Veileder for sikkerhet ved store arrangementer - Direktoratet for ...

KAP. 8
8.1 Scenen og
sceneområdet
8.2 Plassering
av scenen
8.1 Scenen og sceneområdet
Scenen og sceneområdet omfattar ikkje berre sjølve tilskodarplassen,
men også området rundt scenen, som inkluderer
backstage, scenegrava, mikseplassen og publikumsområdet.
Les meir om bygningstekniske krav til sjølve scenen i
kapittel 13.
Front of house
(Mikseplass)
Scenebarrikade
Scenegrav
Port
”Stage left”
Førstehjelp
Fotograv
Scene
”Stage right”
Produksjonsområde
Figur 8: Døme på plassering av innretningar rundt scenen
”Backstage”
Lasterampe
8.1.1 Scenegrava
Området mellom scenen og scenebarrikaden blir gjerne kalla
scenegrava, og er først og fremst arbeidsplassen til tryggingspersonellet.
Uvedkomande bør ikkje ha tilgang til dette området
når det er framsyning på scenen. Denne rettleiaren bruker
omgrepet scenegrav for dette området.
Scenegrava, særleg avstanden mellom scene og scenebarrikade,
bør dimensjonerast ut frå følgjande faktorar:
• Høgda på scenen: Di høgare scenen er, desto lengre skal
avstanden vere mellom scene og scenegjerde.
• Djupna på scene: Dersom artisten står langt inne på
.scenen, bør avstanden mellom scene og scenebarrikade
vere lengre for at dei fremste publikummarane skal kunne
sjå artisten.
• Høgda på publikum: Når det er barn blant publikum, bør
avstanden mellom scene og scenegjerde vere større.
• Tilstrekkeleg arbeidsplass: Det bør vere tilstrekkeleg
arbeidsplass for personellet i scenegrava. Vurder om det er
behov for ei eiga fotograv for fotografar.
Ein tommelfingerregel er at scenegrava bør vere minst éin
meter djupare enn scenen er høg. Dersom scenegrava blir for
djup, og avstanden mellom publikum og scene for stor, kan
dette øydeleggje ein del av opplevinga.
Døme: Ved større konsertar er scenehøgda som regel
2,5 meter. Avstanden mellom scenen og scenebarrikaden
bør då vere minst 3,5 meter. For ein scene som er
1,5 meter høg, bør avstanden vere rundt 2,5 meter.
66