Galdandi stýrisskipan í Føroyum - Løgtingið

Størv og heimildir
Av § 6, stk. 1, í stýrisskipanarlógini, soleiðis sum hon er orðað við
løgtingslóg nr. 2 frá 03.01.1985, skilst, at øll uppskot, sum landsstýrið
leggur fyri løgtingið og annars allar týdningarmiklar atgerðir, skulu
viðgerast á landsstýrisfundi. Eftir § 8 í umboðsvaldslógini skulu hesar
avgerðir gerast av í kollegium. Er ikki semja, verður atkvøtt, og avgerðirnar
tiknar við vanligum atkvøðumeiriluta. Stendur á jøvnum,
førkar løgmansins atkvøða snarið.
Eitt øvugdømi (modsætningsslutning) av § 6, stk. 1, í stýrisskipanarlógini
førir við sær, at komið verður til ta niðurstøðu, at landsstýrismenninir
hvør sær hava heimild at taka ávísar avgerðir innan tað
málsøki, teimum er litið upp í hendi, sbr. umboðsvaldslógini § 9, stk. 2,
landsstýrisins vegna, uttan at málið verður lagt fyri landsstýrisfund.
Hvørjar hesar eru, er ásett við siðvenju, og kunnu annars skifta frá
landsstýri til landsstýri, við at tað er landsstýrið sum kollegium má gera
eina tulking av, hvussu § 6, stk. 1, skal tulkast, og hvørji mál skulu gerast
av í kollegium. Sum dømi um mál, landsstýrismenn sbr. siðvenju hava
tikið avgerð í sjálvir uttan at leggja málið fyri landsstýrisfund, kunnu
nevnast góðkenning av byggisamtyktum eftir býarskipanarlógini § 1,
stk. 1, 81 og umsóknir um lánsloyvi frá kommunum sbr. kommunulógini
§ 39. 82
Sbr. stýrisskipanarlógini § 10 kann landsstýrið leggja uppskot til lógir
fyri løgtingið. Landsstýrið kann útskriva rættarreglur, kunngerðir, tá ið
heimild er til tess í lóggávuni.
Landsstýrið tekur avgerð í teim fyrisitingarmálum, sum tí sbr. lóggávuni
er litið upp í hendur, men kann ikki taka avgerðir mótvegis
borgarunum, uttan at heimild er í lóggávuni. 83 Mótvegis teim stovnum
og embætismonnum, sum settir eru undir landsstýrinum, kann stýrið
geva tænastuboð, uttan lógaheimild, um hvussu starv teirra skal verða
útint innan karmar lógarinnar. 84
Sbr. heimastýrislógarinnar § 6, stk. 2, tilnevnir landsstýrið limirnar í
ta nevnd, sum sett er at gera av málsræðistrætur millum føroyingar og
danir sbr. heimastýrislógini.
94
81 . Sbr. landsstýrisins j. nr. 855-.
82 . Sbr. landsstýrisins j. nr. 816-.
83 . Hetta er hin sonevnda løglýdnisgrundreglan (legalitetsprincippet). Sí um hesa
t.d. Ole Krarup og Jørgen Mathiassen „Elementær Forvaltningsret“ Juristforbundets
forlag (3.udg), København 1976, bls 52 ff.
84 . Nærri útgreinað um slíkar tænastufyriskipanir er í notu 83 nevndu heimild bls.
25 ff..