Galdandi stýrisskipan í Føroyum - Løgtingið

veitan av veðhaldi til felag við endamáli at keypa og umbyggja ferðamannaskip
til millumlanda sigling, sum broytt við løgtinglóg nr. 40 frá
15. apríl 1983, verður landsstýrinum heimilað landskassans vegna at
seta 20% av partapeningi í felag til keyp og umbygging av ferðamannaskipinum
„Gustav Vasa“ til millumlanda sigling og at veðhalda fyri
lánum, felagið tekur upp.
Í løgtingslóg nr. 29 frá 03.04.1986 um partapening í P/f Norðís, Eiði
fær landsstýrið heimild at seta upp í 210.000 kr. í P/f Norðís á Eiði.
Landsstýrið
Setan
Sbr. § 4, stk. 2, í stýrissskipanarlógini setur løgtingið landsstýrið, og
veitir sama grein í stýrisskipanarlógini heimild til við løgtingslóg at
áseta nærri reglur um setan av landsstýri við løgtingslóg.
Nærri reglur um setan av landsstýrinum eru ásettar í løgtingslóg nr. 2
frá 13.05.1948 um umboðsvald Føroya, sum er ein vanlig løgtingslóg,
sum ikki krevur serliga mannagongd fyri at verða broytt.
Eftir umboðsvaldslógini § 4 velur løgtingið løgmann 79 , og er ásett, at
valið skal fara fram eftir reglunum í tingskipanini § 33 um val av
einstøkum manni. Tingsskipanin er síðan tá samtykt av nýggjum, tingskipan
Føroya Løgtings frá 06.09.1985. Mannagongdin fyri einstakamansvali
er nú ásett við § 17, stk. 6, í tingskipanini, har sagt verður:
„Skal bert ein maður veljast, krevur hann meira enn helmingin av
tingmanningini fyri. Fær eingin tað, verður síðan valt enn einaferð. Fær
heldur ikki nakar tá helmingin av tingmanningini, verður 3. atkvøðugreiðsla.
Tá verður valt millum teir báðar, ið fingu flestu atkvøðurnar við
2. atkvøðugreiðslu, stendur á jøvnum, ræður lutakast. Við hesi 3. atkvøðugreiðslu
vinnur hann, ið fær flestu atkvøðurnar, stendur á jøvnum, ræður
lutakast.“
Sostatt ber til at tilnevna eitt minnilutalandsstýri.
Umboðsvaldslógin § 4 tykist at samríma illa við § 26 í stýrisskipanarlógini,
sum sigur, at løgtingið kann ikki gera samtykt um nakað mál,
uttan at meiri enn helmingurin av tingmonnum er á fundi og fyri
málinum. – Her er einki undantak fyri nakað mál. Hvussu ber so til í
eini lóg, sum er á einum gildisstigi, sum er lægri enn stýrisskipanarlógin,
92
79 . Undir viðgerðini av umboðsvaldslógini hevði ein minniluti, M. Holm, R. Long
og P. Petersen, uppskot um, at løgmaður skuldi verða beinleiðis fólkavaldur,
løgtingstíðindi 1948, bls. 23, men hetta uppskot teirra fall.