Ottar Ødegård: Sjukdommar og helsestell i ... - Romsdal Sogelag

Jordmorstetoskop, bekkenmål og blodtrykksapparat var nyttige hjelpemiddel for
jordmora. Foto: Dag Brekke.
andre i familien. Og kaffe og gode kaker vanka det. Dei diska opp med
det beste dei visste når jordmora var der.
– Men hende det at konene var åleine når dei trong fødselshjelp? At
karane var på sjøen, og det var vanskeleg å få hjelp?
– Då var det alltid naboar. Gode naboar på Bjørnsund. Dei hjelpte til.
Eg var visst aldri åleine med den fødande, men eg hadde mange fødslar
der det berre var mannen og eg.
– Mannen er vel ikkje mykje tess når det gjeld fødsel?
– N-å-å. Mange var greie. Men mange laut eg berre ha ut igjen, så eg
vart åleine.
– Det var i dei harde 30-åra du byrja i Bjørnsund. Var det ofte dårleg
råd blant folk?
– Ja, det var det. Men det var ikkje mykje klaging. Eg hugsar særleg
ei. Mannen var fiskar. Dei hadde ikkje god råd. Ho fekk overraskande
tvillingar. Ho hadde tvillingar frå før, og etter dei ein som enno ikkje
kunne gå. Når eg skjøna det kom to, tenkte eg: «Kor skal eg få sagt henne
at det kjem ein til?» For eg tykte det gjekk over seg. Men ho tok det
Jordmor i øysamfunn 143