Veileder for sikkerhet ved store arrangementer - Direktoratet for ...

KAP. 12
12.1 Sanitærområdet 12.2 Avfallshandtering
12.1 Sanitærområdet
På sanitærområdet finst toalett og vaskehøve. Dei må dimensjonerast
etter kor mange gjester vi ventar kjem. Det kan vere
lurt å ta tidleg kontakt med ein erfaren leverandør av mellombelse
sanitæranlegg for å diskutere toalettypar, kapasitet og
plassering av sanitærområdet. Her følgjer nokre punkt som kan
vere nyttig å ta med i vurderinga.
12.1.1 Val av toalett- og sanitærløysing
Val av toalettløysing kjem an på plassering, vegar, vasstilgang
og budsjett. Kommunen, andre arrangørar og leverandørane
kan gi råd.
Eksisterande toalett
Arrangøren bør vurdere om det er stor risiko for skadeverk og
høge kostnader knytt til bruk og reingjering av eksisterande
toalett. Sjølv om vi trur kapasiteten held, kan det likevel lønne
seg å bruke mellombelse toalett dersom skaderisikoen er stor.
Mellombelse toalett
Tørrklosett er den vanlegaste mellombelse toalettløysinga.
Dei har separate tankar og blir tømde med slamsugingsbil.
Herretoalett kan avlastast ved å bruke urinal, men hugs at talet
på toalett må bereknast ut frå at dette berre gjeld menn. Toalett
bør alltid stå på plant underlag og festast slik at dei ikkje
kan velte.
Mellombelse vassklosett krev at det er tilgang til avløp,
septiktank eller liknande og vatn med riktig trykk. Kontakt
vass- og avløpsansvarleg i kommunen for å sjekke kva som er
mogleg. Installasjon av avløp skal gjerast av ein profesjonell
VVS-montør.
Vaskestader og dusjar
Vaskekummar med kranar bør så langt som råd finnast på eller
ved sanitærområdet. Det er viktig med avløp frå desse, elles
blir området vått og leirete. Dersom det ikkje finst høve for
vask med rennande vatn og såpe, bør arrangøren tilby antiseptiske
kremar. Dei som handterer næringsmiddel, må ha enkel
tilgang til skikkeleg handvask. Talet på vaskekummar må stå i
forhold til talet på toalett og urinal.
12.1.2 Kapasitet
Ta følgjande faktorar med i vurderinga:
• forventa drikkekonsum
• god nok kapasitet til å handtere toppar, til dømes morgon
og kveld og mellom framsyningar
• toalettbehovet aukar utover det talet på deltakarar skulle
tilseie dersom vi etablerer mellombels campingplass i
tilknyting til arrangementet
• handikapptoalett
Tabellen kan gi eit utgangspunkt for å berekne kor mange toalett
som trengst på arrangementet. Sjå på forholdstala som eit
minimum. Talet på toalett per 100 personar må aukast dersom
vi ventar eit høgt ølkonsum eller at mange skal overnatte på
staden. Generelt kan vi rekne med like mange kvinner som
menn på dei fleste arrangement.
For arrangement som er opne meir enn seks timar
For arrangement som er opne kortare enn seks timar
Kvinner Menn Kvinner Menn
2 toalett per 100 kvinner 1 toalett per 100 menn,
og 1 urinal per 300 menn
1 toalett per 100 kvinner 1 toalett per 150 menn,
og 1 urinal per 400 menn
Figur 16: Toalettbehov
88