Inhoud

WES-KAAPSE DEPARTEMENT VAN LANDBOU
BEGROTINGSPOS 11
VERSLAG VAN DIE REKENINGPLIGTE BEAMPTE
vir die jaar geëindig 31 Maart 2011
sy navorsings pogings in die landbousektor vervul, word in die jongste LWTA-verslag (LWTA: Landbouwetenskap-
en Tegnologieaanwysers)(Desember 2010) erken. Die verslag stel dit duidelik dat die navorsingsprogram van die
Departement wat betref navorsingsvermoë en produktiwiteit die sterkste is as dit met die ander 8 provinsies en hul
navorsingspogings vergelyk word.
Die Buro vir Voedsel- en Landboubeleid se Basislynbekendstelling is in Augustus 2010 vir die eerste keer
in die Wes-Kaap gehou. By die byeenkoms was ook betrokke verteenwoordigers van die Voedsel- en
Landboubeleidsnavorsingsinstituut (VLBNI) in die Verenigde State van Amerika en die Voedsel- en Landbou-organisasie
(VLO) in Rome en ook Agribenchmark in Duitsland. Hierdie geleentheid het meer as 150 afgevaardigdes uit die landbou-
en landboubesigheidsektor in die Wes-Kaap gelok. Die byeenkoms is ’n jaarlikse inligtingsdisseminasiesessie waar
ontledings van toekomsbeleid en markscenario’s, met inbegrip van die impak op plaas- en firmawinsgewendheid,
aangebied word. Die ontleding fokus op die groot nywerhede in die Wes-Kaap, met inbegrip van koring, gars,
aartappels, suiwelprodukte, vleis, wyn, tafeldruiwe, appels en pere.
Die Agropark-seminaar was ’n geleentheid wat in Augustus 2010 in samewerking met Wesgro en die Nederlandse
ambassade georganiseer is. Die seminaar het gehandel oor die uitpak van die agropark-konsep as een van die
verwagte haalbare uitsette van die Omvattende Landelike-ontwikkelingsprogram. Die kundiges van Wageningenuniversiteit,
sleutelbelanghebbendes in die landbou en die landboubesigheidsektor op sowel nasionale as provinsiale
vlak, en sleutelspelers in landelike ontwikkeling was onder die afgevaardigdes. Die geleentheid het meer as 100
afgevaardigdes gelok en begrip verskaf van die konsep vir moontlike implementering in die Wes-Kaap.
Die konferensie van die Afrika-vereniging vir Landbou-ekonomie is in September 2010 in samewerking met die
Landbou-ekonomie-vereniging van Suid-Afrika in die Wes-Kaap gehou. Die konferensie is deur nagenoeg 407
mense uit 34 lande bygewoon. Omtrent 114 referate is aangebied en 18 werksessies het plaasgevind. Daar is
besin oor kwessies waarvoor die vasteland van Afrika, met inbegrip van Suid-Afrika en die Wes-Kaap, te staan kom.
Die hooftema van die konferensie was die Voedsel- en Finansiële Krisis: die Pad Vorentoe, en is beïnvloed deur die
realiteite waarvoor die vasteland te staan kom.
Die Wes-Kaap-Boergondië-wynuitruilprogram het sy 10de bestaansjaar in Boergondië gevier toe ’n
hoëvlakafvaardiging van die Wes-Kaap Boergondië in Oktober 2010 besoek het. Deur hierdie program het 30 studente
en voorligtingspersoneellede in 2010 opleiding in Boergondië ontvang. Onder hulle was 7 studente in Wingerdbou
en die maak van wyn, 8 studente in vatbestuur en -instandhouding, 4 studente in wyn- en voedselparing, 4 studente
in die maak van kaas, en 7 landbouvoorligtingsbeamptes. Omdat hierdie program op wisselwerking gebaseer is, het
die Departement van Landbou: Wes-Kaap 22 rugbyspelers van die CFPPA in Boergondië, asook 8 Franse studente
in Wingerdbou en die maak van wyn vir 2 weke gehuisves. Hierdie program is in 2010 ook deur die Boergondiëstreekraad
geëvalueer, met ’n besonder gunstige en positiewe uitkoms vir die landbou-uitruilprogram.
Die seleksie van die 15 landelike ontwikkelingsnodes in die Wes-Kaap is in 2010 in ’n gesamentlike proses tussen
die Wes-Kaapse Departement van Landbou, DLOGH en munisipaliteite in al die landelike distrikte gefinaliseer.
Implementering het in 6 van die landelike ontwikkelingsnodes, te wete Oudtshoorn-munisipaliteit (Wyke 10 en 12),
Witzenberg-munisipaliteit (Wyke 1 en 6), Matsikamma-munisipaliteit (Wyk 2), Stad Kaapstad-munisipaliteit (Wyk 29),
Beaufort-Wes-munisipaliteit (Wyk 1) en Bitou-munisipaliteit (Wyk 4), in aanvang geneem.
’n Aanvoorprojek is van stapel gestuur om aan 45 deelnemende wingerdboere inligting oor die grondvoginhoud
van sekere wingerdblokke vir die huidige week te verskaf, asook ’n aanbeveling van die besproeiing wat nodig is
tydens die besproeiingseisoen van 2010/11. Die inligting is aangebied deur middel van ’n intydse webtuiste (www.
grapelook.co.za) wat op ons departementele bediener loop.
Die Program: OOB het ’n Eenheid vir Tegniese Bystand (ETB) tot stand gebring wat put uit die vermoëns van
eksterne en interne (binne die Departement) kundiges om omvattende assessering en beplanning van landbouondernemings
te verseker en aanbevelings te maak oor befondsingsversoeke wat aan die Departement voorgelê
word, gebaseer op die tegniese, omgewings-, finansiële, institusionele, maatskaplike en markinligting wat verskaf
word. Daar word voorsien dat hierdie eenheid sal bydra tot die sukses van hierdie Departement se pogings om
grondhervormingsplase in die Provinsie te ondersteun.
Die Subprogram: Voedselsekerheid binne die Program: OOB het sy doelwit oor die totstandbrenging van huistuine
(met inbegrip van huishoudingsverifiëring) en gemeenskapstuine, d.w.s. 784 huishoudings en 45 gemeenskapstuine
onderskeidelik, gedurende die verslagjaar oortref.
71