Galdandi stýrisskipan í Føroyum - Løgtingið

tingsvalinum, og at hesir persónar so á fólkatingi virka sum umboð fyri
sjónarmiðum løgtingsins.
Starv fólkatingsins
Fólkatingið viðger sbr. § 43 og § 45, stk. 1, í grundlógini uppskot til
skattalógir og fíggjarlógir, og eingin útreiðsla má haldast, uttan hon er
samsvarandi tí av fólkatinginum samtyktu og av kongi við kontrasignaturi
staðfestu fíggjarlóg, grundlógin § 46, stk. 2.
Fólkatingið hevur óbeinleiðis eftirlit við stjórnini vegna tess, at ein av
limum fólkatingsins kann seta ráðharra fyrispurning sbr. grundlógarinnar
§ 53. Er hann og aðrir fólkatingslimir ikki nøgdir við svarið, so
ber teimum til at seta fram misálitisváttan á ávísan ráðharra ella alla
stjórnina, so hon noyðist frá sbr. § 15, stk. 1, í grundlógini. – Á henda
hátt hevur fólkatingið óbeinleiðis ávirkan á stjórnina, men sjálvsagt
verður tað ikki ein og hvør smálutur í virki stjórnarinnar, sum fólkatingið
á henda hátt leggur seg útí.
Fólkatingið hevur ávirkan á uttanríkispolitikk Danmarkar við tað, at
sbr. grundlógarinnar § 19 krevst fólkatingsins samtykki fyri, at stjórnin
kann gera nakað, sum førir við sær, at ríkið verður økt ella minkað, ella
gera nakað, sum krevur fólkatingsins medvirkan fyri at verða útint.
Sama er, um millumlanda sáttmáli, sum gjørdur er við fólkatingsins
samtykki, skal avtakast.
Størsta arbeiðsbyrða fólkatingsins er sjálvsagt at samtykkja lógaruppskot,
sum eftir at verða endaliga samtykt av fólkatinginum eftir 3
viðgerðir, verða løgd kongi at staðfesta (við kontrasignaturi frá ráðharra).
Tá tær eru kunngjørdar, eru tær lóg og bindandi fyri allar
borgarar landsins. Lógir eru vanliga reglur av almennum slagi og kunnu
vera um øll viðurskifti; einasta avmarkingin er, at tær eru innan karmar
grundlógarinnar.
Ávís minnilutaverja er sett í grundlógini fyri virki fólkatingsins. Soleiðis
kann ein triðingur av øllum fólkatingsmonnum sbr. grundlógarinnar
§ 42, stk. 1, krevja, at endaliga samtykt lógaruppskot skal samtykkjast á
fólkaatkvøðu, áðrenn tað verður lagt kongi til staðfestingar. Uppskot
um fíggjarlógir, lánslógir, lønarlógir, skattalógir og lógir at útinna millumlanda
sáttmálar kunnu ikki krevjast til fólkaatkvøðu sbr. § 42, stk. 6.
Samtykt ognartøkulógaruppskot kunnu eftir somu reglum heldur ikki
leggjast til fólkaatkvøðu, men sbr. grundlógarinnar § 72, stk. 2, kann
staðfestingin av slíkum lógum verða útsett til eftir fólkatingsval.
At samtykkja mál á fólkatingi krevst, at helmingurin av fólkatings-
56