KULTURAREN EUSKAL PLANA - Euskara - Euskadi.net

2.1. AMIA ANALISIA DIAGNOSTIKOA EGITEKO
AMIA analisi deskribatzaile hau egiteko, laburtua eta orokorra, azpisistemen balio katearen araberako azterketa
xeheak hartu dira oinarritzat. Azpisistema horiek, era berean, lantaldeetan zehaztutako sektorekoenen
laburpenak ziren, eta erantzukizuna lantalde horiena bakarrik zen. Horrenbestez, edukietan koherentzia
mantentzeko eta edukiekiko konpromisoari eusteko, Kulturaren Euskal Kontseiluko Batzorde
Iraunkorrak analisiak hobetu zituen eta ondorioak, gutxi gorabehera eta orokorrean, bere egin zituen, xehetasun
kritiko guztiak nahitaez bere gain hartu gabe, nahiz eta, gardentasun ariketa batean, bere horretan
utzi diren.
Kulturari oro har —hiru azpisistemen sintesi gisa— eta azpisistema bakoitzari (ondarea, artea eta kultur industriak)
AMIA analisia (Ahuleziak, Mehatxuak, Indarguneak eta Aukerak) aplikatzeak hainbat abantaila
ematen digu: barne izaerako (indarguneak eta ahuleziak) zein kanpoko testuinguruko (aukerak eta mehatxuak)
faktore positiboz eta negatiboz osatutako argazki panoramiko moduko bat eratzen baita, guztiz
adierazgarria, hautespen eta hierarkizazio handiagoa eskatuko lukeen diagnostiko doi bat baino areago.
Diagnostikoan jasotako informazio kopuru eskergaren gainean —sektoreen balantze orrialdeak 300 baino
gehiago ziren hasieran— egindako hautespen aski zorrotzak jarduera guztietatik ohikoena eta, Batzorde
Iraunkorraren iritziz, funtsezkoena nabarmentzen du, eta beharrezkotzat jotzen diren sektoreei buruzko
ohar partikular batzuk baino ez ditu biltzen.
Diagnostiko orokorra nolabaiteko ordenaz aurkezten da, azpisektoreen ordenaren oihartzun moduan: gizartea,
heziketa, sorkuntza edo babesa, sektoreetako ekoizpenak edo zaintza, balioespena, banaketa eta zabalkundea,
teknologiak eta politikak. Sektoreko eta azpisistemakako diagnostikoak —askoz aberatsago eta
zehatzagoak, eta balio katetik zorrotz deskribatuak— eranskin gisa eskuragarri daude webean.
EAE-KO KULTUR SISTEMA ERAGILEEN IKUSPEGITIK
31