Inhoud

VERSLAG VAN DIE OUDITEUR-GENERAAL AAN DIE WES-KAAPSE PROVINSIALE
PARLEMENT OOR BEGROTINGSPOS 11: WES-KAAPSE DEPARTEMENT VAN LANDBOU
VERSLAG OOR DIE FINANSIËLE STATE
Inleiding
1. Ek het die bygaande finansiële state van die Wes-Kaapse Departement van Landbou (departement)
geouditeer; die state bestaan uit die begrotingstaat, die staat van finansiële posisie soos op 31 Maart 2011,
en die staat van finansiële prestasie, die staat van verandering in netto bates en die kontantvloeistaat vir
die jaar wat toe geëindig het, asook ’n opsomming van betekenisvolle rekeningkundige beleid en ander
verduidelikende inligting soos uiteengesit op bladsy 85 tot 137.
Rekeningpligtige Beampte se verantwoordelikheid vir die finansiële state
2. Die Rekeningpligtige Beampte is verantwoordelik vir die opstel van hierdie finansiële state in ooreenstemming
met die Departementele Finansiële Raamwerk vir Verslagdoening soos voorgeskryf deur die Nasionale
Tesourie, asook die vereistes van die Wet op Openbare Finansiële Bestuur van Suid-Afrika, 1999 (Wet 1 van
1999) (WOFB) en die Wet op die Verdeling van Inkomste van Suid-Afrika, 2010 (Wet 1 van 2010) (WVI), en vir
sodanige interne kontrole as wat die Bestuur bepaal wat nodig is ten einde die opstelling moontlik te maak
van finansiële state wat vry is van wesenlike verkeerde voorstelling, hetsy weens bedrog of foute.
Ouditeur-generaal se verantwoordelikheid
3. Soos vereis deur artikel 188 van die Grondwet van die Republiek van Suid-Afrika, 1996 (Wet 108 van 1996),
artikel 4 van die Wet op Openbare Oudit van Suid-Afrika, 2004 (Wet 25 van 2004) (WOO) en artikel 40(2) van
die WOFB is dit my verantwoordelikheid om op grond van my oudit ’n mening oor hierdie finansiële state uit
te spreek.
4. Ek het my oudit uitgevoer in ooreenstemming met Internasionale Standaarde oor Ouditering en Algemene
Kennisgewing 1111 van 2010 uitgereik in Staatskoerant 33872 van 15 Desember 2010. Daardie standaarde
vereis dat ek voldoen aan etiese vereistes en die oudit beplan en uitvoer ten einde redelike sekerheid te
verkry of die finansiële state vry van wesenlike verkeerde voorstellings is.
5. ’n Oudit behels die uitvoering van prosedures om ouditbewyse te bekom oor die bedrae en openbarings
in die finansiële state. Die prosedures wat geselekteer is, hang af van die ouditeur se oordeel, asook die
assessering van die risiko’s van wesenlike verkeerde voorstelling van die finansiële state, hetsy vanweë
bedrog of foute. By sodanige assessering van risiko oorweeg die ouditeur interne kontrole wat verband
hou met die entiteit se opstelling en billike weergawe van die finansiële state ten einde ouditprosedures te
ontwerp wat in die omstandighede toepaslik is, maar nie vir die doel van die uitspreek van ’n mening oor die
effektiwiteit van die entiteit se interne kontrole nie. ’n Oudit sluit ook in die evaluering van die toepaslikheid
van rekeningkundige beleid wat aangewend word en die redelikheid van rekeningkundige ramings wat deur
die Bestuur gemaak word, asook evaluering van die algehele aanbieding van die finansiële state.
6. Ek is van oordeel dat die ouditbewyse wat ek bekom het, voldoende en toepaslik is om te dien as basis vir
my ouditmening.
Mening
7. Na my mening bied die finansiële state in alle wesenlike opsigte ’n billike weergawe van die finansiële
posisie van die Departement soos op 31 Maart 2011, asook van sy finansiële prestasie en kontantvloei vir
die jaar wat toe ten einde geloop het, in ooreenstemming met die Departementele Raamwerk vir Finansiële
Verslagdoening voorgeskryf deur die Nasionale Tesourie en die vereistes van die WOFB en die WVI.
Ander sake
WES-KAAPSE DEPARTEMENT VAN LANDBOU
BEGROTINGSPOS 11
VERSLAG VAN DIE OUDITEUR-GENERAAL
vir die jaar geëindig 31 Maart 2011
8. Ek vestig graag die aandag op die sake hier onder vermeld. My mening is nie gewysig ten opsigte van hierdie
aangeleenthede nie:
83