KULTURAREN EUSKAL PLANA - Euskara - Euskadi.net

KULTURAREN EUSKAL PLANA
36
2.1.2. Aukerak
KULTUR SISTEMA AUKERAK
• Herrialde txikia izan arren, bere ezaugarriak direla eta tarteko tokia izan dezake Europan, baina
horretarako kalitatea, zinezkotasuna, ideien produkzio arretatsua eta kanpo merkatuetan espazioak
bilatzea erabakigarriak dira arte plastikoetarako, musikarako eta eszena-arteetarako, edizio,
musika, ikus-entzunezko eta multimedietarako bezalaxe.
• Euskal kultur esparrua deskribatzen duten estatistiken bilduma zehatza eskuratu behar da, kulturaren
behatoki baten bidez.
• Internetek zabalkunderako erakusleiho gisa dituen aukerak erabili beharko lirateke gure literatur
eta eszena sistema, arte plastikoena... eta liburuak, musika, ikus-entzunezkoak eta multimedia
materiala beste merkatu batzuetan saldu eta esportatzeko. Informazio-sare berrien balioa
gero eta nabarmenagoa da, Euskadiren eta euskararen presentzia eta ospea bultzatzeko eta nazioartean
ezagutarazteko.
• Uneren batean sarea ukitzen duten eskaintza berrietan, badirudi komunikazio masibo samarra
ezartzen dutenak ditugula nagusi; horrelakoetan komunikazioa zatikatua da, interaktibo samarra,
ez derrigorrean aldi berekoa, eta gustu, denbora eta erosteko ahalmenaren arabera antolatua.
• Euskal produktu kulturalentzako sustapena oinarrizkoa da, erabiltzaileen ordaintzeko jarrera
eta ahalmen ekonomikoa oinarrizkoak diren bezala.
• Etorkizunera begira indarturik ageri diren kultur erabilera sozialak honako hauek dira: ikus-entzunezkoa,
musika, pantailako irakurketa laburra, informazioaren berrerabilpena eta nahasketa,
esperientzia aktiboak, kultur irteerak... Beste kontu bat da sustapena funtsezko elementua izatea,
bai euskal kultur produktuentzat bai erabiltzaileak ordaintzeko eta baliabide ekonomikoak
horretarako bideratzeko prest egon daitezen.
• Egin dira mestizaje diskografikorako esperientzia onartuak —zinematografian ohiko kontua izan
da—, halako kultur aniztasun baten adierazpen gisa, eta gurearen antzeko arazoak dituzten beste
kultura batzuekiko truke akordio globalak ere egin daitezke.
• «Euskadi Informazioaren Gizartean Planean», behar-beharrezkoa da ondarearen, arteen eta kultur
industrien aldaera guztien garapenerako ildo bati jarraitzea.
• Eduki digitalak, funtsean, testuan eta ahozko hizkeran oinarritzen dira. Guk abantaila dugu
prestakuntzan eta hizkuntzalaritza arloko jakintzetan (edukien kudeaketa, ontologiak, indexazioa,
etab.). Herrialde elebiduna gara, eta oinarri profesionala eta eskarmentua badugu hizkuntzaren
industrien/teknologien hainbat arlotan nazioarte mailan lehiatzeko moduan lan egiteko
(aplikazioak, hiztegi elektronikoak eta beste), bai euskararen bidez baita beste hizkuntza batzuen
bidez ere.
• Aukerak sortzen dizkigun elementutzat hartu behar dugu euskara, orokorrean horrelaxe baita
alderdi askotatik begiratuta, hala nola kulturan, ekoizpenean, merkatu propioari begira, hizkuntzaren
teknologiari dagokionez... Elebitasunak itzulpena errazten du, eta euskal enpresei kanpoarekiko
hartu-emanak izaten eta etxeko merkatuan toki egokiak eskuratzen laguntzen die. Sortzaile
berrietako askok bere lana euskaraz egiten dutenez, literatur eta musika funtsak
handiagotzeko aukera sortzen da, oraindik ere airean dagoen «Zinea Euskaraz» kontuari heltzeko
bezalaxe.
• Masiboa izan gabe hazten ari den kultur turismoarekin lotutako potentzialtasunak ere badira.
• Eusko Jaurlaritzak ikus-entzunezkoen esparrua estrategikotzat jotzean zabaldutako bideak
(Ikus-entzunezkoen alorraren liburu zuria) aukera ematen du kulturaren beste esparru batzuetan
arian-arian sustapen-ildo berriak garatzeko.