Inhoud

Die visie van die Departement omvat sy verbintenis tot verantwoordelike omgewingsrentmeesterskap (in ewewig
met die natuur). Die toepassing van omgewingsbeheer vorm ’n integrerende deel van die manier waarop die
Departement sy bedrywighede verrig.
Met verwysing na King III en artikels 38 tot 40 van die Wet op Openbare Finansiële Bestuur, Wet 1 van 1999, wend
hierdie Departement ’n ekstra poging aan met die verantwoordelikhede van die Rekeningpligtige Beampte deur
middel van deursigtige stelsels, ’n Rekeningpligtigebeampte-stelsel vir verkryging en voorsiening, die invordering van
skulde met behoorlike beleid in plek, die beveiliging van bates, voldoening aan die voorskrifte van die jaarlikse Wet
op die Verdeling van Inkomste, oordragfondse aan ander entiteite slegs as behoorlike ooreenkomste geteken is en
behoorlike versekerings van hulle verkry is ten opsigte van effektiewe, doeltreffende en deursigtige finansiële stelsels
en bestuur, streng begrotingsbeheer, ’n waarde-vir-geld-beginsel, die hou van behoorlike rekords en verslaggewing
betyds en behoorlik – maandeliks, kwartaalliks en jaarliks.
9. GESTAAKTE AKTIWITEITE / AKTIWITEITE WAT GESTAAK MOET WORD
Geen aktiwiteite is gestaak nie.
10. NUWE/VOORGESTELDE AKTIWITEITE
Die DLOGH het vanselfsprekend besluit om landelike ontwikkeling na die provinsies te “desentraliseer” en het sekere
nodes in hierdie provinsies geïdentifiseer om op ’n geïntegreerde manier ontwikkel te word. Minister Nkwinti van die
DLOGH het al die Premiers van Provinsies besoek om hul samewerking te vra in die koördinering van hierdie poging.
Dit het saamgeval met ’n besluit geneem deur die Wes-Kaapse Provinsiale Kabinet om landelike ontwikkeling by te
voeg by die Provinsiale Minister van Landbou se portefeulje en ’n Hoofdirekteur is aangestel om stukrag aan hierdie
besluit te verleen. Sy hooftaak sou wees die koördinering van die ontwikkeling van geselekteerde nodes deur die
koördinering van die pogings van al drie regeringsfere en die skepping van gunstige toestande vir die private sektor
om geïnteresseerd te raak en te investeer.
Vyftien sulke nodes is tot 2014 in die Wes-Kaap geïdentifiseer. Met ses van hulle is ’n begin gemaak en hulle is
in verskillende stadiums van vordering, met Dysselsdorp naby Oudtshoorn die verste met die lyn af. So te sê al
die befondsing vir hierdie ontwikkelings kom van die DLOGH af. Die Departement stel die mensevermoë aan en
befonds dit en die eenheid se bedryfskoste.
Hierdie ontwikkeling het uitgeloop op die byvoeging van ’n nuwe agtste program in 2011/12 met die subprogram vir
Plaaswerkerontwikkeling wat na hierdie program verskuif is van die Program: OOB af.
11. BATEBESTUUR
Dit was die besluit van hierdie Provinsie om voort te gaan met LOGIS as die bateregister van departemente. Al die
bates van hierdie Departement word op LOGIS aangeteken en rekonsiliasies tussen LOGIS en BRS word maandeliks
deur die jaar uitgevoer.
Daar is ’n batebestuurseenheid afsonderlik van die Aanbodkettingbestuursafdeling wat bestaan uit vier persone onder
die bestuur van ’n adjunkdirekteur, en elke subafdeling het ’n aangestelde batekontroleerder of verantwoordelike
persoon. ’n Bekwame persoon is op kontrak aangestel om die Departement by te staan met die verbetering van sy
batebeheer en bestuur en om die Batebestuurshervormingsprosesse waarmee begin is, te bespoedig.
Na my beste wete voldoen hierdie Departement tans aan die minimumvereistes vir verslaggewing.
12. INVENTARISSE
WES-KAAPSE DEPARTEMENT VAN LANDBOU
BEGROTINGSPOS 11
VERSLAG VAN DIE REKENINGPLIGTE BEAMPTE
vir die jaar geëindig 31 Maart 2011
Raadpleeg bylae 6 van die finansiële state vir besonderhede oor inventarisse.
79