Ottar Ødegård: Sjukdommar og helsestell i ... - Romsdal Sogelag

eidsoppgåva til laget var å skaffe sjukepleierske til bygda. Ei slik var
ikkje lett å få tak i, i alle fall ikkje fullt utlært. Med stønad frå landsforeninga
måtte lokallaget senda ei utvald kvinne på opplæring. Den
første pleierska var Anne Marie Hatle, og ho kunne byrja i arbeid alt i
desember 1918. Løna hennar var 600 kr.pr.år pluss hus, lys og brenne.
Anna og Albert Moen skaffa husvære, og for det tok dei kr. 50 pr år. Dei
leigde ut til sjukepleierske i 25 år.
Det kunne vera hardt å skaffa pengane som trongst, særleg dei første
åra. Også 1930-åra var ei vanskeleg tid. Det vart satsa på årlege basarar,
festar og kyrkjeofringar. Dessutan sal av maiblomar og julemerke, og
loddsal. Det hjelpte på inntektene då det kom kvinneforeningar i krinsane
som støtta hovudforeninga. «Søsterringen» i Malmefjorden gjorde
ein stor innsats i dei vanskelege 30-åra. Krinsforeninga i Sylteosen fekk
namnet «Sykes venn».
Hovudoppgåva for laget var sjukepleie. Utlån av pleieartiklar var
også ei viktig oppgåve. Pleierskene hjelpte også til ved skulebarnkontroll
(kommunal helsesøster kom ikkje før i 1967). Laget ytte hjelp ved
krigs- og katastrofetilstandar i inn- og utland. Millom anna vart det
sendt mykje klede, sko, ullteppe og pengar til Korea etter krigshandlingane
der. I opplysningsarbeidet har laget gjort ein stor innsats. Dette
gjeld særleg tema om sjukdomar, hygiene og kosthald. Til dette arbeidet
hadde laget hjelp av ymse kategoriar helsepersonell.
I etterkrigstida var det nye oppgåver som venta. Spedbarn- og småbarnkontroll
gjekk helselaga inn for. Det var då i samarbeid med
distriktslækjarane. Oppgåva for laget her vart Indre Fræna kontrollstasjon.
Det var i 1947 at dette arbeidet vart teke opp. Jordmor Kaia Eidem
gjorde ein stor innsats med dette, mellom anna i samarbeid med konst.
distriktslækjar Steen. Dette var eit stort engasjement, og ein måtte stendig
pønske ut nye måtar å samla inn pengar på, sjølv om ein til dette arbeidet
fekk tilskot både frå Sosialdepartementet og av Vinmonopolpengane.
Kommunen ytte også noko til kontrollstasjonen.
Som lokale til helsestasjonen, fekk ein i starten bruke Sylte skule.
Seinare fekk ein rom på Gadhaugen. Men trongen etter eige hus melde
seg. Dette spørsmålet vart styrehandsama i november 1951. Ei nemnd
vart sett ned for å arbeide med saka. Den skulle koma med framlegg om
både tomt, utforming og kostnad. Asbjørn Moen vart formann i nemnda.
Indre Fræna helselag er 75 år 149