sa ou bezwen pou anwole pitit-ou
ak Fòm enskripsyon pou elèv (Student Registration Form), kontakte ofis responsab
enskripsyon (registrar) nan lekòl deziyen pou pitit-ou ale oswa download
enfòmasyon-an de sit Entènèt-la.
Distrik-la ofri nan sit Entènèt yon sistèm fasil ou kapab itilize pou pèmèt ou lokalize
lekòl ki deziyen pou pitit-ou ale. Sit-la founi enfòmasyon sou lekòl-la. Pou w konnen
nan ki lekòl pitit-ou dwe ale, baze sou adrès kay-ou, rele swa depatman Innovative
Programs Department nan nimewo telefòn 754-321-2480 oswa itilize school locator ki
an liy. Lè ou rele oswa lè ou vizite sit-la, bay non ri ekzakt ak adrès kote ou rete ak
klas (grade) pitit-ou ap kè kounyea pou nou ka detèminen nan ki lekòl pitit-ou dwe
ale. Kat jewografik ak delimitasyon tout zòn lekòl disponnib tou.
ATOMIC LEARNING
Atomic Learning bay trenning pou plizyè douzèn aplikasyon konpitè, elèv ak
pwofesè lekòl Broward County itilize chak jou. Atomic Learning ofri klas fòmasyon
nan Entènèt, baze sou sòfwè (lojisyèl) ki anseye pwogram konpitè. Titoryèl-yo kout,
fasil pou gade epi konprann; yo se yon bon resous ki kapab sèvi kòm trenning,
nenpòt kote, nenpòt lè. Pou pèmèt aksè nan sistèm-la, ID (non itilizatè - username)
ak yon modepas obligatwa.
SIVEYANS TIMOUN ANVAN AK APRE LEKÒL
(BEFORE AND AFTER SCHOOL CHILD CARE)
Siveyans timoun anvan ak apre lekòl (Before and After School Child Care - BASCC)
founi elèv-yo yon anviwonnman sekirize, ki favorize devlopman epi ki konfòtab. BASCC
pwomouvwa yon pwogram anrichisan ki enkli devlopman fizik (kò), devlopman
entelektyèl, emosyonnèl ak sosyal. Swa School Board (Komisyon eskolè) oswa founisè
prive administre pwogram-yo nan lekòl-la menm.
Nan pwogram Before and After School Care, timoun-yo gen opòtinite pran yon goute
(snack), fè devwa-yo avèk asistans, epi patisipe nan plizyè aktivite ki prevwa. Aktiviteyo
enkli amelyorasyon nan etid, sesyon sou teknoloji, jwèt kreyatif ki angaje imajinasyon
oswa teyat, aktivite deyò pou kenbe elèv-yo anfòm (fitness), ak opsyon yon lòt
pwogram aktivite elèv-la lib chwazi. Yo bay timoun-yo swen ak atansyon chak jou
lekòl-la louvri, ak jou lekòl lage bonnè.
Lè se School Board k’ap administre yon pwogram, chak fanmi ap peye $163.00 pou
chak tan pou yon total nèf peman. (Montan total pou peye diferan selon si se yon
lekòl ki fonksyonnen tout lanne oswa yon lekòl ki lage apre dezè nan lapremidi - 2:00
p.m.) Yo asepte peman alavans pou sèvis founi e fanmi dwe peye nan dat echeyans.
Tarif pwogram Founisè prive administre kapab pa menm ak tarif School Board men yo
pa kapab depase tarif School Board plis pase 20%.
Si ou pa peye atan, yo kapab retire elèv-la nan pwogram-nan. Yo kapab egzante yon
elèv peye kèk frè baze sou elijibilite-li. Tanpri kontakte lekòl pitit-ou pou plis ransèyman.
BROWARD ENTERPRISE EDUCATION PORTAL (BEEP)
Broward Enterprise Education Portal (BEEP) se yon “digital doorway”, pòtay edikatif
ki ofri resous pou ansèyman ak aprantisay. Paj Entènèt BEEP bay paran, elèv,
pwofesè ak administratè lekòl piblik Broward County, yon pwen aksè an liy, inik epi
sekirize, ki pèmèt yo jwenn enfòmasyon ajou epi apwopriye, sou akonplisman elèv,
pèfòmans akademik, ak meyè pratik nan domenn pedagojik.
Parent Portal – Pòtay pou Paran
BEEP Parent Portal bay paran enfòmasyon sou politik ak regleman lekòl, enfòmasyon
sou tès evalyasyon pou elèv, kondisyon nesesè pou yon elèv diplome, kalandriye
anyèl pou tès, sèvis Virtual Counselor, ak piplis ankò.
Student Portal – Pòtay pou elèv
BEEP Student Portal bay elèv-yo aksè nan materyèl preparasyon pou tès, aksè nan
zouti sòfwè (lojisyèl), aksè nan Virtual Counselor, ak lòt resous itil. Pou yon elèv
kapab itilize Student Portal, li dwe gen swa yon non itilizatè (User ID) oswa yon
nimewo idantifikasyon pou elèv (Student Number) ak yon modepas (password)
oswa dat nesans (birth date).
Rechèch ak èd pou devwa
Sou paj Entènèt BEEP Student Portal, elèv-yo kapab klike sou lyen pou yo ka fè
rechèch epitou klike sou resous ki kapab ede-yo nan devwa-yo. Elèv-yo kapab
konsilte an liy bibliyotèk referans tankou diksyonè an liy, ansiklopedi epi baz
donne; elèv-yo kapab klike sou lyen pou yo ka fè lekti jounal an liy, revi, ak yon
katalòg tout liv ak materyèl odyovizyèl disponnib nan lekòl Broward County.
BROWARD VIRTUAL SCHOOL
Lekòl ansèyman adistans, Broward Virtual School (BVS), ofri yon opòtinite inik pou
abandone metòd ak sistèm aprantisay konvansyonnèl. BVS ofri elèv k’ap fè klas
Kindègadenn rive douzyèm anne (Grades K-12) anwolman aplentan avèk yon
sistèm edikatif an liy. BVS se premye pwogram enstriksyon an liy, ki otorize
fonksyone nan lekòl piblik Broward County. BVS ofri aksè egal nan edikasyon
endividyalize, bon kalite, alèd Entènèt epi lòt teknoloji ki ofri ansèyman adistans.
Elèv-yo gen fleksibilite aprann, nenpòt kote yo vle. Yo kapab menm pran diplòm
ayeskoul-yo antyèman an liy. Depi lane 2001, BVS anseye anpil elèv nan
Broward County.
CAREER, TECHNICAL ADULT & COMMUNITY
EDUCATION (CTACE)
Career, Technical, Adult and Community Education (CTACE) fè pati lekòl piblik
Broward County. Elèv k’ap fè klas sizyèm rive douzyèm anne (Grades 6-12) kapab
anwole nan Pwogram Career, technical adult & community education (karyè,
teknik, edikasyon pou adilt ak kominote). Elèv-yo kapab chwazi pami plis pase
100 pwogram, avèk preske 400 klas endividyèl, nan 16 Career Clusters.
Elèv ki konplete yon Pwogram CTACE, selon definisyon depatman Edikasyon Leta
Florid adopte, gen opòtinite diplome avèk sètifikasyon endistri. Diplome avèk
sètifikasyon ke endistri apwouve, ogmante opòtinite pou jwenn djòb ak
avansman potansyèl nan cheminman karyè yon elèv chwazi. Pou li ka diplome ak
yon sètifikasyon endistri epitou pou yo akòde li yon deziyasyon sou diplòm
ayeskoul li, yon elèv dwe konplete epi pase tout konponan tès evalyasyon,
endistri apwouve.
COLLEGE ACADEMY
College Academy (CA), Kolèj akademi nan Broward College se yon
patenarya ant lekòl piblik Broward County ak kolèj Broward College (BC). Elèv
ki ale nan CA@BC k’ap chèche obteni yon diplòm (degree), elèv ki anwole
aplentan nan de lekòl, yo va konplete de dènye anne ayeskoul-yo,
anmenmtan yap pran yon diplòm Associates of Arts degree nan BC.
Pwogram anwolman doub nivo kolèj se yon pwogram strik. Elèv k’ap swiv
pwogram-sa-a dwe gen ase matirite pou viv sou kanpis kolèj, disiplin pou byen
itilize tan yo, epi abilte akademik pou afwonte difikilte klas kolèj. Elèv-yo pap
peye anyen pou ekolaj, frè, ak liv.
PWOGRAM POU TIMOUN PITI
(EARLY CHILDHOOD PROGRAMS)
Se ak fyète Broward County Public Schools ofri pwogram ansèyman timoun piti
ak pwogram preskolè pou ti elèv nou yo ki pi piti pou satisfè bezwen yo ann
edikasyon ak devlopman nan yon anviwònman ki san danje epi ki ankouraje
devlopman. Men ki pwogram Depatman Edikasyon timoun piti (Early
Childhood Education Department) ofri: Early Head Start, Head Start ak
pwogram Voluntary Pre-Kindergarten.
OFIS ESOL PARENT OUTREACH OFFICE
Depatman ESOL pran angajman founi pwogram akademik strik, pwomote
patisipasyon kominote, epi delivre sèvis bon kalite pou elèv k’ap aprann
lang angle (English Language Learners) ak fanmi-yo. Ofis ESOL Parent
Outreach Office founi paran bileng, elèv ESOL ak òganizasyon kominotè,
sèvis konsa fanmi bileng kapab entegre mye nan lekòl ak nan kominote-yo.
Vizite sit wèb ESOL Distrik-la oswa kontakte depatman ESOL nan nimewo
telefòn 754-321-2977
ENFÒMASYON SOU LEKÒL LETA NAN BRAWÒD
92 Reklam 1.888.708.5700 ext 12