You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
NYHETER 1. mars - 3. april 006<br />
Ber styret ignorere dei tilsette<br />
BER STYRET TENKJE LANGSIKTIG: Allan Krill har undersøkt saka nøye og meiner at styret<br />
ikkje bør høyre for mykje på dei tilsette når dei gjer vedtak om ei eventuell NTNU-samling.<br />
– NTNU-tilsette vil stoppe<br />
protestane mot ei samling<br />
av universitetet når det<br />
kjem eit vedtak, spår geologiprofessor<br />
Allan Krill.<br />
SAMLOKALISERING<br />
TEKST: BJØRN ROMESTRAND<br />
romestra@underdusken.no<br />
ARKIVFOTO: CHRISTIN HAGEN<br />
Medan storparten av dei tilsette ved<br />
NTNU har markert seg <strong>som</strong> motstandarar<br />
av ei flytting av dragvollmiljøa til<br />
Gløshaugen, håper og trur Allan Krill<br />
at styret vedtek ei samlokalisering på<br />
møtet 10. mai.<br />
– Ei samlokalisering vil styrkje NTNU<br />
og gje universitetet høgare status, trur<br />
geologiprofessoren.<br />
Han trur også at protestane vil stilne<br />
når NTNU-styret har gjort eit vedtak i<br />
saka. Eit vedtak han håper seier ja til<br />
samlokalisering.<br />
– Der<strong>som</strong> det kjem eit vedtak for<br />
samling av universitetet, vil nok mange<br />
bli rasande. Men det går over.<br />
Krill åtvarer styret ved NTNU mot<br />
å leggje for stor vekt på det dei tilsette<br />
meiner, sjølv om han estimerer at<br />
mellom sytti og åtti prosent av dei er<br />
mot ei samling.<br />
– Styret bør tenkje langsiktig og på<br />
kva <strong>som</strong> er best for heile NTNU. Dei<br />
vitskaplege tilsette er spesialistar på deira<br />
eiga forsking og dagens undervisningsbehov.<br />
Dei er ikkje spesialistar på å tenkje<br />
langsiktig og heilskapleg. Vi ser også<br />
at når vitskapleg tilsette blir valt inn i<br />
leiinga, så vert dei meir positive til ideen<br />
om samlokalisering, hevdar han.<br />
Bør ta seg betre tid<br />
Geologiprofessoren trur imidlertid<br />
universitetsleiinga bør ta seg betre tid<br />
enn planlagt.<br />
– Det kan vere skadeleg å starte<br />
samlokaliseringa der<strong>som</strong> dei tilsette<br />
ikkje er positive. Derfor bør dei få litt<br />
tid å roe seg på, slik at protestane vert<br />
dempa, seier han.<br />
– Dei førebelse planane er heller ikkje<br />
gode nok.<br />
Han forstår kvifor dei tilsette blir<br />
frustrerte.<br />
– Dei siste ti åra har det vore mange<br />
omorganiseringar. Dei tilsette må<br />
rapportere om alt mogleg og får ikkje<br />
konsentrere seg om forskinga si.<br />
Fleire kritikarar hevdar at NTNU<br />
ikkje klarer å fokusere på fagleg framgang<br />
samstundes <strong>som</strong> organisasjonen<br />
bruker mange krefter på ei samlokalisering.<br />
Krill fryktar ikkje dette.<br />
– Det går an å forske samtidig <strong>som</strong><br />
det skjer ei utbygging. Å flytte kontor tek<br />
ikkje meir enn eit par dagar, seier han.<br />
– Krill er ein bajas<br />
Svein Kristiansen er leiar for Forskarforbundet<br />
ved NTNU – den største<br />
fagforeininga for vitskapleg tilsette<br />
ved universitetet. Han er ikkje einig<br />
med Krill.<br />
– Mitt inntrykk er at Allan Krill er<br />
ein bajas <strong>som</strong> liker å vere usamd med<br />
fleirtalet. Eg synest ikkje det er særleg<br />
djupn i det han seier.<br />
– Krill er jo sjølv ein vitskapleg tilsett.<br />
Og viss han har rett i det han seier, er<br />
heller ikkje han spesielt god til å ta tenkje<br />
langsiktig – med mindre han har spesielle<br />
evner, seier Kristiansen syrleg.<br />
Forskarforbundet har vore skeptisk<br />
til ei samlokalisering av NTNU sidan<br />
temaet vart kjent.<br />
– For å gjere NTNU til eit framifrå<br />
universitet, må vi skape gode studiemiljø<br />
og bli gode på forsking, ikkje byggje<br />
bygningar, seier han.<br />
Forbundet vil likevel studere den nye<br />
rapporten, <strong>som</strong> konkluderer med at det<br />
er økonomisk mogleg å samle NTNU i<br />
området ved Gløshaugen, nøye.<br />
– Dette er ei viktig sak, så vi vil bruke<br />
tid på å gå grundig gjennom rapporten,<br />
seier Kristiansen.<br />
– Djupt ueinig<br />
Svein Lorentzen sit i NTNU-styret <strong>som</strong><br />
representant for dei vitskapleg tilsette.<br />
Også han er djupt ueinig i det Krill<br />
seier.<br />
– Styret har jo einstemmig vedteke<br />
ei brei høyring, og det er fordi det er<br />
veldig interessert i kva dei tilsette meiner,<br />
seier han.<br />
Samstundes er Lorentzen einig i at<br />
det vedtaket <strong>som</strong> blir gjort på styremøtet<br />
10. mai må respekterast.<br />
– Alle, både tilhengarar og motstandarar<br />
av ei samlokalisering, må slutte seg<br />
til det styret vedtek i mai. Men der<strong>som</strong><br />
dei tilsette kjem med eit heilt eintydig<br />
råd i saka, så vil det vere eit argument<br />
<strong>som</strong> må vege tungt når styret skal ta ei<br />
endeleg avgjerd.UD<br />
SAMLOKALISERING<br />
DETTE HAR HENDT<br />
1. februar 2002: NTNU-styret<br />
vedtok å byggje eit nytt<br />
universitetssjukehus på Øya. Eit<br />
framlegg om å flytte sjukehuset<br />
til Dragvoll, og Historiskfilosofisk<br />
fakultet og Fakultet for<br />
samfunnsvitskap og teknologileiing<br />
til Øya, vart nedstemt.<br />
1. april 2003: NTNU-styret søkte<br />
om midlar til å byggje nytt bibliotek<br />
på Dragvoll. Samstundes slo det<br />
fast at «NTNUs langsiktige mål er<br />
å flytte de aktivitetene <strong>som</strong> i dag<br />
er på Dragvoll til Gløshaugenområdet».<br />
Dåverande rektor ved<br />
NTNU, Eivind Hiis Hauge, vedgjekk<br />
at det var ubehageleg å ha ein «så<br />
tvetydig strategi».<br />
8. februar 2005: NTNU-styret<br />
vedtok å halde fram prosjektet<br />
<strong>som</strong> undersøkjer moglegheita for å<br />
samle NTNU ved Gløshaugen.<br />
10. mars 2006: Prosjektorganisasjonen<br />
NTNU 2020/HiST<br />
2020 – Eventuell samlokalisering<br />
leverte den endelege rapporten,<br />
<strong>som</strong> konkluderer med at det er<br />
mogleg å samle universitetet<br />
på og ved Gløshaugen, både ut<br />
frå økonomiske og arealmessige<br />
omsyn.<br />
DETTE VIL SKJE<br />
10. mai: NTNU-styret gjer eit<br />
endeleg vedtak på om det ønskjer<br />
å samlokalisere universitetet på og<br />
ved Gløshaugen.