Ottar Ødegård: Sjukdommar og helsestell i ... - Romsdal Sogelag

mar har vi frå rekneskap og administrasjon, mykje handskrive frå tida
før det var blåpapir og stensilering. Gamle bilete har vi også ein del av.
Så har vi verdfulle protokollar med pasientinformasjon, heilt frå den
tida då alt om pasienten stod på ei linje i protokollen: Namn, adresse,
fødselsdata, diagnose, behandling og resultat av behandlinga, kostnad
og kven som betalte. Samlinga av diagnoser tek oss til ei tid som var
totalt ulik notida, og med eit sjukdomspanorama som var heilt annleis.
Vi har også teke over sjukejournalane til tyske og engelske soldatar som
var behandla i sjukehuset under andre verdskrigen. Alt dette, og anna
sensitivt materiale, har vi innelåst i eit bra sikkert rom som vi har fått tildelt
i kjellaretasjen på bygget som var sjukehotell.
Opninga
Etter 3 år med førebuing vart museet opna 18. desember 1991. Attåt sjukehusstyret
inviterte vi då hjelparar, representantar frå fylket, museumsfolk
og mediafolk. Det var ein fin merkedag etter år med samlearbeid og
registrering. Først ein kort seremoni der formann i sjukehusstyret,
Haldor Ulvund, hadde opningsord og hengte namnetavla på døra, deretter
orientering ved komiteen og omvising.
Huset vart no etter kvart fullt, og vi ville gjerne vise fram det vi
hadde samla. Dei første åra hadde vi fast omvisingstid på onsdagar, og
ein heil stab med omvisarar vart engasjert: Klara Emaus, Gunvor
Pedersen, Per Slettvåg, Kristian Husby, Geir Mjelva Moen, Leif Nøsen,
Kristine Sporsem, Anna Ingeborgvik, Ottar Ødegård. Einskilde gonger
vart også andre nytta.
Utviklinga
Fast omvisningstid fungerte ikkje i lengda. Ofte sat omvisaren der og
venta utan at nokon kom. Så vart det etter avtale. Nokre namn og telefonnummer
stod på tavla, slik at interesserte kunne avtale tid. I 1995
vart eg pensjonist, og etter det har eg teke meg av det meste sjølv. Men
Leif Nøsen er alltid villig, og alle kull på sjukepleieskulen har omvising
med ein av sine lærarar.
Museet høyrer til Molde sjukehus. Vi er registrert i Norske Kunst- og
kulturhistoriske Museum (NKKM) og har fått signaturen SJM. Vi sender
årlege rapportar med statistikk til NMU (Norsk museumsutvikling).
Sjukehusmuseet i Molde 185