Utdanning nummer 16 2010 - Utdanningsnytt.no

Utdanning > nr 14/10. september 2010
fra forbundet.
Lokale forhandlingar sluttfører
tariffoppgjeret
Mimi Bjerkestrand
> leiar i Utdanningsforbundet
Foto: Erik M. Sundt
> Ofte omtalar vi tarifforhandlingane i spøkjefulle
vendingar som «vårens vakraste eventyr».
Tariffoppgjeret er ikkje sluttført før alle pengane
er fordelte. Eit «hausteventyr» skal snart utspele
seg i perioden 15. oktober til 15. november.
Våre lokale tillitsvalde er godt i gong med førebuingsarbeidet.
Dei har ein viktig jobb framføre
seg. Dei skal følgje opp Utdanningsforbundet
sine prioriteringar. Dei skal forhandle tillegg
som styrker lønsutviklinga for mange av medlemmene
våre. Det er legitimt at dei ulike
medlemsgruppene har forventningar om auka
verdsetjing på arbeidet sitt. Prioriteringane mellom
dei er difor krevjande.
Det er enormt mykje tid og mange ressursar
som går med til lokale forhandlingar. Mange
av våre tillitsvalde skal prioritere dette arbeidet,
samstundes som andre viktige lokale saker
for auka kvalitet i barnehagen og skulen står
på agendaen desse haustvekene. Innsatsen er
formidabel frå våre tillitsvalde i kommunar og
fylkeskommunar.
Hovudtariffavtalen i KS seier at det skal vere ein
naturleg samanheng mellom arbeidstakarane
sin kompetanse, kompetanseutvikling og lønsutvikling.
Vidare står det at lønnspolitikken
mellom anna skal tene til å «motivere til kompetanseutvikling»
ved at lønnspolitikken viser
«hvordan ønsket og tilegnet kompetanse gir
lønnsmessig uttelling». Lønnspolitikken skal
òg «legge til rette for faglige karriereveier og
avansementsmuligheter».
Kvalitetsmedvitne arbeidsgjevarar vil raskt sjå
samanhengen mellom gode tilhøve for høg
kompetanse, god kvalitet på læringsarbeidet
for ungane og auka rekruttering til stillingane.
Mange kommunar og fylkeskommunar er
heldigvis opptekne av kvalitet på læringsarbeidet,
og det finst både vilje og evne mange stader til å
prioritere ressursar både til kompetanseheving
og til rekruttering av gode lærarar i barnehage
og skule. Det fins vel ikkje betre rekrutteringstiltak
enn å sørgje for ein lærarstand med høg
kompetanse. La dei vise at dei har ambisjonar
på vegner av sine barn og unge.
«Tariffoppgjeret er ikkje sluttført før alle
pengane er fordelte.»
Denne gongen ligg det klare og viktige føringar
for dei lokale forhandlingane. Det hjelper, og
det var viktig at vi fekk det til. Føringane treff
våre medlemsgrupper godt, og det er vi nøgde
med. Både førskulelærarar, lærarar, tilsette i
pedagogisk-psykologisk teneste og skulefritidsordninga,
leiarar og andre grupper kan bli
omfatta av den viktige kompetanseføringa og
kvinneprofilen som ligg her.
Dei lokale forhandlingane skal sikre ei prioritering
av tilsette som har gjennomført relevant og
dokumentert spesial-, tilleggs- og vidareutdanning.
Vi er nøgde med denne prioriteringa fordi
det pedagogiske personalet sin kompetanse er
den viktigaste ressursen i arbeidet med barn og
unge. Vi har forventningar til at barnehage- og
skuleeigarane også finn det rett med ei slik prioritering.
Ja, vi meiner at våre arbeidsgjevarar
bør leggje så stor vekt på den kvalitetshevinga
som auka kompetanse i barnehage og skule vil
få, at dei også vil leggje til eigne midlar i potten.
Vi har eit stort fleirtal kvinner blant våre medlemmer
i barnehage og skule. Det er avtalt at
kvinner skal ha ein større del av den avsette
potten. Kvinneføringa blir ein nyttig test på om
den lokale lønspolitikken og dei lokale kriteria er
utforma slik at dei faktisk gjev god utteljing også
for kvinner med høgare utdanning. Det er avtalt
at lønspolitikken skal fremje og ivareta likestilling
mellom kjønna, og at den skal virke slik at
kvinner og menn blir behandla likt i vurdering
av løn og avansement.
Det er også presisert at kvinner i leiarstillingar
skal prioriterast. Det bør føre til at våre kvinnelege
leiarar kjem godt ut av dette oppgjeret.
Med dette ønskjer eg våre lokale tillitsvalde lukke
til med sluttføringa av årets tariffoppgjer.
57