Veileder for sikkerhet ved store arrangementer - Direktoratet for ...

Ei beredskapstrapp kan sjå slik ut:
Normal:
Mobilisering:
Forsterking:
Igangsetjing:
Normal drift
Nøkkelpersonar blir kontakta og informerte om situasjonen.
Nøkkelpersonar kontrollerer tilfanget på ekstra ressursar.
Nøkkelpersonar samlar saman ressursar.
Konsekvensreduserande tiltak blir sette i verk. Ressursar blir
omfordelte. Kontroll av oppsamlingsplassar og tilfartsvegar.
Tiltak blir sette i verk (inneber forsterka ressursar).
Styringsorgana blir varsla om situasjonen krev det.
Figur 6: Beredskapstrapp
Å trappe opp ein prosedyre
Ein fornuftig måte å setje i verk ein prosedyre på er å «trappe
opp», det vil seie ei trinnvis mobilisering av organisasjonen
før igangsetjing, som er det siste trinnet i beredskapstrappa.
Skulle den gitte situasjonen løyse seg, kan ein alltids gå tilbake
til tidlegare trinn. Det er betre å handle tidleg for sidan å trappe
ned beredskapen, enn å «vente og sjå» og handle for seint.
Ei opptrapping av ein evakueringsplan i mobiliseringsfasen
inneber til dømes at vi underrettar tryggingssjefen. I forsterkingsfasen
set vi i verk konsekvensreduserande tiltak. Det kan
innebere at alle som skal opne rømmingsvegar, går til nødutgangane;
at dei som skal møte utrykkingsfartøy, flytar seg til
tilfartsvegane; og at personen som skal informere frå scenen,
gjer seg klar i kulissane med mikrofon og informasjonsmanus
og så vidare. I igangsetjingsfasen set vi i gang sjølve
evakueringa.
Alle medarbeidarar bør ha klart for seg kvar i beredskapstrappa
organisasjonen er, og gjere seg klar for neste trinn med folk på
plass allereie før dei blir oppmoda om å gjere det. Å vere eitt
steg framfor skaper ikkje meir stress, men gjer sjølve igangsetjinga
av planen både enklare, sikrare og raskare.
Prosedyrar som startar fordi det har skjedd ei alvorleg hending,
kan likevel sjeldan trappast opp, sidan det oftast ikkje er tid
eller høve til å vere så føresjåande. Men gjennom å identifisere
kva som kan leie til alvorlege hendingar, kan vi likevel ha god
beredskap. Lyn kjem sjeldan frå klar himmel.
Kodeord i prosedyrar
Å bruke kodeord kan vere ein god måte å gjere planen meir
tydeleg og effektiv på. Fordelen med eit kodeord er at det
berre betyr éin ting, og det reduserer risikoen for misforståingar
og innblandingar frå utanforståande. Ulike kodeord og det
dei betyr, blir bestemt på førehand og kommunisert til dei som
treng å vite dei.
27