Veileder for sikkerhet ved store arrangementer - Direktoratet for ...

9.3 Dimensjonering og utforming
av passeringspunkt
Inngangar og utgangar er flaskehalsar som hindrar ein fri
straum av publikum. Sjølv om køar og store samanstimlingar
av menneske i utgangspunktet ikkje er farlege, kan dei ha visse
uønskte, negative følgjer som til dømes høgt publikumstrykk
og irritasjon blant dei besøkjande. Inngangar og utgangar må
difor formast og dimensjonerast for det venta publikumstrykket
– gjerne med ekstra kapasitet i tillegg.
9.3.1 Dimensjonering av inngang
Generelt bør inngangar dimensjonerast for å unngå flaskehalsar.
Kor store og kor mange innsleppspunkt som bør etablerast, er
avhengig av kor mange besøkjande som kjem, og av kor lang
tid dei bruker på kome inn. Prøv difor å vurdere kor mange som
kjem til ulike tidspunkt. Ta med i vurderinga kva type arrangement
det er, og korleis vêrtilhøva er. Eit arrangement med éi
framsyning per dag gir auka personpress på inngangen samanlikna
med festivalar, messer og arrangement som strekkjer ut i
tid. Les meir om publikumskapasitet i avsnitt 6.2.2.
Tenk gjennom følgjande punkt når inngangen skal
dimensjonerast:
• Berekn for maksimal belastning per punkt: Dersom
området har fleire inngangar, bør vi prøve å anslå kor
mange som kjem til dei ulike innsleppspunkta. Alle innslepp
bør vere berekna og utførte for maksimal belastning
i den mest intensive perioden av publikumsflyten. Til
saman bør inngangane ha ein samla kapasitet som utan
vanskar skal dekkje publikumstoppane på arrangementet.
• Feilmargin: Dimensjoner inngangen ut frå føresetnaden
om at det kan kome fleire menneske enn venta.
• Ekstra kapasitet: Konstruer inngangen slik at kapasiteten
kan aukast ved behov, til dømes ved å etablere fleire
sluser som kan opnast etter kvart. Legg ikkje opp til ein
kapasitet på meir enn 180 personar per time per innpasseringspunkt/sluse
(sjå metode for å berekne kapasiteten i
avsnitt 6.3.3.).
• Tilgjenge: Det skal vere mogleg å passere med rullestol.
Les meir om tilgjenge i kapittel 15.
9.3.2 Køordnarar
Dersom vi ventar mange menneske på kort tid, kan det vere
nyttig å ha eit system som reduserer risikoen for trengsel ved
inngangen. Inne i køordnarane skal besøkjande vere sikra
mot trengsel og ubehag. Samtidig sikrar køordnaren at ei
eventuell visitering ved inngangen blir avvikla på ein trygg
og smidig måte.
Køordnaren må byggjast slik at det er mogleg å ta seg inn i
og ut av køen. Bruk midjehøge gjerde/barrierar framfor høge
bryggeplassgjerde. Då er det mogleg for folk som treng assistanse,
å kome seg ut av køen, og for folk som skal yte assistanse,
å kome seg inn i køen.
Konstruksjon av køordnarar
Køordnaren kan konstruerast på ulike måtar. Eit hovudformål
med køordnaren er å hindre at trykk frå publikum skal forplante
seg vidare framover i køen.
• Køordnar med rette løp er arealeffektive og kan nyttast
når inngangsområdet har lite tilgjengeleg areal. Denne
løysinga gir ikkje god kontroll på trykk bakfrå.
Entre
Figur 13: Køordnar med rett løp.
• Køordnarar som går i sikksakk bruker noko meir
areal, men fordelen er at dei minskar trykket framme ved
innsleppspunktet.
Entre
Figur 14: Køordnar som går i sikksakk.
• Ein køordnar med sluser kan brukast ved større arenaarrangement
der alt publikummet passerer inngangen på
relativt kort tid. Personellet avgjer når slusene skal opnast
og publikum får sleppe inn. Slusene gjer det mogleg å
handtere store køar og gjere unna visitering og billettkontroll
allereie i køen/slusa.
Figur 15: Køordnar med sluser.
Entre
73