Galdandi stýrisskipan í Føroyum - Løgtingið

§ 12, stk. 1, 2. pkt. 3 viðgerðir krevjast ikki til at samtykkja tilmæli um at
seta í gildi ríkislóg her á landi. Her krevjast bert tvær viðgerðir sbr.
tingskipanini § 12, stk. 1, 2. pkt., við tað at hesi tilmæli verða viðgjørd
sum uppskot til samtyktar.
Sbr. siðvenju, og helst við fyrimynd í grundlógarinnar § 41 stk. 4,
falla burtur øll tey uppskot, sum ikki endaliga eru samtykt, áðrenn
tingsetan endar. Løgtingið kann tó gera av, at málið fer í millumtinganevnd,
t.e. at málið verður uppafturtikið og heldur fram í komandi
tingsetu, har slept var í undanfarnu tingsetu.
Ein minniluti á løgtingi hevur eftir stýrisskipanini ikki krav uppá, at
fólkaatkvøða verður hildin um eitt samtykt lógaruppskot, og fólkaatkvøðumøguleikin
er ikki nevndur í stýrisskipanini. Einaferð síðan
heimastýrið var stovnsett er tó fólkaatkvøða hildin um samtykt løgtingslógaruppskot,
nevniliga uppskotið til løgtingslóg um innflutning og sølu
av rúsdrekka, sum er kunngjørt av landsstýrinum sum kunngerð nr. 40
frá 17.07.1973 um fólkaatkvøðu um lógaruppskotið um innflutning og
sølu av rúsdrekka. Í hesum uppskotið var í § 12, stk. 1, 2. pkt. sagt:
„Fólkaatkvøða í rúsdrekkamálinum, fyri ella ímóti tí við aðru viðgerð
samtykta uppskoti, um tað verður samtykt við triðju viðgerð, verður álagt
landsstýrinum at skipa fyri, áðrenn lógin kann verða lýst.“
Uppskotið fall á fólkaatkvøðu, og samtykta lógin var tí ongantíð staðfest
og lýst.
Í stýrisskipanarlógini § 29, er givin løgtinginum heimild at gera nærri
reglur um starv sítt í tingskipanini. Upprunaliga tingskipanin var frá
05.05.1948, men var henda skipan avtikin, tá nýggj tingskipan var sett
í gildi 06.09.1985, sum enn er í gildi.
Fundir løgtingsins verða hildnir fyri opnum durum sbr. § 7, stk. 2, tó
kann løgtingið í einstøkum førum samtykkja, at mál skal viðgerast fyri
stongdum durum, og hevur henda heimild at halda loynifundir helst
ikki verið nýtt, síðan loynifundirnar orsakað av kríggsumstøðunum í
1940. Greinin merkir, at útvarp og sjónvarp uttan loyvi kunnu varpa út
beinleiðis frá løgtingsfundum. Í praksis er tó upplýst, at tað ikki er væl
sæð, um ikki formanskapurin frammanundan hevur fingið fráboðan
um, at útvarpað ella sjónvarpað verður.
At samtykkja mál á løgtingi krevst, at meiri enn helmingurin av
løgtingslimunum er á fundi og fyri málinum sbr. stýrisskipanarlógini §
26. Hetta merkir við tingmannatalinum í dag, at 17 mans skulu atkvøða
fyri máli fyri at verða samtykt. Í upprunaliga uppskotinum hjá Mitens
til stýrisskipanarlóg hevði § 26 hetta orðaljóð:
„Løgtingið kann ikki gera samtykt um nakað mál, uttan at meiri enn
87