Galdandi stýrisskipan í Føroyum - Løgtingið

Skipan
Ikki er í stýrisskipanarlógini ásett, nær løgtingið kemur saman eftir
valið, bert at tað skal koma saman innan ein mánað eftir valið sbr.
stýrisskipanarlógini § 9, stk. 2.
Áðrenn broytingina av stýrisskipanarlógini í 1985 var greitt, at tað
var løgmaður, sum ásetti, nær fyrsti tingfundur var eftir valið, við tað at
hann sbr. § 7, stk. 1, í tágaldandi stýrisskipanarlógini stevndi tingmonnum
til vanliga tingsetu ólavsøkudag, og eisini hann, sum stevndi tingmonnum
til eykatingsetu, sbr. § 7, stk. 4, og harvið eisini eftir nýval.
Í 1985 var § 7, stk. 4, broytt soleiðis, at løgtingsformaðurin hevur
heimildina at stevna tinginum til eykatingsetu, meðan løgmaður framvegis
stevnir tinginum til vanliga tingsetu á ólavsøku.
Tá er sperðil komin í § 7. Løgmaður hevur nú ikki longur heimild at
stevna tinginum til eykatingsetu; hesa heimildina hevur løgtingsformaðurin.
Eftir nýval er eingin løgtingsformaður, av tí at eingin løgtingsformaður
er valdur enn, tí at fyrsti tingfundur hevur ikki verið, og
løgtingsformaðurin í gamla løgtinginum hevur ongar heimildir; hetta
løgting er jú upployst, og ikki er vist, at hann verður afturvaldur.
Formliga hevur tí eingin heimild at boða til fyrsta tingfundin og
áseta, nær hann skal verða. Í verki hevur støðan tó verið tann, at
løgmaður hevur framhaldandi stevnt tingmonnum til fyrsta tingfundin,
og er heimild hansara fyri hesum javndømi av § 7, stk. 1, við tað at
fyrsti fundur eftir val kann sigast at verða fyrsta vanliga tingsetan eftir
valið. Sbr. § 2 í tingskipanini frá 06.09.1985 fer fram val av løgtingsformanni
og næstformonnum hvørja ferð, tingseta byrjar, og sostatt
eisini á fyrsta tingfundi eftir nýval. Eftir tingskipanini § 2, stk. 4, kunnu
10 tingmenn við 3 daga frest og við góðkenning tingsins krevja, at
formansskapurin verður valdur av nýggjum.
Virki løgtingsins er býtt upp í tær sokallaðu tingseturnar, tað er ávís
tíðarskeið, sum tingfundirnir fyrr vóru savnaðir saman um, og tingmenn
komu av bygd til Havnar og gistu so leingi, tingfundir vóru. Seinastu
árini eru hesir fundir ikki longur lagdir í einum samanhangandi tíðarskeiði,
við tað at tingmenn ferðast til Havnar til hvønn fundin sær.
Ólavsøkudag ganga tingmenn skrúðgongu 72 úr tinghúsinum í dómkirkjuna
og aftur í tinghúsið, har vanliga tingsetan verður sett. Er hesin
84
72 . Í uppriti um ting og ávísar tingsiðir dagfest 26.10.1993 sigur landsskjalavørðurin
og fyrrverandi tingmaðurin Jóannes Dalsgaard soleiðis frá skrúðgonguni: „Tað
er ikki lætt at siga við vissu, um skrúðgongan á ólavsøku, soleiðis sum nútíðin
kennir hana, er fyrndargamal siður, men nógv bendir á, at so er. At sjálv
tingsetanin alla søguliga tíð hevur havt stóran hátíðardám, benda allar