KULTURAREN EUSKAL PLANA - Euskara - Euskadi.net

KULTURAREN EUSKAL PLANA
56
Alderdi hori hainbat norabidetan zehatz daiteke:
— Kultura politikatik bereizteko jarreran. Nortasunak ez du ideologiarekin korrelaziorik, nahiz kudeaketa
mailan izan. Desberdintze horrek, unean uneko aukera politikoetatik aparte, kultura bakar eta
forma anitzeko bat ahalbidetuko du, eta baita nortasun kontzientzia kolektibo partekatu bat ere,
gizarte-maila gehienetan behintzat, baita politikoaren eragina edota bortizkeriaren ondorioak nabarmen
sentitzen utzi direnetan ere.
— Nortasuna iraganaren, orainaldiaren eta izan nahi denaren emaitza gisa ulertzeko prozesuan. Horrela
hainbat gauza lortu nahi dira, hala nola:
• Ondareak berreskuratzea eta hauek ezagutu eta gozatzea. Horretarako Kultura, Etxebizitza, Industria
eta Hirigintza sailen parte hartzea behar da, eta baita Hezkuntza Sailarena ere, hain zuzen
ondarea bera eta duen historia ezagutuz geurearekiko estimazioa sendotzera begira.
• Ondareak balioztatzea, eskulangintza garatuz eta begirunez jokatzen duten turismo modalitateekin
lotuz.
• Gizarte bizitza aberats baten eta egungo euskaldunen modus vivendi desberdin eta hibridatuen
adierazle diren kultur adierazpenen alde egitea, hauexek baitira, azken batean, etorkizuneko
tradizioak sortuko dituztenak.
Maila horretan, EAErako helburuetako batzuk honako hauek lirateke:
— Herritarren kultur aniztasuna eta kultur adierazpen desberdinak babestea.
— Euskarak produktu, zerbitzu eta komunikazioetan duen erabilera lurraldeka eta orokorrean duen
batez besteko soziolinguistikoaren araberakoa izatea lortzeko ekintzetan; izan ere horrela, kasu
askotan, saihestu egingo da kultur jarduerak erabileren eta hizkuntza normalkuntzaren prozesuan
dagoeneko badiren programen atzetik joatea, edo are okerrago dena, horientzat guztientzat
oztopo izatea.
• Komunikabideetan:
– FMko emanaldietan euskal musikaren —instrumentala edo zeinahi hizkuntzatakoa— presentzia
musika-programazio osoaren %10 izan dadin lortzea, FM digitalerako bidea erraztuz.
– Irratiko euskarazko emisioen ehunekoak batez besteko soziolinguistikoetara hurbiltzea. Uhin
zein baliabide digital bidezko telebista lokalek/lurraldekoek ildo bereko konpromisoak beregana
ditzaten lortzea, bai bere produkzioan bai euskarazko emanaldietan.
– Euskarazko prentsa edo artikuluen irakurketa-kuota hobetzea, urte batzuk barru % 10era
helduz prentsako irakurketa-mailari dagokionez.
• Kultur produktu eta zerbitzuetan:
– Eskaintzarako bermeekin jarraitzea eta hobetzea, argitalpenetan, musika, antzerki edo zine
ikuskizunetan, eta kultur sorkuntzan oro har eta bereziki euskaraz egiten direnean.
– Kultur, biblioteka, museo... zerbitzuek bere arretarako sistema hobetzea eta euskarazko arretarako
eskubideari gero eta berme gehiago eskaintzen jarraituko dutela ziurtatzea.
3.1.3.4. Modernizazioa
Modernizazioaren aldeko apustuak alderdi hauek ditu: kultur joera berriei arreta berezia eskaintzea; estetika
berrietarako heziketa; beste kultur latitude batzuekiko eta barne aniztasunarekiko komunikazio irekia;
eta esperimentazio, sorkuntza, produkzio, zabalkunde eta komunitatearen kultur garapenean teknika, formatu
eta teknologia berriak erabiltzea.
Informazioaren eta komunikazioaren teknologia berriei loturiko azken alderdi honi dagokionez, ondoko
hau egin beharko litzateke:
— Teknologia berrien erabilera bultzatu artea eta ondarea balioztatzeko lanean.
— Teknologia horien bidezko sorkuntza-esperimentaziorako espezializazioaren aldeko apustua egin.
— Kultur agente eta enpresen teknologi ekipamendua berritu.
— Euskararen garapen eta zabalkunderako aplikazio teknologikoetan sakondu.
— Kultur berrikuntza lurralde zein toki mailako garapen ildoei lotu.
— Beste herrialde batzuetako eragileekin sareko kultur proiektuetan parte hartu.