Veileder for sikkerhet ved store arrangementer - Direktoratet for ...

at vi kan bruke maksimal persontettleik for å berekne den
maksimale publikumskapasiteten.
Dimensjonerande og maksimal persontettleik
Persontettleik er ein sentral faktor som skildrar talet på personar
per kvadratmeter tilgjengeleg publikumsareal. Kor tett
publikum står, påverkar mobiliteten og dynamikken i folkemengda.
Kva persontettleik som blir oppfatta som behageleg,
varierer med type arrangement og publikum.
Med dimensjonerande persontettleik meiner vi kor tett vi ein
kan tillate seg å pakke menneska på eit gitt område saman, til
dømes framfor scenen. Med maksimal persontettleik meiner vi
det endelege valet av maksimalt nivå for persontettleik på det
gitte området.
Dimensjonerande og maksimalt persontal
Det dimensjonerande persontalet er det persontalet vi ønskjer
å ha høve til å sleppe inn på arrangementsområdet, til dømes
kor mange billettar vi reelt sett kan selje.
Maksimalt persontal er det maksimale talet på personar som
er sett for arrangementet, når vi kjenner føresetnadene som
arrangementsområdet og andre avgrensande faktorar (innslepp/
utslepp osv.) gir.
6.2.2 Praktisk berekning av
publikumskapasiteten
Ved arrangement som går føre seg på lokalitetar som ikkje er
spesielt eigna, er berekninga av publikumskapasiteten retningsgivande
for val av arrangementsarena. Publikumskapasiteten
blir blant anna fastsett ut frå faktisk publikumsareal og
kapasiteten i tilgjengelege rømmingsvegar. I nokre tilfelle bør
fagkyndige branntekniske rådgivarar gjere slike berekningar.
Der rømmingsvegane har god breidd, kan vi nytte tommelfingerregelen
om minst ein cm per person i tilgjengeleg breidd.
Å fastsetje maksimalt publikumstal
Det er arrangøren som skal dokumentere og stå ansvarleg for
det maksimale publikumstalet. Lokale brannvernmyndigheiter
kan be om å få sjå dokumentasjonen som er utarbeidd for å
fastsetje kor mange personar som kan opphalde seg i ein bygning,
eit telt eller innanfor eit lukka område. Dersom denne
dokumentasjonen ikkje er tilfredsstillande, kan brannvernorganet
krevje at vi set i verk ytterlegare tiltak eller kjem med meir
dokumentasjon, eventuelt kan dei leggje ned bruksforbod.
Sonedeling av arrangementsområdet
Publikum fordeler seg ujamt utover arrangementsområdet.
Det er høgare persontettleik ved fokuspunkt enn i arealet elles.
For å forenkle berekninga av kapasiteten kan det vere tenleg
å dele området i ulike soner ut frå forventa persontettleik. Det
kan gjere det enklare å berekne personbelastninga for eit større
arrangementsområde.
For å kunne sjå på eit areal som ei sone, bør arealet innanfor
sona ha likeverdige eigenskapar når det gjeld følgjande:
• Attraksjonskraft – altså kor interessant dette arealet er
for publikum. Døme på ulike soner er området framfor
scenane, serveringsområda og aktivitetsområda.
• Dei fysiske føresetnadene for området – korleis underlaget
er, hellinga på terrenget, sol og skugge osv.
• Korleis tryggleiken er organisert – til dømes personell,
planar og tryggleiksførebuingar. Område som er godt
overvaka av tryggingspersonell, kan ha høgare persontettleik
enn område utan slik overvaking. Når vi bereknar
kapasiteten, må vi difor ta omsyn til korleis tryggleiken
for området er organisert.
Det maksimale talet på personar innanfor eit arrangementsområde
eller ei sone er det lågaste persontalet som følgjande fem
utrekningar gir:
Publikumstal A: kor mange personar området rommar (ut frå
dimensjonerande persontettleik)
Publikumstal B: inngangs- og innsleppskapasitet
Publikumstal C: utgangskapasitet når arrangementet ordinært
blir avslutta
Publikumstal D: rømmingskapasitet gjennom utgangen og
flaskehalsar
Publikumstal E: personflyt og logistikk innanfor
arrangementsområdet
Her greier vi ut vidare desse punkta:
Publikumstal A: Kor mange personar rommar området?
Som ein tommelfingerregel kan vi rekne ut publikumskapasiteten
ved følgjande enkle framgangsmåte:
1. fastsetje det faktiske publikumsarealet i sona
2. fastsetje den maksimale persontettleiken ut frå bruksområdet
til sona, det vil seie om det er eit ståande publikum,
benkar, tribune eller liknande
3. berekne det maksimale persontalet ut frå verdiane i punkt
1 og 2
Dette er retningsgivande tal. Følgjande ulike variablar påverkar
kva som blir den maksimale persontettleiken:
• faremoment knytte til vêrtilhøve: til dømes kraftig regn,
overvatn/myrlendt, sterk vind, sol osv.
• årstid: omsynet til klede og behov for å røre seg om det er
kaldt
• type arrangement: intimsoner mellom personar varierer
alt etter kva slags publikum det er (til dømes rockekonsert
samanlikna med familiearrangement)
52