Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Residente, Non reprodutora, Nativa
12
Garzota
Egretta garzetta (Linnaeus, 1758)
garza, garza branca
garceta común
little egret
Distribución e hábitat. Abundancia.
Global. Distribuída por boa parte do sur e centro de Europa, África, sur
e leste de Asia e Australia. Residente ou parcialmente migratoria. Común
(Del Hoyo et al., 1992).
Península Ibérica. Galicia. Existen varias colonias de cría concentradas
no cuadrante suroeste, con numerosas localidades de nidificación tamén
no litoral mediterráneo, val do Ebro e do Douro e Baleares. Recente cría
de parellas en colonias illadas na costa cántabro-atlántica ibérica desde
o País Vasco ata Portugal. En Galicia atópase como non reprodutor por
boa parte da franxa costeira e rara vez en humidais do interior. As mellores
concentracións rexístranse nas rías de Ortigueira, Ferrol e, sobre todo,
Arousa. Unha única colonia coñecida (anos 2009 e 2010) na ría de Arousa
(E. Martínez, com. pers.; M. Lorenzo [vía galiciaves], com. pers.).
Área de estudo. Obsérvanse exemplares illados ou pequenos grupos ao
longo do ano nos arredores da illa das Esculturas, no treito final do río
Lérez e, sobre todo, na zona intermareal fronte a Lourido e Mollabao, onde
as cifras máis elevadas poden oscilar entre 11 e 17 exemplares, aínda que
o 18/11/2009 víronse 24 garzotas (E. González, com. pers.). Moi rara vez
remontan o río máis alá da ponte do ferrocarril en Monteporreiro (P. Sanmartín,
com. pers.). Na Xunqueira de Alba semella escasa, cun máximo
de tres exemplares a comezos de outubro de 2008 e presenza regular
entre xullo e outubro (anos 2008 e 2009) (Cabaleiro, 2008a; datos propios).
Tamén se observaron ata tres exemplares no treito final do río Rons
(P. Sanmartín, com. pers.). Na lagoa de Alba houbo dous exemplares en
outubro de 2007 e citas esporádicas noutros anos (P. Sanmartín, com.
pers.; datos propios).
Xestión da especie.
É importante evitar a contaminación das augas das lagoas, e tamén calquera
tipo de actividades lúdicas que poidan molestar a estas elegantes
aves, como as realizadas con embarcacións de motor.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da garzota (Egretta garzetta) en Pontevedra nos anos 2008 a
2010.
Páxina anterior - Páxina seguinte