Aves_da_cidade_de_Pontevedra_baja

GUÍA DAS AVES DE PONTEVEDRA
© C. D. Romay Cousido & E. Martínez Sabarís / Grupo de Anelamento Anduriña.
Índice xeral - Índice (nomes cientificos) - Índice (nomes galegos)
Estival, Reprodutora, Nativa
91
Folosa das canaveiras
Acrocephalus scirpaceus (Hermann, 1804)
fulepa das canaveiras
carricero común
reed warbler
Distribución e hábitat. Abundancia.
Global. Presente en Europa, oeste de Asia e noroeste de África. Estival,
inverna na África subsahariana. Común (Del Hoyo et al., 2006).
Península Ibérica. Galicia. Repartida pola case toda a Península, faltando
de zonas de alta montaña e áreas áridas. Escasea no terzo norte.
En Galicia está distribuída de xeito descontinuo pola franxa litoral, sendo
común localmente (por exemplo, no Baixo Ulla). Elixe zonas de canaveiras
(Phragmites australis), ás veces de reducida extensión, e ocasionalmente
espadainais. Fóra da época de cría, tamén en zonas de ripisilva e sebes
entre cultivos.
Área de estudo. En xullo do ano 2000, descubriuse como reprodutor na
Xunqueira de Alba e estimouse a poboación en 7-9 parellas, cos últimos
individuos vistos en outubro (Piñeiro, 2003a). Nos anos seguintes non se
volveron prospectar adecuadamente os seus hábitats, ata o ano 2005, no
que se realizaron labores de anelamento de aves palustres na Xunqueira.
Entre o 5/7/2006 e o 1/8/2006, en seis xornadas de anelamento capturáronse
ata 38 aves (máis dúas recapturas), das cales 22 de segundo ano
ou adultas e 16 xuvenís do ano (P. Sanmartín, com. pers.). A primeira cita
en 2007 foi a dun macho cantor o 22/4/2007 (Sanmartín, 2007b), sendo
o primeiro exemplar de 2008 capturado bastante cedo, o 14/3/2008 (P.
Sanmartín, com. pers.). En 2010 o primeiro exemplar do ano foi localizado
o 28/4/2010 de novo na Xunqueira (P. Sanmartín, com. pers.). Neste ano
houbo polo menos catro machos territoriais na zona leste do ENIL e densidade
superior ás 7 aves/10 ha (datos propios; táboa 33).
Xestión da especie.
É importante para esta especie a non degradación das zonas húmidas
con orla de vexetación helofítica, nomeadamente canaveiras.
Especie Ano Mes
Acrocephalus
scirpaceus
Hábitat
(lugar)
Itinerarios
nese hábitat
Densidade
(aves/10 ha)
IKA
(aves/
km)
2010 Maio Canaval (Xunqueira de Alba) 2 7,2 3,6
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Táboa 33. Abundancia da folosa das canaveiras (Acrocephalus scirpaceus) en Pontevedra nos anos 2008
e 2010.
Mapa de distribución da folosa das canaveiras (Acrocephalus scirpaceus) en Pontevedra
nos anos 2008 a 2010.
Páxina anterior - Páxina seguinte