Jiilt'an Maya Itza

uk’ab’etkuntik uyantal una’at ukäxtik ujajil a’ t’an. Uk’ab’et xan ti max ukäxtik
b’a’ax uk’a’ti wale a’ t’an, ti uyan tan tu’ux ukäxtoo’ t’anil umeyajoo’ uk’atoo’,
b’ay menb’el Tojt’an ti ka’ t’an b’ay t’an uma’lo’il ich t’an Itza’.
A’ meyaj je’la’ uka’aj utz’a’ umuk’ ti uwach’il a’ t’an b’ay ti a’ paaloo’ej,
xi’paaloo’ b’ay a’ winikoo’ ti’ tulakal a’ kajiloo’ kuyutzkintik a’ kajiilt’an Itza’ etel
tulakal max umeyaj ti a’ ka’ansajil ka’ t’an. Kiwa’lik a’ jiilt’an a’ patal kiwilik
b’ay junjiil tojt’an, up’ätajo’on kinoolajoo’ kinoloo’.
Kitzikb’altik ti upusik’al ka’an ti upusik’al lu’um yok’lal up’ätajo’on kipatal
ujo’mol a’ meyaj je’la’, ti tulakal a’ makoo’ej utz’ajoo’ umuk’ yok’lal ujok’ol
taanil a’ tojt’an, ti ukäxb’äl pektzilil ti a’ ixnukoo’ etel ti a’ chämachoo’ ti a’ kaj,
b’aylo’ xan kitz’iib’oltik ti’ tulakal max uyutzkintik a Junta Directiva ti’ ukajil
xokt’an Maya Itza’ b’ay ti unojoch polil ti’ K’ulb’il Yol Twitz Paxil.
SINTITUL-8 8
08/07/2004, 08:22 a.m.