KULTURAREN EUSKAL PLANA - Euskara - Euskadi.net

Koordinazio bertikalari dagokionez, lege aginduz Eusko Jaurlaritzari dagokio euskal kultur ondarearen babeserako
eskumena, eta foru aldundiei, berriz, ondare horren kontserbazioa eta zaharberritzea. Era berean,
joera orokor samar batzuk ikusten dira, arteen eta kultur industrien arloan eginkizunak banatzeko; hala,
Eusko Jaurlaritzari sarriago egokitzen zaizkio ekoizpena bultzatzera eta jarduera profesionala
sustatzera bideratutako jarduerak; eta foru aldundi eta udalei, aldiz, erakusketarekin, kultur eskaintzarekin
eta kultur jarduera amateurrari laguntza ematearekin lotuak.
Koordinazio horizontalak jarduera propioak eskatzen ditu hizkuntza politika, zerga politika, finantza politika,
hezkuntza, industria, turismo eta kanpo ekintzan, besteak beste.
Kulturaren Erakundearteko Batzordea definizio estrategikoko erakundetzat planteatzen da, eta besteak
beste honako eginkizun hauek izango ditu:
a) Kultur politika publikoak koordinatzea, batik bat erakundearteko artikulazioari eta estrategia, ekonomia
eta prestakuntza alderdiei dagokienez.
b) Bere kideek proposaturik eskatzen zaizkion erabakiak hartzea. Eusko Jaurlaritza, foru aldundiak
eta udalak izango ditu kide.
c) Batzordearen jardueren urteko txostena prestatzea.
Erakundearteko Batzordeak Lan Batzorde Tekniko baten laguntza izango du, eta berorretan Erakundeartekoaren
kideen ordezkaritza teknikoa egongo da. Horretaz gain, bere eginkizunak gauzatzeko unean Kontseiluko
adituen aholkularitza izango du.
4. Kultur erakunde espezifikoak
Planaren hiru egitura-erakundeak abian jartzeak erakundeen egokitzea ekarriko du. Hala, datozen urteotan
zehar oso eragin handia izango duten hiru erakunde espezifiko aztertu beharra sortuko da. Hona hemen
erakundeak zein diren: Arte eta Kultur Industrien Institutua, abiatuta dagoen Ikus-entzunezkoen Erakundearteko
Batzordea (CIVAL) eta Ikus-entzunezkoen Clusterra (CIVALek garatu beharrekoa).
Arte eta Kultur Industrien Institutua kudeaketa erakunde bat da. Oraindik aztertu eta zehaztu beharrean
daude erakunde horren bideragarritasuna eta eredua; lan horiek 2005erako aurreikusita daude. Helburua
erakartze lana eta arteen egoera hobetzea da, eta bide batez kultur industrietaranzko halako zabaltze argi
bat zertzea, lehiakortasunaren ildotik joz. Lehen hurbilketa batean, honako eginkizun hauek emango litzaizkioke:
a) Laguntza teknikoa ematea kulturaren arloen garapenari.
b) Arte eta kultur produkzioaren sustapena eta bultzada.
c) Laguntzak banatzeko irizpideei buruzko eztabaida.
d) Barne kooperazioaren sustapena eragile pribatu eta publikoen artean.
e) Eragileen artean informazio erabilgarria banatzea.
f) Euskararen sustapena.
g) Azterlan eta prestakuntzarako garapenerako proposamenak.
h) Sektorea aldaketa teknologikoetara moldatzeko prozesuaren jarraipena.
5. Kultur politika espezifikoak
Planaren hiru egitura-erakundeak abian jarririk, etorkizuneko kultur erakunde espezifikoak eta politika espezifikoak
bideragarriak izateko zein horrelakoak abian jartzeko pausoak egingo dira. Proposamen horiek
Planaren 10 ardatz estrategikotan garatuko dira, politika publiko bereizi gisa. Hona politika horiek
laburturik:
— Erakundearteko eta eragileekiko koordinazio politika.
— Kultur sustapen eta zabalkunde politika, gizarte-irisgarritasuna eta eskaintza ziurtatzeko.
— Esparrura egokitutako industri politika.
— Finantzaketa politika, aurrerapen itzulgarriez, lerro bigunez eta arrisku-kapitaleko sozietateen bidez.
— Zerga politika pizgarria, dohaintzak eta kapitalak kultur esparrura hel daitezen.
KULTURAREN EUSKAL PLANA 2007 ARTE 2015 ARTEKO JARRAIBIDEEKIN
61