Norsk kritikerlag 10 år - Kritikerlaget

The perfect match?
Dramatikaren teatermeldaren:
Ein relasjonsanalyse og -kritikk sett frå berre den første sin ståstad
1. forsøk: Handlingsreferat og terningkast
Du kom inn i livet mitt for seks år sidan. Du møtte meg mjukt
då eg var debutant, men etter det har du blitt skarpare,
mindre føreseieleg og du har også sendt veldig doble signal
nokre gonger. Mot slutten av seksårsperioden er forholdet
vårt stadig ambivalent og uavklart.
Spennande til tider, men noko langdrygt.
Terningkast fire.
2. forsøk: Lat meg byrja med å klargjera min eigen ståstad
Eg tilhøyrer den arten pattedyr med sterkast flokkinstinkt.
Sjølv om eg prøver å vera kunstnar, så tilhøyrer eg Homo
Sapiens, og vi har det med å villa laga god stemning. Eg
har lese ein stad: Vi treng kvarandre. Vi er sårbare åleine.
Vi vil bygga relasjonar. Det er jo trass alt jubileum.
Driven av dette har eg mest lyst å skriva ein rein hyllest i
anledning 10-årsdagen. Men dette er sjølvsagt umogleg.
Eg kunne bli avslørt som nettopp det eg er – ein som prøver
å seia dei rette tinga. Det ville vera veldig pinleg.
57